YOSUA 7:26 - Allah Wene Fano Wene Hupla Inane

²⁶ A'nogo hilingitukwasik obuluk oba aremnogo iren helep hokho-pokhorogo kabokhogo wurogo fesukwama re yogondak huli nen andoma werek. Andiba re obalik andem faget enu re, Enggin-fenggin Tonggoma iluk salhukwa. A'nogo hilingitukwama re Tuhan anini a'nogo lombuk isikhe.

YOSUA 7:26 ပူးပေါင်းရင်းမြစ်များ

2 SAMUEL 18:17

A'nogo kamo isukwasik, at Absalom ebe warek a'nogo o leimo andoma kiling uan mene elema pelakfesukwasik, helep hokhondek meneba sibik-sebekhogo ambe hetokhogo helep som kololokhogo liakfesukwasik. Nen, it ap tentara Israel mene omanogo weim heise pikhit inailokwe lombok pugulhukwa.

2 SAMUEL 21:14

A'nogo andogorogo fesukwasik he at Saul oak inom, Yonatan oak inom, it inebe 7 nen aremngo inoak inom he, hun Saul eisena Kish nen afuni salinafarek oba o Sela wilayah it Benyamin meneba andoma salinafukwa. At raja nen wene melalek yagaisasikhe mene a'nogo mondogat hilingitukwama nek he, Allah it inaiba inanggweangma andoma faget samban isikhe mene a'nogo esanggo holhikhesik onggo yagaisasikhe.

2 TAWARIKH 29:10

A'nogo hilinglagaikhe andi nen he, yogondak he At Tuhan Allah nen nit ninoba ekhe inom a'mage fei nogo re, an nen hit afuni Israel mene ineisena Tuhan Allah a'nogo inom wene wati lagi yi.

EZRA 10:14

Enggere nit ninogogwi kaindek-kaindek enek he wene yi palhu re o Yerusalem yoma logouwak. Nen, nit he ninawi kota lombok ninagagwi enda'ma mene woginarek welago mene re linggene enogo fogoin higithogo, nit ninogogwi melalninabi'lagwi mene ninom, ninawi kota welago lombogen ap hakim wene katukhogo pali'lagwi mene omanogo inom seberogo wesugun enggere senggerogo yaganisani. A'nogo hilingisugun halok he At Allah nen nit ninoba wene ekhe fagain mondok lek,” iluk isukwa.

MAZMUR 85:4

Haren hanini it inoba fuluk welagagin mene a'nogo re mondogat oak waganogo wanhiginmo re, Haren hanini ekhe it inoba fikhi lagen mondok lek andi o.

KELUARAN 32:12

Haren a'nogo inoasigin halok, afuni Mesir mene nen ikhi logolik, Allah nen afuni Israel mene a'nogo re, o tom oba a'lima nen inebe warogo mondogat legetfisageluk woginarek wulifesik lagama higi, iluk ugun o. Halok a'nogo hilingitun, andi nen neisena. Hat ha'mage lagaluk afuni andi weagetfisagun.

YESAYA 40:2

Ap Yerusalem mene re inendawinggen hambukhogo logouwago, sebelhinarek mene a'nogo arat wurep kobok ikhe o. Kwanirek mene iren hilingiri'lagwi mene omanogo re An nen mondogat leget figi o, iluk ikhe yagaisano. Nen it weak inoba fili'lagwi mene andoma inoba re An nen unggum altap pireba wogisigi o” iluk ikhe.

YESAYA 65:10

Nagainafuri nen An fogetnafu logogun, iren mene inanggo domba, sapi omanogo re o Akhor fanggongma inom o Saron tonggoma inom andoma nen engga fanorogo ninggi logogun.

RATAPAN 3:53

Pogole i yenggelek lek meneba an nebe nelugengge pelaknobakuk an nebe a'nogo helep oba nek sebelnobali'lagwi.

HOSEA 2:15

A'nogo yagasimbik, at eabu anggur yabu andi hobuk ambotkwe fano hilingisogo wogotik, o Akhor tonggoma yi weak ti weak hilingiti lagaba andi hobuk fanot fikhi logogin oba hilingisogo figik, igin o. O andoma nen at ebe silerik oba o Mesir en wulibi waga logolik, An nebe wo'nafikhe andi hak wo'nabigin.

