YOSUA 8:2 - Allah Wene Fano Wene Hupla Inane

² Raja o Ai agun andi inom o Ai ebe inom he haren attak o Yerikho inom inoe raja inom inoba hilingfisasigin aremnogo hakhogo hilingfisano. Oba nen yogondak yi nek he yi mene ti mene inom inanggo inom he hit hinangge mene asuageluk helano. O kota andi re ambol fikhiren ferekhogo inoasi kugun enggere fik-foukhogo hilingfeni,” iluk yagatikhe.

YOSUA 8:2 ပူးပေါင်းရင်းမြစ်များ

2 TAWARIKH 13:13

A'nogo ugu kwelek aremnogo re at Yerobeam en he it ap Yehuda inap a'nogo inoasi loageluk he, it agoromi fena inambotkwe walingisi laluk logouwageluk yagaisasikhe, nen it fena re, inolokhe fikhiren inom yabuageluk yagaisasikhe.

2 TAWARIKH 20:22

A'nogo it wuni wati lagaukwa inap a'nogo nen wuni ero wulagaisogo watunem he, Tuhan nen it ap inaselei mene inanggelek kwe lakfei wagaikhemo nalek-falek isasikhe.

MAZMUR 39:6

An nebe umur neluk welagi mene ari re Haren we mondok horokhogo enogo fegen! An neluk welagi mene ari faget he, Haren he amungge weak-weak legagarek andi hakhogo hilingik welagen. Eberogo nenat he, afuni ineluk andi re inele age futhugunem hangge hilingik,

AMSAL 13:22

Afuni inobabut fano hilingitarek mene andi re inalolegengge andoma iren taginabugun mene eiserakhambik logogun. Oba nen he, it ap weak hilingitarek mene inangge andoma re afuni inendawinggen fano higithogo logolik hilingitarek mene inobaget kabogetarek.

AMSAL 28:20

Ap higithogo hilingitarek mene re Tuhan nen fanot fisikhi logogin, oba nen ap weak-weak nenggi werek asigin iluk hilingiterek mene andi re unggum oba nen korogo lagain lek.

YEREMIA 17:11

Sue ekhe nen sue amu mene enggen tagoma sagaum eterek hak, afuni higithogo hilingitarek lek mene nen yogot wanharek mene re andi higit werek. At ebe eluk werek mene a'nogo wurep oba asi lagunem he, ap andi morue mene iluk enek agarek.

YEREMIA 51:12

Babel en pa'laget leget waganek mene andomaba hou sali laluk kwi logoin nen he enegengge feni o. Nen, ap salek mene re omamet feino. Ap inera'lu mendek mene re fouget feino. Ap kwe palinafu mene re fik foukhogo hilingi'no!” iluk ili'lagwi. Tuhan nen he afuni Babel mene inoba hilingfisagain iluk wenggelogo fikhe mene a'nogore mondogat hilingite.

ULANGAN 2:35

It inanggo halili'lagwi mene re mondogat nit helasugusik he, inaiba kota inom, mondogat nit sebelasugu.

ULANGAN 20:14

Oba nen he hemi inom, ineagwi inom, inanggo inom, yi mene ti mene o kota andiba welagarek mene andoma re hit helano. It hinaselei mene nen inangge mondogat andoma re At hineisena Tuhan Allah nen hit hinenggimo wokhisugunem hiren hinendawimo anggogoin higithogo helikhi logogun fano.

ULANGAN 3:2

Oba nen he Tuhan nen an yaganeti loglik, ’Musa. At andi oba hailo aguno. An nen at andi ebe inom agoromi sikhe fisogo inap inom at aiba inom mondogat hat henggiba wokhesigin enggere, haren hun raja Sihon it Amori mene inoe o Hesybon nen ferinarek welagaikhe agun a'nogo oba hilingfesigin a'nogo hakhogo hilingfeino,’ iluk yaganetikhe.

YOSUA 10:1

Afuni nen he, ”Ap Yosua nen, afuni o kota Yerikho mene inoe kain enupogot inomat mondok wulil tagalogo inoatesik, o kota Yerikho sebelhe andi hak, afuni o kota Ai mene inoe enupogot inomat mondok wulil tagalogo inoatesik inawi kota sebelhe aro,” iluk isukwama, afuni Yerusalem mene inoe kain enupogot enu Adoni-Zedek andi esanggo holhikhe. Nen ekhe re, it afuni ekhe nen he, ”Afuni o kota Gibeon mene nen he, afuni Israel mene yagaisikhi logolik, nit hit ninom fano logolik, hinanggelekwe yugunat logogun o, iluk arat wene wat-wat agama,” iluk isukwama esanggo holhikheat.

