YOSUA 7:9 - Allah Wene Fano Wene Hupla Inane

⁹ Afuni Kanaan mene inom, afuni amu mene o kwe yoma werek mene inomen he wene hilinglaga mene andi faget inesanggo holugun. Nen iren he nit hukhogo kwelakninobagambik nit ninebe abirengge ninoasugun logou hak! A'nogo hilingirik lagunem Hat Halong Welagen mane a'nogo ninggi'nogo halong palogo fakhegen aplerek?” iluk yagatikhe.

YOSUA 7:9 ပူးပေါင်းရင်းမြစ်များ

MAZMUR 115:1

Nineisena Tuhan nit ninebe hendawi nen, hoba lombokhogo fetninarek welagen andi nen, nit afuni fogetninabu lek hak, We, hat hamuat fogethafi logogun.

MAZMUR 48:10

Nineisena Allah, Hat Haiba elonggoma omanogo nen, Haren hendawi hundik hilingninafendek mene andi faget ebetu welago.

MAZMUR 79:9

Nineisena Allah, Hat he ninagap telogo ninobagagu mene welagenma re nit lebetninabin o, Hat honggwarek halong logolik lego welagen andi hak nit ninaweak honggoret fuluk nit ninebe fikhalogo ninobagain o.

MAZMUR 83:4

Iren he inonggwarek inawenggelek oba, Hat hagainafuri mene omanogo inoasugun mene faget enek wene palhu welagik, Nen afuni Hat hoba lomborogo werek mene omanogo inoasugun iluk inane misik seberogo matu welagik, ugu werego.

MAZMUR 83:5

Iren ikhi logolik he, ”It afuni inunggulenu Israel mene ari ekhe were'ma inenu ikhi logoinogo re, niren inebe mondogat leget fisouwogen we'ni o,” iluk ili'lagwi.

KELUARAN 32:12

Haren a'nogo inoasigin halok, afuni Mesir mene nen ikhi logolik, Allah nen afuni Israel mene a'nogo re, o tom oba a'lima nen inebe warogo mondogat legetfisageluk woginarek wulifesik lagama higi, iluk ugun o. Halok a'nogo hilingitun, andi nen neisena. Hat ha'mage lagaluk afuni andi weagetfisagun.

YEHEZKIEL 20:9

Oba nen he iren afuni unggulenu it were'ma andoma mene nen An nenu weagerogo feinogo iluk An nen a'nogo hilingitigi lek. Andi re it inunggulenu andoma ineilhanem An nen nane menfikhi logolik, An nen unggulenu Israel mene andi re o Mesir en woginarek wulibi lagain o, iluk nane menfesigi.

YOEL 2:17

Nen it ap Allah eisewerek logolik, At faget hilingiri'lagwi mene andoma re, mezbah honggolek, solombon elokhoma mene honggolek tulem andoma nen le asuak. A'nogo le aga logolik, mel uak: Allah henupogot mene, neisena. Hagainafuri hendawirinabin o. Hat honggwarek hangge mene andoma afuni nen weagerinafunem he, it inunggulenu amu mene nen inane asegen wogisikhi logolik, It ineisena Allah re ebe koma werek? iluk ikhi logoinogo,” iluk ayonggo fouwagaluk yagaisasigi.

MIKHA 7:10

Attak he, it inaselei mene nen nit pilipninafi logolik yi'nogo ikhi lagaukwa, ”Hit hineisena Tuhan Allah andi re ebe koma werek nogo?” iluk ikhi lagaukwa. Oba nen yogondak he, nit nineisena Tuhan nen nit ninobaget hilingninaferek mene andoma nisambik he iren inenggali asugun. Nen, it ninaselei mene andoma re fesi ebekhe kwe were'ma sebelharek andi hakhogo sebelisamo nineilenggen isogoin.

BILANGAN 14:13

A'nogo yagatikhemo, at Musa nen he Tuhan mel yagatikhe: ”Neisena. Hat homameba nit o Mesir en wo'ninarek wulibi wagagindik wagen meneat he, Haren nit a'nogo hilingninabigin andi, afuni Mesir mene nen inesanggo holugun o.

YOHANES 12:28

halok he, Neisena, hat henu esinet fakhan o,” iluk yagatunem he, pogoroba nen ane ikhi logolik, mel isikhe: ”Arat esinet fakhigirik he, hobuk esinet fakhagain aro,” iluk yagatunem.

ULANGAN 9:28

Hat hagainafuri andi inebe mondok legetfisagain halok he, afuni o Mesir mene nen mel yagahesugun: At Allah nen he againafuri o it wogisageluk wene warisasikheba loageluk inebe woginarek laga a'nogo re, Aren woginarek la elo'lek agama re, inebe abiren o leimo afuni le'ma andoma nen inoasigiluk woginarek lagama higi, iluk yagahesugun o.

YOSUA 7:10

A'nogo yagatikhemo Tuhan nen onggo Yosua oba ikhi logolik, ”Menlame o! Haren a'nogo kweangma helokhe sagaum logolik hilingiti lagen andi nenahalok!

YOSUA 7:8

Tuhan neisena! ap ninaselei mene nen he Israel mene yei warogo lakfisa wagaikha. Yogondak he an nen ninggi'nogo igin?

1 SAMUEL 12:22

At nineisena Tuhan onggwaregen he, It An nonggwarek nagainafuri asuagaluk woginafi, iluk onggwarek enu hombuk palogo isikhemo re, hit herakhinobagagin mondok lego.