YOSUA 7:20 - Allah Wene Fano Wene Hupla Inane

²⁰ Andi isikhemo Akhan nen he, ”Eberogo, an nen it afuni Israel mene ineisena Tuhan Allah a'nogoba weak hilingiti o. An nen hilingiti mene ebe re yi:

YOSUA 7:20 ပူးပေါင်းရင်းမြစ်များ

KEJADIAN 42:21

A'nogo anggasukwasik, it aremnogo ekhe nen ekhe yagatik, ekhe nen ekhe yagatik hilingiti logolik, ”Yogo agi, niren attak ninagoren lebetneani ugu kwelek niren ane holhi'legengge at eberogoat endawi ou hugu kwelek oba nen he herakfisogo a'nogo re, yogondak ninenggi elugun oba enggin hikhi lago ari,” iluk isukwa.

AYUB 33:27

Andiba re afuni hokhorogo inelokhoma nen aren ikhi logolik he, ”Mondok weak mene faget an nen fano mene anggikhi lagimo re naweak hokho mene werego. Ariginik kwelek oba nen he At Allah nen he an unggum wo'nete lek,” iluk igin.

AYUB 7:20

Afuni ineaga mene yi re! An naweak hilingiti mene andi re Hat he nongagen a? An nen he Hat Hoba enggin hokho mene figimo a? Nenahalok Hat handok a'nogo an noasuageluk ambisang nebikhit hal fikhi lagen?

MAZMUR 38:18

Hundik-hundik ou wanhi logolik he, an nebe warogo weinglasu hak hilingiti lagi.

KELUARAN 10:16

A'nogo hilinglagaikhemo, at Firaun nen he, weak-weagat Musa Harun emberek wolisasikhemo lagaukwama re, mel yagaisasikhe: ”An nen hit inom, hineisena Tuhan Allah inom, hineilhanem weak hilingiti o.

KELUARAN 9:27

A'nogo hilingitikhemo, at raja a'nogo nen he, Musa Harun emberek wolisasikhesik he, mel yagaisasikhe: ”An mondok weak hilingiti o. Hit Tuhan nen andi eberogoat hilingitu kwelek meneat he, an nebe inom, afuni mondogat inom, at eilhanem weak hilingito o.

BILANGAN 22:34

A'nogo yagatikhemo, at Bileam en he, ”Noe. Haren an nanggwe paligiluk palhu kwelek meneat he, an nonggothogo re weagat hilingiti o, noe. Yogondak haren lagain legat anggegen halok, an sugulogo naiba nambotkwe lagain o,” iluk yagatikhe.

MATIUS 26:9

”Amusu andi onggo mondok hokho mene hilingi'mo re, it inagarek lek mene sumburisa mene o,” iluk isukwa.

MATIUS 27:4

”Eige! Ap andi weak hilingiti'le'maat wasubagaigeluk yonggo wagimo o. Halok he, weagat hilingitimo higi o,” iluk, yagaisasikhemo, it omanogo nen he ”Wene andi nit ninoba agama anggegen? Lego. Andi hat hoba lombogaro,” iluk yagatukwama re,

YOSUA 7:19

A'nogo oba agaikhemo Yosua nen hun Akhan oba ikhi logolik he, ”Namlogo, haren hilingiten mene andoma afuni Israel mene ineisena Tuhan Allah eilhanem fage'luk selekhogo nek ya nen in. Ekhe sebelhi'lek fakhogoat an yaganom o.” iluk yagatikhe.

YOSUA 7:21

Yi mene ti mene niren teli kogo mene omanogo anggele'ma nen he su jubah misik mondok fano mene o Babylonia mene nen itukwa mene ekhe higi, andi nen perak he dua kilogram hak inom, nen emas eil misik setengah kilogram hak inom higi. A'nogo higirik he, nendawinggen ninggemo re, an nen wanhirik he, nawi sabumo kweang a'ma andoma hinakfigi. Nen no perak he mondok fem a'ma hakhogo figimo werego.” iluk isikhe.

1 SAMUEL 15:24

A'nogo yagatikhemo, at Saul esanggo holhikhesik he, weak hilingitikhe mene fakhogo Samuel mel yagatikhe: ”Nineisena Tuhan nen, yi'nogo hilingi'no, iluk yaganete mene, haren yaganeten a'nogo, sagalogo weagat hilingitimo o. An nagoromi tentara nen kino yaganetama re an it inoba nailo nen, fano iluk eberogoat yagaisigimo aro.

1 SAMUEL 15:30

at Saul en he, ”An weak hilingiti meneat he, an nen neisena Tuhan Allah faget hilingisigen he, nemberek louwogo, neisena. An nen a'nogo hilingisigin halok, haren afuni nit mene ninogogwi ineilhanem inom, afuni Israel mene ekhe mondogat ineilhanem inom, agaugwet nobagainogen o,” iluk yagatikhe.