YOSUA 6:26 - Allah Wene Fano Wene Hupla Inane

²⁶ A'nogo hilingitukwa andi sambul, at Yosua nen ane huli palhikhe: ”Sa nen o kota Yerikho yi ambotkwe obulu'mo wusigiluk walhikhe halok he, nineisena Tuhan nen homan oba fagain o. Andi nen he, sa nen o tik wasigin halok he, amlogo manggusa mene pelak fagain o. Nen, sa nen leget pa'leget ambe palekwe kwe sou andi ambotkwe obulu'mo hilingisigin halok he, amlogo elabo mene pelakfagain o,” iluk wene palogo fesikhe.

YOSUA 6:26 ပူးပေါင်းရင်းမြစ်များ

1RAJA-RAJA 16:34

Raja Ahab en ferinarek welagaikhe andem oba re, ap Hiel, aiba o Betel mene andi nen, o kota Yerikho hobuk legeisogo wurik lagaikhe. A'nogo wurik lagaikhe andi ebe oan wurik lagi'lek werek kwelek, endamat nineisena Tuhan nen he, ap Nun amlogo Yosua yagatikhemo yagaisasikhe higithogoat, Hiel againafuri inebe pire longgosukwa. Andi re, amlogo manggusa mene enu Abiram andi, at Hiel en o kota wusigiluk helage palhunem wa'lagaikhe. Nen, amlogo hobuk elabo mene enu Segub andi, Hiel en o kota a'nogo arat wutikhesik, leget pa'leget waganogo kwel ambe palhu icwalek at ebe wa'lagaikhe.

1RAJA-RAJA 22:16

A'nogo yagatikhemo, at Ahab en he, ”Haren yaganeti logolik, Nineisena Tuhan enu hombuk palogo wene sugwi asigin mene lek, ebe asigin meneat yagaheti lagi o, iluk Allah enu hombuk palogo yagane'nogoluk henggi miren oba komotnabigin nogo?” iluk yagatikhe.

2 RAJA-RAJA 2:4

A'nogo yagaisasikhemo at Elia nen Elisa mel yagatikhe: ”An he Tuhan nen o Yerikho loageluk yaganetemo lagain enggere, hat he yoma logoin o,” iluk yagatikhe. A'nogo yagatikhemo, at Elisa nen he, ”Nineisena Tuhan Eluk Mondok welagarek mene inom, hat inom, hinoak. An hat herakhobagaluk lagain legaro,” iluk yagatikhe. A'nogo yagatikhemo, emberegat laga lagaukwasik, pikhirat o Yerikho lagaukwa.

MALEAKHI 1:4

Nen it Esau ambisangma mene o Edom mene nen ikhi logolik he, ”Nit ninawi kota mondogat meisalogo potfisaga oba nen, niren hobuk ambotkwe wusugun o,” iluk ili'lagwi oba nen ogo re, At Tuhan nen onggo ikhi logolik he, ”It inawi kota andi hobuk ambotkwe wusugun fano meneat he, an nen meisalogo potfisagain o. A'nogo meisalogo potfisamo, afuni nen he mel ikhi logogun: Afuni weak hilingitu welagaikharek mene inaiba, igik, inebe Tuhan nen a'mage inoba fikhemo werek mene o, igik, ikhi logogun,” iluk ikhe.

MATIUS 26:63

at Yesus ane igi'lek kamo isikhemo re, at ap kain Allah eisewerek mene a'nogo nen he, ”Allah amlogo Kristus lakfei wesigin isukwa a'nogo, ebe hat halok he, yaganisanok iluk, at Allah eluk mondok welagarek mene enu hombuk palogo yagaheti o,” iluk yagatikhemo,

KISAH PARA RASUL 19:13

A'nogo hilingitu kwelek, it afuni Yahudi mene ekhe inebe wesagun logolik, munggwarengge inobabut weak mene afuni inendawimo kuluk were'ma henogo wulakfisilik nikhi lagaukwa mene nen he, Tuhan Yesus enu hombuk palogo wulakfisouwogeluk walhasukwaat. Walhikhi logolik, iren, munggwarengge obabut weak mene yagati logolik he, ”At Yesus, Paulus nen yagaisilik nikho mene andi enu hombuk palogo, henogo wulibi lan o, iluk yagaheti lago,” iluk yagatukwa.

YOSUA 16:7

Andoma nen he huli walsek mene andi nen pelabek o Atarot en he Naharat huli nen pikhit o Yerikho walingisogo wurep kobokhogo re i Yordan huliba.