YOSUA 7:21 - Allah Wene Fano Wene Hupla Inane

²¹ Yi mene ti mene niren teli kogo mene omanogo anggele'ma nen he su jubah misik mondok fano mene o Babylonia mene nen itukwa mene ekhe higi, andi nen perak he dua kilogram hak inom, nen emas eil misik setengah kilogram hak inom higi. A'nogo higirik he, nendawinggen ninggemo re, an nen wanhirik he, nawi sabumo kweang a'ma andoma hinakfigi. Nen no perak he mondok fem a'ma hakhogo figimo werego.” iluk isikhe.

YOSUA 7:21 ပူးပေါင်းရင်းမြစ်များ

KEJADIAN 10:10

Attak-attak ap inenu werek logolik wene melalinafunem it kerajaan aren mene re Babel inom, Erekh inom, Akad inom, o sili andem he, o Babylonia kweang oba andoma welagaikhe.

KEJADIAN 3:6

A'nogo yagatikhemo, at he a'nogo nen e a'nogo eilenggen kwelakhasikhe re, fano mondok were'ma hasikhe. A'nogo hasikhesik, endawimo nen he, ”E ari enggen inendawinggen palu hak werek ari re, afuni inobabut hebelinabu hak higi,” iluk anggasikhesik, e enggen a'nogo palhikhesik he, nasikhesik, fena agun wogetikhemo nasikheat.

KEJADIAN 34:27

It inebe pire aremnogo pin talogo inoasi kwisukwa, at Yakub againafuri fenakwe omanogo nek he ninagot weaget fagama iluk inendawimo sebelek welagaukwasik o kota a'nogo pin kwisukwa.

KEJADIAN 6:2

A'nogo taginafukwama, it ap Allah againafuri mene nen hemi andi fano mondogen ineilenggen isasukwasik he, it inamolo anggasukwa mene inebe woginafukwa.

2 SAMUEL 11:2

A'nogo logolik inenggi ekhe sambul he, at Daud linggene nogo isikhesik eluk agaikhesik he, awi wa'lengge awi wuri'mo obuluk liokse'ma andoma lagasikhesik yethasikhe re, he ekhe mondok fano mene kume watunem eilenggen yethasikhe.

2 RAJA-RAJA 7:8

It ap inebe enggaminogo inebene inoumo henanggo welagaukwa mene aremnogo re, ap tentara Siria mene inawi tenda wuri'mo omanogo esanggoma lagaukwasik, o tenda wuri'mo misik ekheba kwisukwa. A'nogo kwisukwasik, sumburu inom, i inom, nasukwasik, uang emas mene inom, perak mene inom, su fano mondok mene inom, helaluk ale'ma hinakfakha wagaukwasik, hobuk inambotkwe o tenda wurik ekheba kwisukwasik he, attak hilingitukwa a'nogo hak hilingitukwaat.

AYUB 31:1

At Ayub en he, wene ekhe mel isikhe: ”Helime yenggerugwi neilenggen yerisaluk, nendawimo nen namolo anggikhi logogin lek, iluk Allah enu hombuk palogo arat igimo o.

MAZMUR 119:37

An nen wene tulemat mene omanogo faget murok lagalagi hanogo re Haren kagalnarek logolik, an nebe Hat hendawimo anggikhi lagen higithogo logouwageluk hilingnobagain o.

KELUARAN 20:17

Afuni ekhe inawi wurik inom, inagagwi inom, inamingmingengge inom, inanggo inom, inangge yi mene ti mene inom, namolo e, iluk hinendawimo anggagubo,” iluk yagaisasikhe.

AMSAL 1:19

Eberogo nenat, ap inangge inenggi abisak hinakhugu logolik ina'mageba herarik nikharek mene andoma re, it inonggwarek inebeat onggo palogoin o.

AMSAL 23:31

Enggere anggur agai oba hat weaget habuageluk herakfisa fuk, ebe elokhe re inendawinggen wanu hak hilingi'mo re, iwak elema andoma eil amulirweak hilingitunem nunggunem he inalonggopma healik pikherek.

AMSAL 28:22

Ap kitkut mene nen he weak-weak nenggi werek asigin iluk hilingiterek, oba nen weak-weak enggi lek mene oba asi wesigin mene a'nogo wenggel higi'lek hilingiterek andi.

AMSAL 4:23

Hendawinggen andi nen kwe fanorogo lagaikharekwe yagaheti logogin enggere, hendawinggen andire fanorogo halikhi logoino.

YESAYA 28:15

Hiren ikhi logolik, ”Nit he afuni inebe wa'lagaikharek ero andi ninom wene mondogat wat-wat agosigo. Nen afuni inebe wa'la'luk lagaikharek oba andi ninom wenenggak arat ogosigaro,” iluk ikhi lagep andi. Hit hinebe telouwogeluk he ineranhogo weneba lalinafi lagep andi nen he hobuk mondok weak mene it ekhe inoba agunem, ”Nit he ninoba asigin lego,” iluk anggikhi lagep.

