YOSUA 6:4 - Allah Wene Fano Wene Hupla Inane4 Walinget hikhi logolik, it ap imam 7 nen mene inebe lombok inambinggong ane hokho mene anet hilik attak lagunem he, An nen Peti Wene Warogo wokhinafigi iluk hilingik a'nogo inombo'ne waluk laga logouwago. Nen, hinenggi 6 en wela'luk he ekhe 7 mene andiba re, hat hebe inom, hagoromi tentara inailo lek mene inom, it ap imam andi inambinggong anet hilik lagunem hinomat o kota andi hinenggi 7 nen walinget hano. အခန်းကိုကြည့်ပါ။ |
YOSUA 6:4
33 ပူးပေါင်းရင်းမြစ်များ
A'nogo logolik, at amingmingengge mene mel yagatikhe: ”Hat hebe tom unggul ebeba lagambik he, heilenggen i laut yenggelek higit yethano o,” iluk yagatikhe. A'nogo yagatikhemo, at amingmingengge mene a'nogo lagasikhesik, ambotkwe pi wagaikhesik he, mel yagatikhe: ”An yi mene ti mene ekhe neilenggen yethigi mondok lego,” iluk yagatikhe. A'nogo yagatikhemo, at Elia nen amingmingengge mene andi eilenggen yetha lagik, pi wagik, uagaluk yagatikhemo enggi 7 ba lagagik, pi wagik, isikhe.
A'nogo kamo isikhemo, at Elisa nen amingmingengge mene nen wene yi'nogo at Naaman yagasi wulibi wesuwagaluk yagatikhe: ”Hat hebe i Yordan ima lambik, kume henggi 7 ba umo hebene houmo andi mondok felelenghogo lek asimbik, hebe fano asigin o,” iluk yagasuagaluk yagatikhemo, amingmingengge a'nogo nen Naaman yagasi wulibi wagaikhe.
Ap hit Israel mene yi sani, Hit hinambu hinombalak ineisena Tuhan Allah andi ane sagalogo fugu lek! Nit melalninabi'lago mene andi re we nineisena Allah amuat were'ma re, it ap At obaget hilingiri'lagwi mene imam omanogo re, niren hit hinoasi wesugun mene andi faget he, iren enekhogo re trompet ane fusuogeluk yoma werek yi. Hit he hinalong asugun iluk hilingiti lageba? Elo'lego! iluk yagaisasikhe.
Yago, hit afuni Yehuda mene inom, Yerusalem mene inom, hit hinendawi fit la'luk hinailosi fuk. Weim ari re, hit hinom yabugun he lek, hit andem laluk logoino igiba andemat lani. Hit hinoba Tuhan en hinalong mene hilinghinobagagunem hogoin. Tuhan en he hit lebethinabigin enggere weim ari yabi lani!” iluk yagaisasikhe.
At raja a'nogo it afuni holhu mene inom inane seberogo makfesukwasik he aren it ap inebe misik seberogo wuni wulabik lagu inap a'nogo it inaweneba linggene hokho mene halok inasu elokhe misik mene nek labetu mene a'nogo labesuageluk yagaisasikhe. A'nogo yagaisasikhemo re it wuni inane misik seberogo wulafi lagaukwa inap a'nogo re it tentara erarogo lagu inap a'nogo inelokhoma mondok anggilukhogo erarogo laga logolik he, wuni yi'nogo ikhi lagaukwa, Tuhan nen endawi hundik ninabi'lago mene andi re mondok-mondok logogun mane Tuhan andi nek fogerati mondok logouwak,” ikhi lagaukwa.
Andi nen he, yogondak wam sapi ai mene 7 nen inom, nen domba ai mene 7 nenat wanimbik he, Ayub oba we'no o. Wasimbik he, hit faget wam mondogat andi warogo an nolne'no o. Nolnetunem, Ayub en samban hit faget nayonggo fugunem, at ane nesanggo holigin o. Hiren he, An namingmingengge Ayub en An faget higithogo ikhe andi hak igi'lek, herakfisegepsik weak mene egep andi nen, wene hinoba fuluk hinenggali wasugun meneat he, An nen wene hinoba figi'lek herakhinobagagin o,” iluk yagatikhe.
