YOSUA 8:1 - Allah Wene Fano Wene Hupla Inane

¹ Tuhan en Yosuaba ikhi logolik he, ”Hagoromi tentara mondogat andogerinabimbik he, it inom seberogo o Ai andoma lani. Lageluk halok he hailo legengge hendawinggen sebel fakhambik lano! An nen he hun raja o Ai mene andi enggimo nen halonget hobagaigeluk welagi. Andi nen he againafuri melalinabi'lago mene inom, awi kota andoma inom, at anggweang inom he haren telogo sebeligin.

YOSUA 8:1 ပူးပေါင်းရင်းမြစ်များ

MAZMUR 27:1

At Tuhan andi re an liatnafik, telnafik ikherek mene hilingi'mo re. An nen nailotirek mene ekhe werek lego. Tuhan he an nalong palogo himbirengge higit fetnarek were'ma re, an he nendawimo youk igi'lek hampukhogo logogin.

MAZMUR 44:3

It Hat hagainafuri mene it ekhe inunggulenu amu mene inanggweang oba andoma logouwageluk he, Harenat mugusogo wulak fisasigin o. It afuni inunggulenu amu mene re Haren it inebe alomat fisikhi lagagin oba nen he, it hat hagainafuri mene nek he inebe saga ilik laga logouwageluk hilinginafi lagagin.

MAZMUR 46:11

A'nogo hilingiti logolik Aren he mel ikherek, ”Weim yafi lagep mene ari re palfeni o. Yi afuni ti afuni o kweangma welagep mene hineisena Tuhan Allah esin mondok mene re, we An namuat welagirek andi nen he, tukhumhogo fut nobagani o,” iluk ikherek.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 43:2

An he hit afuni Israel mene hineisena Tuhan Allah tegelek mondok logolik, hinebe telhinafirek mene a'nogo nen hat hebe fetharek logogin andi nen he, hat hebe i obakhe tekhogo palhik, i som lagik, ugunem i nen wokhabigin legat. Nen, endu amulok anggelekwe lagain mene re, hebe endu nen nagain legat. Nen, yi wene ti wene enggin mene hoba asigin mene re, andi nen hebe weaget habigin legaro. Hat hebe hagap telogo re afuni Mesir mene fisigimo werek, nen afuni Sudan mene inom, Syeba mene inom he, hat hobali'mo inebe inoasuagaluk fisigimo werego.

YEREMIA 46:27

Tuhan ane ikhi logolik, ”Yago, An nagainafuri Israel mene yoma re, hinailosu fugo! An namingmingengge Yakub he hoak leigesu fuk! Hat inom, hat hambisangmangge nen tago mene inom he, o kweang yatma hit hele warogo hinobagai lagaukwaba andoma nen An nen telhinabigin. Hit he hinailoba wesimbik, hit hinonggwarek hinanggweang oba andoma hinailo legengge logogun. Hit he, hinendawinggen serogo logolik hinailo legengge fanorogo logogun.

YEREMIA 49:3

Yago hit afuni Hesybon mene yoma re, hinawi kota Ai a'nogo re mondogat wolelenggen etemo re le aga logoni o! Yago hit hemi o Raba hemi yoma re le hinane kwi kwerogo yakhikhi logoni o! Fong warogo logolik he hinasu karung su ikfahaluk logoni. Hit hinanggembu Dewa Milkom a'nogo inom ap imam-imam omanogo inom, nen it pemerintah ineabu legoma hilingiri'lagwi mene omanogo inom he hele warogo huginabi lagaikharek oba omanogo huginabi lagaikhanggere hit he hinebene hinagambut palogo hinendawi ou hilik laga logoni!

DANIEL 2:21

Arenat ti sambul hibi asigin ti sambul salim asigin iluk inom, nen yi wene ti wene agarek oba asuageluk inom kagalogo fikherek oba hilinglagik, it ap inenu werek logouwageluk Aren liakfisigik, sebelfisigik, ikherek. Aren ogore afuni inendawinggen kagalek mene hilingfisigik, yi wene ti wene elok futfikhi logouwagaluk hilinginafik, ikherek.

