YOSUA 6:7 - Allah Wene Fano Wene Hupla Inane

⁷ A'nogo yagaisasikhesik he, agoromi tentara omanogo higithogo erathigik, o kota Yerikho haningisogo walinget hikhi logolik, ap tentara mene esa ekhe sikhe sige waluk attak kwe wanhunem he, Peti Wene Warogo Allah nen wo'ninafe mene a'nogo, inombo'ne waluk loageluk yagaisasikhe.

YOSUA 6:7 ပူးပေါင်းရင်းမြစ်များ

YOSUA 1:14

Ma re, hinagagwi hinagainafuri mondogat inom, hinanggo inom, o yoma werek kwelek he, hinagoromi tentara hit faget weim yabugun mene nek he, inagaila'lak Israel mene inunggulenu ekhe mene hobuk weim yafunem leberisouwogeluk, it tak sikhe sige waluk attak-attak i Yordan palogo wulibi loago.

YOSUA 4:13

Ap mondok weim yabugun mene re, inarige inasikhe helaluk inebe mondogat he, 40.000 nen wulibi wagaukwa. At nineisena Tuhan eilhanemat i palogo wulibi wagaukwasik, o Yerikho higithogo tonggoma andoma logali wagaukwa.

YOSUA 6:3

Andi nen he, hat hebe inom, hagoromi tentara inailo lek mene inom, hinebe higithogo erat fuluk hinenggi falfaligen logolik hinenggi misik sambul he misigam walinget hikhi logoino o.

YOSUA 6:6

A'nogo yagatikhemo, at Yosua nen he, ap imam omanogo wolisasikhemo wagaukwama re, mel yagaisasikhe: ”Hiren Peti Wene Warogo Allah nen wo'ninafikhe, iluk hilingik a'nogo waluk lagu kwelek, ap hit mene ekhe hinebe 7 nen hinambinggong ane hokho mene a'nogo helaluk he, attak kwe wanino o,” iluk yagaisasikhe.

YOSUA 6:8

At Yosua nen, yi'nogo hilingi'no iluk yagaisasikhe higithogo, it ap tentara attak esa foli lagaukwa mene inogogwi melalinafu mene inom tak sikhe sige waluk kwe wanhukwama, inombo'ne re, it ap imam inambinggong lombok anethilik lagaukwama, it inombo'ne re, Peti Wene Warogo Allah nen wo'ninafikhe, iluk hilingik a'nogo waluk lagunem he it ineyaga re tentara inambotma lagaukwa. A'nogo laga logolik he, inambinggong anethilik mondok lagaukwa.