YOSUA 9:25 - Allah Wene Fano Wene Hupla Inane

²⁵ Nen yogondak nit he nineisena hat ha'ma welagonggere haren yi'nogo hilingfisagain iluk, hendawimo nen fano anggegen mene andi hilingninobagagin fano,” iluk yagatukwa.

YOSUA 9:25 ပူးပေါင်းရင်းမြစ်များ

KEJADIAN 16:6

A'nogo wenagetikhemo, at Abram en he, ”Fano, at faget he, hat hamingmingengge atma honggwaregenat iginmo re, hat hendawimo hamolo anggegen higithogoat hilingi'no o,” iluk yagatikhemo, at he Sarai nen he, he Hagat wiik-weakhogo hilingfesikhemo heise wulifikhe.

2 SAMUEL 15:26

A'nogo meneat he, At Tuhan nen an nebe endawit nafi'lek halok he, an nebe faget andi re At endawimo anggagain mene higithogo hilinglasuak anggikhi lagi o,” iluk yagatikhe.

2 SAMUEL 24:14

A'nogo yagatikhemo at Daud en onggo ikhi logolik he, ”Eige! An a'nogo re alomat lagi o! Oba nen he At Tuhan andi re endawi hundik hilinginafu aple andi re mondok hokho hilingi'mo afuni nen unggum noba fogoin andi re elo'lek hilingi'mo we nit ninebe mondogat At Tuhan nen unggum ninoba fagain andiat fano o,” iluk yagatikhe.

2 RAJA-RAJA 10:5

Andiba re it ap raja ebe werek oba faget kepala welagaikhe mene inom, o kota andiba kain welagaikhe mene inom, it holhu mene faget welagaukwa mene inom, nen it hun Ahab againafuri inom, iren tagongge mene inom faget halinafu welagaukwa mene omanogo inomen he wene yi'nogo palogo hun Yehu ba lakfesukwa, ”Nit he ap sa iluk ogo raja menfogoin lego. We ninoe hat ha'ma sebeluk haren yi'nogo hilingi'ni iluk miming ninabigin mene andi nek hilingiti logogun o. Enggere hat ninoe hendawimo nen yi fano iluk anggagain mene andi nek hilingi'no o,” iluk isukwa.

YESAYA 47:6

Attak he An nen nagainafuri wenagisikhi lagagi, it faget An nagainafuri wenaginafi mene werek anggikhi lagagi lek. A'nogo anggikhi logolik it a'nogo An nen hat henggiba horogo fesigiba nen, haren it faget inelagaik anggikhi lagagin lek, nen we it inaluendek meneba nen ogore haren haniniba enggin-fenggin inoba fikhi lagagin.

YEREMIA 26:14

An nebe faget he hit hinenggiba logolik, hinendawimo anggegep higithogo nek hilingnobagagun fano.

YEREMIA 38:5

A'nogo yagatama re at raja Zedekia nen onggo ikhi logolik, ”Fano! An nen he hit hinanggwe paligin lego, hit hinendawimo anggegep andi hakhogo hilingi'no o,” iluk yagaisasikhe.

YOSUA 9:26

Andi isukwama re at Yosua nen hilinginafikhe mene re yi: Aren he afuni omanogo inili waganogo fisasikhesik he hit Israel mene nen inoasugun lek iluk ane poget fesikhe.

HAKIM–HAKIM 10:15

Oba nen he it afuni Israel mene nen Tuhan oba ikhi logolik he, ”Tuhan, nit mondogat weak hilingitoma re, Hat hendawimo hilingisigin hamolo anggegen mene andiat hilingisin. We nit he yogondak yi sambul haren lebetninabigin andiaro,” iluk isukwa.

HAKIM–HAKIM 8:15

A'nogo waganogo wogotikhemo, at Gideon afuni o kota Sukot mene inogogwi kaindek omanogo inoba wagaikhesik he, mel yagaisasikhe: ”An nen Sebah inom, Salmuna inom oan fakfisigi'lek andi nen, hiren he, hat lebetheogoin ninabit, iluk egep a'nogo lek nogo? Eberogoat egep a'nogo hinendawimo eberek welagebo. A'nogo egep andi sambul he, an nagoromi sumburu mondok nele nen inomame lek agaikhasik werek kwelegat he, hiren he, hat hagoromi sumburu wogisogoin ninabit, iluk egep anggigi. Meneat he, yethani! Ap Zebah inom, Salmuna inom, a'nogo inebe yoma o,” iluk yagaisasikhe.

1 SAMUEL 3:18

A'nogo yagatikhemo, at Samuel en he, wene Allah nen yagatikhe mene omanogo ekhe hinati'lek mondok felelenghogo yagatikhe. A'nogo yagatikhemo, at Eli nen he, ”Andi re Tuhan nenat yagahetemo re, Aren yi fano anggikhe mene andi nek hilingisuago,” iluk isikhe.