YOSUA 7:3 - Allah Wene Fano Wene Hupla Inane

³ inambotkwe wagaukwasik Yosua yagasi wagaukwa. Iren ikhi logolik he, ”O Ai andi re nit ninebe abirengge nen pin ku lek hak, we ap inebe dua, tiga ribu hakhogo nek lakfisogoin fano. O kota andi re we endebat hilingi'mo ap tentara mondogat lakfisa fuk.” iluk yagatukwa.

YOSUA 7:3 ပူးပေါင်းရင်းမြစ်များ

AMSAL 13:4

It afuni ekhe yabu hilingisu inaberali mene andi, inendawimo nen yi mene ti mene inamolo anggagarek meneat he, ebe misik iluk ogo ekhe helagarek lek. Nen, it afuni ekhe yabu inomame mondok hokhorogo hilingitarek mene andi nek he, yi mene ti mene inendawimo inamolo anggagarek mene andi, higithogoat helagarek.

AMSAL 21:25

Ap korek mene yabu hilingisu abit mene andi re, at endawimo amolo mene omanogo nen ebe warogo fakhikherek.

LUKAS 13:24

”It afuni hokhorogoat, kwe endep kwe kuogeluk walhogoin meneat he, elo'lek asigin andi nen he, hit kwe endep kwe andiba kubagaigen he, hinomamerogo hilingiti logoino o, iluk yagahisikhi lagi.

IBRANI 4:11

It attak Allah ane hologo higithogo hilingiti'legen, set waligi'lek andi hak, nit ekhe it inobali'mo set walogo lek hanogoluk, ninomamerogo hilingiti logouwogo.

YOSUA 7:2

Andem huli re, Yosua nen ap inebe fenakwe o kota misik ekhe o Betel en mo lagai wagarek fikhit o Bet-Awen horokhogo, o Ai andoma ineil penesi loageluk lakfisasikhe. Lakfisasikhemo lagaukwasik he, iren hilingisuageluk yagaisasikhe mane a'nogo mondogat hilingfuluk he,

YOSUA 7:4

Andi isukwama re o andoma pin talogo inoasugun iluk lagaukwa mene re ap inebe tiga ribu nen lagaukwa, oba nen he it Ai inaben he it Israel mene a'nogo yei warogo inambotkwe lakfisa wagaukwa.

2 PETRUS 1:10

Andi nen he, nerugwi nagaila'lak. Hinebe Allah nen wenakhinafikhesik, hinayonggo fesikhe andi re, eberogoat hilinglasuageluk, hiren anggilukhogo hinomamerogo hilingiti logoino. A'nogo hilingiti logogun halok, hinendawinggen Allahba himbirik mene herakfisaluk wulibugun lego.

2 PETRUS 1:5

Andi nen he, hit andi mene eise asubagaigen, hinagaiyekhogo hilingiti logoino. Hinendawinnggen Kristus oba himbirik welagep mene andi oba loukhogo re, inobabut higithogo hilingitarek andi mene eise a'luk hilingiti logoino. Higithogo hilingiti logolik, andi mene oba loukhogo re, Allah ebe inelu agaikharek andi mene eise a'no.