YOSUA 9:20 - Allah Wene Fano Wene Hupla Inane

²⁰ Niren wene mondogat watoma re inebe pinggi inoasuok lek, andi nen wene wato mene andi taganet foumo Allah nen nit wene ninoba feinogo.

YOSUA 9:20 ပူးပေါင်းရင်းမြစ်များ

2 TAWARIKH 36:13

At raja Nebukadnezar en Zedekia ba limiti logolik he, ”Hat hoba tiphogo hilingiti logogin, iluk Allah enuba hombuk palin o,” iluk yagatikhe. Oba nen he at Zedekia nen he Nebukadnezar ane oak sagal fuluk hilingiti lagaikhe. At Zedekia nen ogore aweak omanogo herakfuluk ambotkwe sugulogo Tuhan ambit wagi'lek enggere, aren afuni Israel mene ineisena Tuhan Allah a'nogoba wesu re mondok elo'legat welagaikhe.

AMSAL 20:25

Hat hendawimo weak hegen hanogo re Tuhan faget wam warogo wogosigin iluk wene ware'luk halok he, oan warogo fei lagi'lek logolik furogo wenggel halugen hilingitu nogo.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

ROMA 1:31

Inendawinggen lek weak hilingitik, wene warisagaresigen kamo igik, afuni inabit enek welagik, inendawirinafi lek welagik, agarek.

1 TIMOTIUS 1:10

aben hemi pailak fakfisigik, ap-ap fakfisigik, agarek mene inom, afuni ekhe inagainafuri mene inenggi abisak hinaginafarek mene inom, ineranen agarek mene inom, ”Wene eberogoat igin,” iluk Allah enu hombuk palilugat he, lalinafarek mene inom, it mondogat a'nogo hilingitarek mene faget isikhe. Nen, it ekhe inobabut ebe wene fanotninaferek wene andi sagalogo herakfisaluk weak hilingitarek mene an igi'lek mene mondogat ekhe faget inomat isikhe.

YOSUA 9:19

Fesukwaba nen he, it inogogwi melalinafi lagaukwa mene andoma nen onggo ikhi logolik he, ”Niren Tuhan Allah afuni Israel mene hineisena enu hombuk palogo wene watoma ninggi'nogo hilingisu hak?” Yogondak he niren it inoba weak mene ekhe hilingfisouwok lek.

YOSUA 9:21

Wene andi ariginik enggere, niren it inebe ineluk fisogoin, oba nen he it inebe mondogaren he nit ninobaget e wu'nisigik, i ina'nisigik hilingitu mene logouwak,” iluk isukwa. Wene a'nogo hilingisugun iluk, it inogogwi melalinafi lagaukwa inap a'nogo nen wene andi palhukwa.