YESAYA 29:15

Ap ekhe nen hilingisigin iluk anggikhe mene Tuhan nen hanogoluk hinakfikhe halok ap andi re alomat lakhoago! Iren anggikhi logolik aben ekhe nisili'lagwi lek athe niren hilingiti lago mene fut ninobagali'lagwi legaro iluk anggikhi logolik a'nogo hilingitarek.

HABAKUK 2:9

Hinonggwarek hinagainafuri hinom hinalawi engginhogo helouwogoluk, hinanini weak it ekhe inangge mene teligik, nen hit hinaiba it ekhe nen inenggi abisak wani kwi wesinogo iluk ninghogo wutik, ikhi lagep andi nen he, homan ugu logoni o!

LUKAS 12:15

afuni hokhorogo omanogo mel yagaisasikhe: ”Afuni inagarek hokhorogo welagarek andiba ineluk welagaikharek lego. Yi mene ti mene an mene nek logoilep, iluk inendawimo anggikhi logoinogo iluk hinebe hebelogo logoino o,” iluk a'nogo yagaisasikhesik he,

LUKAS 12:2

Mene re, yi mene ti mene sebelek mene andi faget figik, hinago werek mene andi inelurogo sele'mat figik, igin enego.

EFESUS 5:3

Hinebe Allah againafuri logolik hinobabut hilingiti logou meneat higithogo hilingiti logogun. Halok he, pailak fakfisigik, inenggali lek weak hilingitik, ”Yi mene ti mene an enek wo'ne'lep,” iluk inendawimo nen anggigik, agarek andi mene, afuni ekhe nen he, ”It ekhe a'nogo weak hilingiri'lagwi,” iluk, hinabok weak sagerasinogo iluk, weak ekhe hilingitubo.

EFESUS 5:5

It afuni pailak fakfisagarek mene inom, inenggali lek weak hilingitarek mene inom, ”Yi mene ti mene an mene nek logoilep,” iluk inendawimo nen anggaluk hilingitarek mene andi, tugwi kembuba himbirik logolik hilingitarek hagat hilingitu halok, Kristus Allah emberek inawe a'ma fisugunem welagaikharek oba andoma eisewerek asugun mondok lego, iluk, fanorogo hinendawimo ebe'ni o.

ULANGAN 7:25

It inangge tugwi kembu alik hilingisogo fuluk fogeratarek mene andi endu nolfisano o. Tugwi kembu oba perak mene, emas mene, werek halok namolo iluk anggaluk hugulengge hinonggwarek faget helagubo. Nineisena Tuhan Allah nen enolino, iluk yagahisikhe mene andi ane sagalogo hilingitep halok he, hinebe wa'lasugun o.

KOLOSE 3:5

Andi nen he, hinobabut hinetogat logolik, hinendawimo nen yi namolo ti namolo anggikhi lagep mene andi mondogat watfisikhi logoino o. Hinobabut andi re, pailak hilingitarek mene andi inom, inendawimo nen namolo iluk anggagarek mene andi inom, inendawinggen nenggaresik inoba aigage lagaikherek andi inom, ineilenggen yerisaluk inendawimo nen namolo e anggagarek andi inom, tugwi kembuba himbirik hak, inendawimo nen: ”Yi mene ti mene an mene nek logoilep,” iluk anggagarek andi inom, hinobabut andi mene mondogat warogo herakfisikhi logoino o.

IBRANI 13:5

Allah nen ninebe lombok faget ikhi logolik: ”An nen hat nenggi kobokhogo herakhobagagik, hebe hale'ma hobagagik igin lego,” iluk isikhe andi nen he, hit uang hinendawinggen tulemetfuluk logogubo. We, endebat werek andi, hit hinendawimo nen he, ”Yi elok werek,” iluk anggogoin o.

YAKOBUS 1:15

Hobuk ninendawimo nen yi mene ti mene ninamolo nek anggogorek mene andi, hemi nen omalik taginafarek andi hak, nina'ma aga halok, eak tagaisogo weak hilingitorek andi. Nen, weak hilingitorek mene andi wurik aga halok he, eak tagaisogo ninebe wa'lagorek andi.

YOSUA 7:20

Andi isikhemo Akhan nen he, ”Eberogo, an nen it afuni Israel mene ineisena Tuhan Allah a'nogoba weak hilingiti o. An nen hilingiti mene ebe re yi:

YOSUA 7:22

Andi isikhemo re, Yosua nen weak-weak ap o hun Akhan awi sabumo lakfisasikhemo lagaukwasik hilingitunemen he, yi mene ti mene wanu fuk iluk isikhe mene omanogo re abirengge andoma welagaikhe, ebe kweangma hinagoma re perak enek he mondok fem a'ma sebelogo fesikhemo welagaikhe.

2 PETRUS 2:15

It andi re, kwe higithogo lagaikharekwe andi herakfisaluk he, attagat at Bileam Beor amlogo kwe kwanirogo lagaikhe andi kwe laga logogun andi. At Bileam endawimo nen he, ”An weak hilingitunem onggo wo'nesuak,” iluk endawimo amolo anggasikhemo,