YOSUA 7:18 - Allah Wene Fano Wene Hupla Inane

¹⁸ A'nogo hilingi'luk he Yosua nen he it Zabdi eisok erokwe mene a'nogo ap inebe lombok inelokhoma menlasi wesuageluk yagaisasikhemo re menlasi wagunemen he, Akhan hun Karmi amlogo Zabdi omba a'nogoba agaikhe.

YOSUA 7:18 ပူးပေါင်းရင်းမြစ်များ

AMSAL 13:21

It afuni inobabut weak hilingitarek mene andi, weak mene inoba agu mondok welagarek. Nen, it ekhe inobabut fano hilingitarek mene andi, yi mene ti mene helikhi logolik inendawimo inagaiyekhogo nek welagaikharek.

YEREMIA 2:26

Tuhan nen a'nogo ikhesik wene ekhe Israel mene faget mel ikhe: ”Ap ekhe yogot wanhu halok inebe fakfisugunem inenggali agarek hak, hit Israel mene inom, hinogogwi raja-raja inom, hit pemerintah mene inogogwi kaindek inom, hit ap An eisewerek mene inom, hit ap An nane yagaisikhi lagep mene inom, a'nogoat hinenggali hogoin o.

BILANGAN 32:23

Oba nen he wenggel hano, hiren wene watep mene andi higithogo hilingisugun lek halok he Tuhan oba weak hilingisumo hinaweak andi onggo unggum helogoin a'naga.

YOSUA 7:17

A'nogo agaikhemo re Yosua nen it inunggulenu Yehuda mene a'nogo inunggulenu akhogo hilingik mene aremnogo higithogo menlasi wesuageluk yagaisasikhemo re, it inunggulenu agaukhogo hilingik mene Zerah a'nogo oba asi wagaikhe. Andi nen it inunggulenu akhogo Zerahba hilingik mene a'nogo ineisok erokwe lombok menlasi wesuageluk yagaisasukwama wagunemen he hun Zabdi eisok erokwe meneba asi wagaikhe.

1 SAMUEL 14:42

A'nogo yagatikhemo, at Saul en he, ”Tuhan, Namlogo Yonatan nen weak hilingite a? An nen weak hilingiti a. furogo yaganisan o, neisena,” iluk yagatikhemo, Aren he, ”Yonatan nen weak hilingitemo o,” iluk yagatikhe.