HOSEA 2:17

Afuni nen tugwi kembu Baal andi enu ugu mene inonggorasuageluk he, An nen at oba Baal enu ikhi logou fugo, iluk yagasigin.

YOEL 2:13

Hiren he, ”Nit weak hilingito iluk hinasu tilibesu fugo, oba nen he hinendawimo warano,” iluk yagaisasikhe. A'nogo yagaisasikhemo, an nen he, mel yagaisigi: ”Hineisena Tuhan Allah andi re obabut sakhorek logolik endawirinafik, a'mage weak-weak lagagi'lek welagik, wene weak mene inoba figi'lek weak hilingitarek mene sagalogo herakfisigik, ikherek andi nen he, hinendawimo waraluk, hinebe hinelokhe hebelogo At woge'luk logoni o.

YOEL 2:18

A'nogo yagaisasigisik were'ma re, At Tuhan nen anggweang andoma endawiratikhesik kweang andoma fanot figik, nen At againafuri endawirinafik hilingisigin anggasikhe.

YUNUS 1:15

A'nogo ayonggo fesukwasik he, Yunus a'nogo hambokhogo ima pelakfesukwama, i ha'labu mondok hokhorogo sebelinabuhak hilingiti lagaikhe a'nogo arat hambuk isikhe.

ZAKHARIA 6:8

Andi nen at malaikat a'nogo nen an noba yaganeti logolik he, ”Kuda o Babel laga mene andi nen he Tuhan a'mage werek mene a'nogo sebelogo fikhe o,” ugunem higi.

BILANGAN 25:8

ap inom he inom aremnogo muginarek he o sabumo a'nogo kwi lagaikhe. Kwikhi logolik ap inom he inom aremnogo inebe pirenerat sige kabelek a'nogoba talogo inoatikhemo re, it Israel mene inanggele'ma enggin inoba asigiluk enek-enek aple aga lagaikhe mene a'nogo palagaikhe.

ULANGAN 13:17

Yi mene ti mene mondok homan oba werek mene andi re, hit hinonggwarek faget iluk ogo ekhe fakhogoin mondok lego, abirengge mondok pin tagalogo fisamo, At Tuhan a'mage hit hinoba logogin mene a'nogo leget fikhi logolik hit hinoba endawi hundik hilinghinafik, endawi sakhorek oba hilinghinafik, Aren hit hinombawi inunggulenu hokhot fisikhi logolik fanot fisasikhe hakhogo, hirogo a'nogoat hilinghinabigin.

ULANGAN 13:18

A'nogo hilinghinabigin oba nen he, hiren an nen wene melalek yogondak yagahisigi mene yiba hologo hilingitik, At endawimo anggugu mene nek hilingitik, hilingitu halok enek he a'nogo hilinghinabigin,” iluk yagaisasikhe.

YOSUA 10:27

O mo ubuk ugu kwelek aremnogo re, at Yosua nen miminginafikhemo ap warek omanogo waluk lagaukwasik he, oumo it raja andem attak hinago welagaukwaba aremnogo hugisa lagaukwa. A'nogo hugisasukwasik helep hokho meneba oumo a'nogo kwe kugukwe te'met fesukwama re, helep andoma o yogondak huli nen inom andem werek.

YOSUA 7:24

Andi nen Yosua inom afuni Israel mene mondogat inomen he hun Akhan a'nogo inom amlogomi mondogat inom, anggo sapi, keledai, domba inom awi sabu inom, yi mene ti mene aren fisogo welagaikhe mene perak, jubah, emas hinatikhe mene omanogo inom, abirengge seberogo woginarek he, o Enggin-fenggin Tonggoma u hak, o enu Akhor andoma fisa lagaukwa.

YOSUA 8:29

Raja kota andi welagaikhe agun a'nogo re, ebe e mendek meneba hele kelogo porogo fesukwama werek kwelek o hu'mo agaikhe. Mo ubuk ugu kwelek aremnogo re Yosua nen ap warek a'nogo wani lambik he, o kota kwe ki lagaikharek oba ambe pale'ma sele'ma andoma hugisa lani, iluk yagaisasikhe. A'nogo hilingitikhemo re obalik aremnogoba re helep hokho-pokhorogo kaboget fesukwa. Helep andoma re yogondak huli nen andemat werek.