YOSUA 6:5 - Allah Wene Fano Wene Hupla Inane

⁵ A'nogo walinget hikhi logolik, hobuk he, it ap imam andi nen inambinggong ane palfigi'lek hundik ugu mondok logouwak. A'nogo ugu mondok were'ma ane hinesanggo holhep halok he, it hinagoromi tentara omanogo mondogat inane ami'mit unggunggu ane hak subuago. A'nogo ugunem he, leget pa'leget wurik mene andi mondogat erabisak meisak langguk igin o. A'nogo hilinglagunem he, hit hinebe mondogat hinelokhe tukhum o kota andi kwi lano o,” iluk yagatikhe.

YOSUA 6:5 ပူးပေါင်းရင်းမြစ်များ

KELUARAN 19:19

Pinggong ane ilik-ilik elugun oba mondok hokhorogoat isikhe. Ugunem at Musa nen Allah yagatunem he, aren wene onggo unggunggu aneba yagatikhe.

YESAYA 25:12

Ap Moap inaben pa' leget mene helep oba omamerogo legeisogo fei lagasukwama uan awanhogo waganek mene andoma re Tuhan nen langgukhogo kweangma lobaget fisamo re wolelenggen taganogo wulhigit hilinglasigin.

YESAYA 30:25

O hinenggi ekhe hinaselei mene inaleget fak wurogo liabek mene omanogo haningisogo kwelakfisaluk inebe inoasugun sambul andem oba re, punu-punukwe andoma inom, tom-tom andoma inom ebe lombogen i endep-endebagai elesi wilibisogo lakfei wesigin.

YEREMIA 50:15

Kota andi haningisogo andoma nen he weim abolok enek firip farap uak. Yogondak he at Babel en yi'nogo ti'nogo ekhe hilingisu elo'lek aga, at oba leget fak waganek mene re langgukhogo kwikhi logolik mondogat wolelenggenhogo taik ikhe. An nen he at Babel en hilingite mene omanogo ambisangma hilingfikhi lagi. Andiba re iren afuni amu mene inoba hilingfisikhi lagaikha andem higit he it inoba ogo a'nogoat hilingfisano.

IBRANI 11:30

It afuni Israel mene inendawinggen Allah oba a'nogo himbirik logolik, o Yerikho sili inenggi 6 hari nen walingethikhi lagaukwasik, ekheba walingetunem he, leget pa'leget waganek mene meisak lambuk isikhe.

YOSUA 6:16

Inenggi 6 en maset hasukwasik, hobuk ekhe 7 ba maset houwogoluk, it ap imam en inambinggong ane hokho mene a'nogo anethugunem he, at Yosua nen he, afuni omanogo mondogat inane ami'mit sup uagaluk yagaisikhi logolik mel yagaisasikhe: ”Nineisena Tuhan nen o kota yi nit ninenggiba arat fikhe o.

YOSUA 6:20

A'nogo yagaisasikhemo, it ap Allah eisewerek mene nen inambinggong anethasukwa. A'nogo anethugunem ap Israel mene pinggong ane inesanggo holhukwasik he, inane ami'mit hokhorogo sup ugunem he, o kota Yerikho leget pa'leget wurik mene a'nogo mondok meisa'lambukhogo pisikhe. A'nogo hilinglagunem he, ap tentara Israel mene inebe mondogat inelokhe tukhum o kota a'nogo arat sebeli kwisukwa.

YOSUA 6:4

Walinget hikhi logolik, it ap imam 7 nen mene inebe lombok inambinggong ane hokho mene anet hilik attak lagunem he, An nen Peti Wene Warogo wokhinafigi iluk hilingik a'nogo inombo'ne waluk laga logouwago. Nen, hinenggi 6 en wela'luk he ekhe 7 mene andiba re, hat hebe inom, hagoromi tentara inailo lek mene inom, it ap imam andi inambinggong anet hilik lagunem hinomat o kota andi hinenggi 7 nen walinget hano.

YOSUA 6:6

A'nogo yagatikhemo, at Yosua nen he, ap imam omanogo wolisasikhemo wagaukwama re, mel yagaisasikhe: ”Hiren Peti Wene Warogo Allah nen wo'ninafikhe, iluk hilingik a'nogo waluk lagu kwelek, ap hit mene ekhe hinebe 7 nen hinambinggong ane hokho mene a'nogo helaluk he, attak kwe wanino o,” iluk yagaisasikhe.

HAKIM–HAKIM 20:37

Nen it ap salek welagaukwa mene omanogo re weak-weak o Gibea hobet ha kwikhi logolik o kota elonggoma omanogo ekhema-ekhema irenek saga ikhi logolik, afuni o andoma welagaukwa mene omanogo mondogat inoatukwa.

1 SAMUEL 17:20

A'nogo yagatikhemo, nogo uluk hobit hubet siakhogo eluk agaikhesik anggo domba ap ekhe serogo welagarek mene oba fuluk, sungge omanogo waluk he, eisena nen yagatikhe hagat lagaikhe. Lagaikhe re, ap Israel mene weim yabuogoluk ami'mit suphogo sinelogo kwisukwasik,

1 SAMUEL 17:52

A'nogo lagaukwama, ap tentara Israel mene inom, Yehuda mene inom, inane ami'mit anggiluk weak sup ikhi logolik ap Filistin mene muginarek huli afuni Gad mene inaiba, o sili enu Ekron kwe ambe pale'ma andoma fisa lagaukwa. A'nogo muginarek laga logolik, ap Filistin mene inebe o Saraim lagaikharekwe andoma tok warek, sige warek, mondok liaginafukwa.

1 SAMUEL 4:5

Peti andi a'nogo waluk laga lagaukwasik, o su mene wuri'mo fei lagaukwama re, ap Israel mene inane ami'mit hokhorogo sup isukwama kweang mondogat abolok leik isikhe.