YOSUA 9:13 - Allah Wene Fano Wene Hupla Inane

¹³ Nen iwak agap meneba hilingik anggur agai hinatu mene oma re, niren i hinagaisogo kwaliluk wago andem sambul he agap ketsek welaga, oba nen he yogondak he kwela'nisani! Mondogat tethigik lagangge yoma. Nit ninasu laberek mene inom nina sepatu inom he yatma nen wagunemen mondogat tilibet lagama yoma.” iluk yagaisasukwa.

YOSUA 9:13 ပူးပေါင်းရင်းမြစ်များ

MATIUS 9:17

Andi hangge, afuni nen anggur enggen perelogo amusu ket mene iwak wam agap mene fageat hilingitarek mene elema hinatarek lek. A'nogo hinatu halok he, iwak andi yenggalaga logolik he, anggur enggen amusu andi kweisalogo alomat lagik, iwak andi halokhogo alomat lagik, inogoluk he, anggur enggen amusu ket mene halok he, iwak ket fano hilingitarek mene halogat elema hinasugun o. A'nogo hinasumo re, pireat fano logogun,” iluk yagaisasikhe.

MARKUS 2:22

Andi hak he, afuni nen anggur enggen perelogo amusu ket mene iwak wam agap endamat hilingik meneba hinatarek lek. A'nogo hinatu halok he, amusu andi nen iwak andi suphogo re, amusu kweisalogo alomat lagik, iwak yenggalagik, inogo iluk he, anggur enggen perelogo amusu ket mene iwak ket meneba hinatarego,” iluk yagaisasikhe.

LUKAS 5:37

Andi hak, afuni nen anggur enggen perelogo amusu ket mene iwak wam agap mene endamat hilingik mene elema hinatarek lek. A'nogo hinasugun halok, amusu ket mene andi nen he, supukhogo yenggalogo enggen amusu ebe kweisalaga logolik, iwak andi inomat yenggalasigin o.

ULANGAN 29:5

Hit hinebe 40 tahun hunugusogo andi At hineisena Tuhan nen o leikwe wokhinarek waga lagaba nen he, hinasu labetu mene inom, hineisok agut kwelafu mene inom tilip igik, weak agik ikhi laga lek.

YOSUA 9:12

Nen, nineisugwi hiren ogo ninamburu roti kwemangge helaluk wago mene ya hineilenggen kwela'nisani. Nit ninaiba nen wulifosik wago sambul he roti yoma re aganhan sek welaga. Oba nen he yogondak ya re kwela'nisani! Mondogat kelok ikhesik kulumage fikhemo yoma.

YOSUA 9:14

Andi isukwama afuni Israel mene nen he wene a'nogo faget Tuhan heinok wokhigi'legengge re, it ninom sebeti lago iluk it ap Gibeon mene inamburu endebengge ekhe nasukwa.

YOSUA 9:4

A'nogo holhukwasik. iren he Yosua eil label hambik logoin iluk he inangge keledai ba re karung mining mene inom, iwak agap meneba hilingik mene anggur agai hinatu mene iluk he mondok weak mene inom wanhukwa. Nen inebe nunggu mene iluk kwemangge re, roti iringik weak mene mondok ebene kulumage fesikhe mene fougetukwa.

YOSUA 9:5

Nen, inasu re mondok tilipsek mene labetukwa, ina sepatu re mondok endam mene selebenet higik itukwa.