YOSUA 10:28

Linggene a'nogo sambul Yosua nen he o kota Makeda a'nogo sebeli kwikhi logolik inoe raja ogo ebe pinggi watukwa. Afuni o andiba werek mene re mondogat inoatukwaat, misik iluk ogo ineluk ekhe fisasukwa lek. At Yosua nen ap raja Makeda mene andi re attak raja Yerikho mene oba hilingfesikhe a'nogo higithogo hilingfesikhe.

YOSUA 11:14

Afuni o andoma werek mene re ineluk ekhe fisigi'lek inebe mondok pinggi inoatukwa. Oba nen he it inangge yi mene ti mene onggo hokho mene omanogo inom nen inanggo inom enek he it afuni Israel mene inangge asuogeluk helasukwa.

YOSUA 6:21

A'nogo sebelhi logolik, afuni inebe mondogat alage mene inom, yamanugwi mene inom, ap lek, hemi lek, o kota andoma welagaukwa mene inebe karok oba mondok inoatukwa. A'nogo inoati logolik inanggo sapi, domba, keledai inom watukwaat.

YOSUA 8:12

At Yosua nen he ap inebe 5.000 nen hakhogo o kota Ai nen mo ubuk ikherek fikhit, o Ai nen honggolek Betel en honggolek tulem andoma sali loageluk lakfisasikhe.

YOSUA 8:14

A'nogo lagaikhemo, at raja nen Yosua agoromi omanogo isasikhesik he aren weak-weakhogo nek fik-fouk etikhe. At ebe inom at agoromi inom he o Yordan tonggoma attak it ap Israel mene inoarik wagaukwa fikhit omanogo wagaukwa. At he hobuk it Israel mene nen inambot fikhiren inoarik wesugun a'nogo onggot logolik hilingitikhe.

YOSUA 8:19

At Yosua nen enggi tum watfugu kwelek aremnogo, ap esa hinagoma hou salek welagaukwa mene omanogo weak-weak siakhogo wulifi logolik he, o kota a'nogo pin kwi wagaukwasik, iren sebelasukwa. Andi nen iren pikhit o a'nogo pin talogo sebeli kwikhi logolik endu fatukwa.

YOSUA 8:24

A'nogo it Israel inap esa a'nogo nen ap inaselei mene it muginarek o lei esi le'ma wagaukwa mene omanogo felelenghogo inoatukwasik he, it a'nogo sugulogore o Ai lagaukwasik, afuni o andoma werek mene omanogo mondogat inoasi lagaukwa.

YOSUA 8:3

A'nogo yagatikhemo yagaisasikhesik he, Yosua a'nogo agoromi tentara inebe abirengge inom seberogo o Ai louwogeluk fik-fouk etukwa. Aren he agoromi kabelek mene weim inaninirogo yafarek mene nek inebe 30.000 nen penogo hubanggo lakfisasikhe.

YOSUA 8:7

A'nogo hilingitu kwelek andem hit hinebe salek logogun engge a'nogo wulifi logolik he o kota andi sebeli kwino. Hineisena Tuhan Allah nen hit hinenggiba arat waganogo fikhemo werek enggere.

YOSUA 8:8

A'nogo sebeli kwimbik he, Tuhan nen melalninobagaikhe higithogo re o kota ebe andi hali nolino. Hiren he wene andi higithogo hilingisugun.” iluk melalfisasikhe.

YOSUA 8:9

A'nogo yagaisasikhesik he, at Yosua nen it agoromi omanogo lakfisasikhemore it a'nogo o Ai nen mo ubuk ikherek fikhit, o Ai honggolek Betel honggolek andoma sali lagaukwa. Sali lagaukwasik nenangotu welagaukwa. Meneat he at Yosua nek he it afuni Israel mene nen inawi sabu sale'ma omanogo nogosikhe.

YOSUA 9:3

Oba nen he afuni it inunggulenu Hewi mene o Gibeon werek mene nen he, Yosua nen o Yerikhoba inom o Ai ba inom hilingfesikhe mene faget inesanggo holhukwa.