”Haren yogondak ya nenamene hikhi lagen?” iluk heinok wo'niikhemo re, an nen onggo ikhi logolik, ”Lampu eisok emas mene misik enek hilingik engge were'ma higi o. Nen, lampu andi aiyogouk ambol ebene andoma re minyak fuguba obalik hilingik were'ma re ebe maserogo lampu tujuh nen werek oba omanogo amu-amu re asu endu amulok wialhu mene faget obalik ebe sabiren mene hilingik welaga.
A'nogo walinget hikhi logolik, hobuk he, it ap imam andi nen inambinggong ane palfigi'lek hundik ugu mondok logouwak. A'nogo ugu mondok were'ma ane hinesanggo holhep halok he, it hinagoromi tentara omanogo mondogat inane ami'mit unggunggu ane hak subuago. A'nogo ugunem he, leget pa'leget wurik mene andi mondogat erabisak meisak langguk igin o. A'nogo hilinglagunem he, hit hinebe mondogat hinelokhe tukhum o kota andi kwi lano o,” iluk yagatikhe.
Nen, hesagal ebe 7 nen nenggi ebekwe fisogo were'ma hegen a'nogo inom, esage ibilharek ebe 7 nen eisok telik emas mene hilingik inom, heilenggen hegen a'nogo re, wene hinago mene andi nen he, fakhogo yagahesigo. Hesagal ebe 7 nen hegen andi ebe re, it Allah againafuri 7 gereja nen andogotarek mene andi, Allah nen malaikat inayonggo fuluk lakfisa wagarek andi hak, inayonggo fesikhesik fisasikhe mene isegen o. Nen, esage ibilharek 7 nen andi ebe re, it Allah againafuri 7 gereja nen andogotarek mene andiat isegen o,” iluk yaganete.
An Yohanes nen hit o propinsi Asia 7 gereja andogoti lagep mene andoma nerugwi nagaila'lak. Nineisena Allah ebe etok mondok logolik, endam welagaikhe, yogondak weregat, hobuk mondok logogin mene wesigin andi inom, Allah ebe kain welagarek obuluk oba werek kwelek Areagun ebe katoksek mondok iluk 7 nen elokhoma welagaikharek andi inom, at Yesus Kristus obabut humbunhogo logolik Allah abok fakhogo yaganisikherek mene a'nogo inom, inobabut fano a'nogo nen kwelakhinarek logolik fano mene wokhisigik, hinendawinggen hambugethinafik, ikhi logouwago iluk, hai wathinafi. At Yesus ebe wa'lagaikhesi'mo nen eisena Allah nen omalik manggusa taginafarek andi hak, at tak ambotkwe eluget fesikhemo, afuni kaindek inenupogot kweangma mene yoma inebe elo'lek meneat he, at enek he, esin welagarek. A'nogo logoigeluk, niren weak hilingiti lagagu andi nen, ninebe hele warek hangge fetninarek were'ma, aren nit endawitninafikhesik, amep wulagaisogo wa'lagaikhe andiba he-le fikhalninfikhe andi.
A'nogo hilingitunem neilenggen isigirik oba nen, ombo'ne re, at kain a'nogo ebe obuluk welagarek oba logolik, suesingga uan meneba lisu elonggoma inom endakwe inom palek mene yinggilik were'ma, ”It ekhe ineilenggen yethogoin lek,” iluk silo fagarek hak, amusu 7 ba te'merogo fesukwa mene enggimo fisogo were'ma neilenggen higi.
A'nogo iluk yaganetesik oba nen, ombo'ne re, it Allah nen elalinafikhemo ineluk welagaikharek mene ekhe inebe enggaminogo omanogo inom, ap inaluendek inebe 24 en omanogo inom, at kain welagarek obuluk era'lukwe werek kwelek, inanggele'ma tulem he, Domba Eak arat watukwa mene ungguloa'ma aik 7 nen wulibik, nen, eilenggen 7 nenat mene mendek welaga. Eilenggen 7 nen andi ebe re, Allah nen Areagun o yi awi ti awi lakfisikherek mene omanogo aro.
ကြော်ငြာတွေ