YOSUA 9:11 - Allah Wene Fano Wene Hupla Inane

¹¹ Nit ninogogwi melalninafu mene inom, nen afuni nit ninaiba andoma werek mene inomen he, nit he nineisugwi hit hina'ma sebe ugun iluk sumburu kwemangge wo'nisagasik o andoma lani iluk la'ninobagai wagaikhama wago o. A'nogo wagonggere nineisugwi hinendawinggen mondok fanoba nit ninom hit inom wene wasuogo, isukwa.

YOSUA 9:11 ပူးပေါင်းရင်းမြစ်များ

KEJADIAN 43:12

Uang su karung oba kwale'ma heratep mene andi re inendawinggen nong-hong ikhemo hilingita lagou hak enggere uang andi wogisobagaigen hiren uang amu mene ekhe inom pireba hakhogo oba to'morogo waluk lobagaik.

2 RAJA-RAJA 10:5

Andiba re it ap raja ebe werek oba faget kepala welagaikhe mene inom, o kota andiba kain welagaikhe mene inom, it holhu mene faget welagaukwa mene inom, nen it hun Ahab againafuri inom, iren tagongge mene inom faget halinafu welagaukwa mene omanogo inomen he wene yi'nogo palogo hun Yehu ba lakfesukwa, ”Nit he ap sa iluk ogo raja menfogoin lego. We ninoe hat ha'ma sebeluk haren yi'nogo hilingi'ni iluk miming ninabigin mene andi nek hilingiti logogun o. Enggere hat ninoe hendawimo nen yi fano iluk anggagain mene andi nek hilingi'no o,” iluk isukwa.

ESTER 8:17

Andi hakhogo re, it afuni Yahudi mene werekwe o kota ebe lombok inom, propinsi ba inom, o ekhema-ekhema inom omanogo surat raja nen enu salik loageluk wulafikhe mene a'nogo enu salik lagaukwama inesanggo holhukwa kwe omanogo re inagaiyek hokhorogo hilingitukwasik he seni isarik lagaukwa. A'nogo hilingitunem he afuni o andoma mene it Yahudi mene inoba inailo welagaukwa mene omanogo re nit hit Yahudi mene ninom asugun o, iluk it inoba sebesi wagaukwa.

LUKAS 9:3

Lakfisikhi logolik he, mel yagaisasikhe: ”Hit he, kwe henengge faget yi mene ti mene ekhe mondok waluk lagubo. Hinarige tomuk inom, hinasu yi mene ti mene wokhisugunem kwalugun mene inom, sumburu inom, uang inom, nen hinasu laberogoin mene pirendek inom, ekhe mondok waluk lagubo.

YOSUA 9:10

nen, ekhe Tuhan nen raja Amori mene inebe pire o i Yordan ima nen mo ero fikhit andoma werek mene, hun Sihon raja Hesybon agun andi inom, hun Og raja Basan agun o Asytarot werek mene andi inom inoba hilingfisasikhe mene andoma holhosik wago o.

YOSUA 9:12

Nen, nineisugwi hiren ogo ninamburu roti kwemangge helaluk wago mene ya hineilenggen kwela'nisani. Nit ninaiba nen wulifosik wago sambul he roti yoma re aganhan sek welaga. Oba nen he yogondak ya re kwela'nisani! Mondogat kelok ikhesik kulumage fikhemo yoma.

YOSUA 9:8

Andi isukwama iren ikhi logolik he, ”Nit he nineisena haren yi mene hilingi'ni iluk yaganisagain mene andoma re ninendawimo fanoba hilingisugun enego,” iluk isukwama, Yosua nen heinok wogisikhi logolik he, ”Hit he hinebe sani nogo? Nen hinawi ero koma nen wagep?” iluk heinok wogisasikhe.