DANIEL 4:25

Noe hat hebe afuni inoba nen mugusogo lakhobagaumo re, yi wam ti wam hinom o leimo andoma logogun. Andoma 7 tahun logolik he, wam sapi nen engga ninggerek andi hak ninggik, enda'ma leimo nogo igik, ugunem, hebene meiso henanggikil hoati logogin. A'nogo nugunem 7 tahun arat logombik enek he, noe haren, Ap inenupogot logolik, afuni ferinarek welagaikharek andi re, At Allah Lego Mondok welagarek mene enggiba welagare'ma higi. A'nogo enggiba logolik Aren, at andi hak enupogot logouwak, iluk anggikherek higithogoat inenupogot logouwageluk menfisikhere'ma, higi o, iluk hambeba nen fakhogo igin o.

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

MATIUS 8:26

A'nogo yagatukwama at Yesus nen he, ”Nenahalok hinailo aga lagep? Hinendawinggen an noba himbirik welagep lek yi ri!” iluk ane ilik-ilik menlagaikhesik he, sogoi a'nogo inom, i ha'labu a'nogo inom, ”Habolok,” iluk wenagetikhemo, abolok mondok legagaikhe.

ULANGAN 31:8

A'nogo sebeli kwigiluk kugunem he, At nineisena Tuhan ebe nen hat obokhogo herakhobagagi'lek fetharek mondok logolik, lebethiikhi logogin o. Andi nen he, haren, Nailo e, iluk hendawi fitun o,” iluk komotikhe.

ULANGAN 7:18

A'nogo anggagubo, it faget hinailo asu fuk. Nineisena Tuhan Allah nen ap kain enupogot Mesir mene inom, afuni aren awe a'ma ferinarek welagaikhe mene mondogat inom, hilinginafunem hineilenggen tomok hasigip a'nogo hinendawimo ebe'ni o.

ULANGAN 7:21

Andi nen he, afuni andi inoba re hinailo asu fugo. Nineisena Tuhan Allah lego mondok logolik omame hokho were'ma inailotharek mene a'nogo nen fethinarek mondok logogin o.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

YOSUA 10:7

A'nogo yagasi lagaukwama at Yosua ebe inom, agoromi ekhe tentara inafe hebelek mene mondogat inom, weim inanini weak mene esa logalhi lagaukwa mene inom, inomat weim yabuogoluk o Gilgal en wagaukwa.

YOSUA 10:8

Wesuogeluk ugunem Tuhan nen Yosua mel yagatikhe: ”Hat homame a'nogen iluk, An nen arat wokhetimo andi nen he hailo agun o. It mene misigen iluk ekhe fangesigin mondok lego,” iluk yagatikhe.

YOSUA 2:24

A'nogo yagatukwasik, hobuk at Yosua mel yagatukwa: ”Nineisena Tuhan nen o andoma mondogat eberogoat nit wo'nisagain o. Afuni o andoma mene mondogaren he ninoba inailo mondok werego,” iluk yagatukwa.

YOSUA 6:2

A'nogo hilingitu kwelek, At Tuhan nen Yosua yi'nogo yagatikhe: ”Yogondak An nen afuni o kota Yerikho mene mondogat inom, inawi wurik andi inom, inoe kain enupogot inom, at agoromi kabelek tentara inailo'lek mene mondogat inom, hat henggiba figi o.

YOSUA 7:9

Afuni Kanaan mene inom, afuni amu mene o kwe yoma werek mene inomen he wene hilinglaga mene andi faget inesanggo holugun. Nen iren he nit hukhogo kwelakninobagambik nit ninebe abirengge ninoasugun logou hak! A'nogo hilingirik lagunem Hat Halong Welagen mane a'nogo ninggi'nogo halong palogo fakhegen aplerek?” iluk yagatikhe.