YOSUA 7:24 - Allah Wene Fano Wene Hupla Inane

²⁴ Andi nen Yosua inom afuni Israel mene mondogat inomen he hun Akhan a'nogo inom amlogomi mondogat inom, anggo sapi, keledai, domba inom awi sabu inom, yi mene ti mene aren fisogo welagaikhe mene perak, jubah, emas hinatikhe mene omanogo inom, abirengge seberogo woginarek he, o Enggin-fenggin Tonggoma u hak, o enu Akhor andoma fisa lagaukwa.

YOSUA 7:24 ပူးပေါင်းရင်းမြစ်များ

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

AYUB 20:15

Yi mene ti mene hi'naluk ninggi laga mene omanogo re, at alabutmo nen hebak wurogo Allah nen mondogat wulakfisa waga.

KELUARAN 20:5

An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

AMSAL 15:27

Ap sa nen enggi werek asigin iluk eranhogo lalhigik helagain halok he at onggwarek againafuri weagerogo fisagain, ap sa nen uang hinagaisogo wogosugun mene nabit iluk herakfisikhe halok he eluk fano logogin.

PENGKHOTBAH 5:13

Oba nen he, angge andogorogo fakhikherek mene omanogore at onggwarek oba wene ekhe asi wagunem, angge omanogo mondogat legagunem he aren taginaferek mene omanogo inoba alolegengge ekhe wogisikherek mondok lek.

YESAYA 65:10

Nagainafuri nen An fogetnafu logogun, iren mene inanggo domba, sapi omanogo re o Akhor fanggongma inom o Saron tonggoma inom andoma nen engga fanorogo ninggi logogun.

HOSEA 2:15

A'nogo yagasimbik, at eabu anggur yabu andi hobuk ambotkwe fano hilingisogo wogotik, o Akhor tonggoma yi weak ti weak hilingiti lagaba andi hobuk fanot fikhi logogin oba hilingisogo figik, igin o. O andoma nen at ebe silerik oba o Mesir en wulibi waga logolik, An nebe wo'nafikhe andi hak wo'nabigin.

YOSUA 15:7

andi nen o Fenggin-Fenggin Tonggoma omanogo nen he o Debir huliba. Andoma nen haningisogo utara fikhit he o Gilgal higithogo tom eil o Adumim alilu nen elokhe pelak-pelak fanggong andiba nen eil a'ma selatan fikhit andomaba. Andemen hiling-hiling i En-Semes elesi wulifunemen he, o En-Rogel huliba fesikhe,

YOSUA 22:20

Akhan hun Zerah amlogo yi mene ti mene mondok legaphogo fugu mene a'nogo faget Tuhan nen wene melalogo yagaisasikhe mene holfuluk hilingitikhe lek oba ambisangma ninggi'nogo hilinglagaikhe nogo? Iluk wenggel hano! Afuni Israel mene mondogat wene inoba agaikhe! Andi hilinglagaikhe a'nogo re, we at Akhan amu weak hilingitikhe oba nen, wa'lagaukwa mene re at amu nek wa'lagaikhe nogo!” iluk yagaisasukwa.

YOSUA 6:18

A'nogo meneat he, it ekhe mondogat legetfisikhi logolik, yi mene ti mene mondok legetfisogoin mene andi, hugulengge ekhe wanhubo. Hiren ekhe wanugun halok, Allah nen nit afuni Israel mene ninawi su mene wuri'mo yoma homan ninobagambik ninawi elokhonggen weaget fagain o.

YOSUA 6:21

A'nogo sebelhi logolik, afuni inebe mondogat alage mene inom, yamanugwi mene inom, ap lek, hemi lek, o kota andoma welagaukwa mene inebe karok oba mondok inoatukwa. A'nogo inoati logolik inanggo sapi, domba, keledai inom watukwaat.

YOSUA 7:1

Tuhan nen afuni Israel mene inoba komorinafi logolik yi mene ti mene o Yerikhoba nen mondogat hugul kugun mene andoma re, we misik iluk ogo ekhe wanugun lek iluk yagaisasikhe. Yagaisasikheba nen he wene melalek a'nogo tiphogo hilingitukwa lek. Ap misik ekhe enu re Akhan andi nen wene melalek andi sagalogo hilingitikheba Tuhan anini afuni Israel mene inoba fesikhe. (Hun Akhan andi eisena enure Karmi nen omba re hun Zabdi inunggulenu Yehuda meneba nen he unggulenu agaukhogo re Zerah mene welagaikhe.)

YOSUA 7:23

Were'ma re iren yi mene ti mene omanogo Yosua inom afuni Israel mene mondogat inom inambit waluk wagaukwa. Waluk wagaukwama re, yi mene ti mene omanogo Tuhan elokhoma fesukwa.

YOSUA 7:26

A'nogo hilingitukwasik obuluk oba aremnogo iren helep hokho-pokhorogo kabokhogo wurogo fesukwama re yogondak huli nen andoma werek. Andiba re obalik andem faget enu re, Enggin-fenggin Tonggoma iluk salhukwa. A'nogo hilingitukwama re Tuhan anini a'nogo lombuk isikhe.