YOSUA 6:21 - Allah Wene Fano Wene Hupla Inane

²¹ A'nogo sebelhi logolik, afuni inebe mondogat alage mene inom, yamanugwi mene inom, ap lek, hemi lek, o kota andoma welagaukwa mene inebe karok oba mondok inoatukwa. A'nogo inoati logolik inanggo sapi, domba, keledai inom watukwaat.

YOSUA 6:21 ပူးပေါင်းရင်းမြစ်များ

1RAJA-RAJA 20:42

Andiba re, at nabi a'nogo nen raja a'nogoba yagati logolik, ”Tuhan nen yi'nogo ikhe: Ap an nen wa'no iluk yagati mene a'nogo haren lologo wulak fegen. Andi nen he, hat hebe re at obali'mo wa'lasigin o. Nen, haren it tentara hat haselei mene heise wulibuageluk herakfisegen andiba re, hat mene hagoromi tentara andoma mondogat he weaget hinobagagun ikhe o,” iluk yagatikhe.

YEREMIA 48:18

Yago, hit afuni Dibon hinap femhogo welagep mene yi sani, hit hinanggweang Moab oba weaget fagain mene a'nogo arat asi waga o. Nen aren he hit hinawi leget omamerogo waganogo kwelabek mene a'nogo mondogat wolelenggen isagain enggere, hit he hinebe hinobalik fanoma hurek welagep oba oma nen pi wesimbik he kweangma wul oba hurek logoni o.

ULANGAN 13:16

Afuni andoma inangge yi mene ti mene andoma mondogat he o kota silimo kaboget fisano. Kaboget fembik he, o kota inom, inangge yi mene ti mene inom mondogat he At Tuhan Allah faget warogo noletu mene hilingfuluk nole'no. A'nogo hilingfuluk abirengge andi re, o andi ulun folukhogo hilingfoumo logogin, nen olun andiba it ekhe hobuk wusugun legat.

ULANGAN 2:34

A'nogo sambul ogore o kota omanogo pin kwikhi logolik, o ebe lilibuk-lalabakhogo hilingfisikhi logolik he, afuni inebe mondogat hemi inom, ap inom, inagainafuri yenggerugwi mene inom, ekhe fisigi'lek mondogat inoatugu.

ULANGAN 7:16

Nineisena Tuhan nen afuni inunggulenu lombok inebe hinenggiba hinobagagin mene andi, inebe ekhe hinendawirinafi'lek mondogat legetfisikhi logoino o. Hiren it afuni andi nen, Nineisena ebe andiat, iluk agarek mene andi fogeratunem, hinebe alomat laga logogun andi nen he, fogerati logogubo.

YOSUA 10:28

Linggene a'nogo sambul Yosua nen he o kota Makeda a'nogo sebeli kwikhi logolik inoe raja ogo ebe pinggi watukwa. Afuni o andiba werek mene re mondogat inoatukwaat, misik iluk ogo ineluk ekhe fisasukwa lek. At Yosua nen ap raja Makeda mene andi re attak raja Yerikho mene oba hilingfesikhe a'nogo higithogo hilingfesikhe.

YOSUA 10:39

inawi kota inom, inoe raja inom, nen o kota amu mene era'lukwe welagaikhe mene mondogat Yosua nen telhi logolik, afuni andoma welagaukwa mene mondogat inoatukwa. At Yosua nen raja Libna mene inom, Hebron mene inom inoba hilingfisasikhe higithogoat hilingfisasikhe andi.

YOSUA 11:14

Afuni o andoma werek mene re ineluk ekhe fisigi'lek inebe mondok pinggi inoatukwa. Oba nen he it inangge yi mene ti mene onggo hokho mene omanogo inom nen inanggo inom enek he it afuni Israel mene inangge asuogeluk helasukwa.

YOSUA 8:2

Raja o Ai agun andi inom o Ai ebe inom he haren attak o Yerikho inom inoe raja inom inoba hilingfisasigin aremnogo hakhogo hilingfisano. Oba nen yogondak yi nek he yi mene ti mene inom inanggo inom he hit hinangge mene asuageluk helano. O kota andi re ambol fikhiren ferekhogo inoasi kugun enggere fik-foukhogo hilingfeni,” iluk yagatikhe.

YOSUA 9:3

Oba nen he afuni it inunggulenu Hewi mene o Gibeon werek mene nen he, Yosua nen o Yerikhoba inom o Ai ba inom hilingfesikhe mene faget inesanggo holhukwa.

WAHYU 18:21

A'nogo ugunem holhiri'mo nen ombo'ne re, at malaikat omame hokho mene ekhe wagasik helep hokho yi mene ti mene sagalharek mene hangge hambokhogo i laut yenggele'ma hugisikhi logolik mel ikhe: ”At Allah nen hit afuni o kota Babel mene, yi'nogoat omamerogo hambokhogo pelakhinobagagin o. A'nogo pelakhinobagaumo hobuk afuni nen ineilenggen hisogoin mondok lego.

1 SAMUEL 15:3

Halok he, afuni Amalek mene were'ma weim lambik, inebe inom, yi mene ti mene inom, ekhe herakfigi'lek mondok legetfisano o. Afuni mondogat ap inom, hemi inom, yenggerugwi inom, omalik inom, inanggo sapi, domba, unta, keledai inom, mondogat wulil tagalogo legetfisano o,” iluk yagatikhe.

1 SAMUEL 15:8

A'nogo inoarik laga logolik, afuni Amalek mene mondogat inom, tentara inom, mondogat inoatikhe. A'nogo meneat he, at Saul agoromi tentara mene inomen afuni Amalek mene inoe raja Agag fakfesukwasik, eluk fikhi logolik he, wam domba sapi ebe mondok fano mene inom, sapi, domba eagwi otholik mene inom, yi mene ti mene onggo hokho mene inom, wendeberogo wanhi logolik he, wam weak mene inom, yi mene ti mene onggo endebat mene inom enek he, mondok legetfisasukwa.