YOSUA 6:20 - Allah Wene Fano Wene Hupla Inane

²⁰ A'nogo yagaisasikhemo, it ap Allah eisewerek mene nen inambinggong anethasukwa. A'nogo anethugunem ap Israel mene pinggong ane inesanggo holhukwasik he, inane ami'mit hokhorogo sup ugunem he, o kota Yerikho leget pa'leget wurik mene a'nogo mondok meisa'lambukhogo pisikhe. A'nogo hilinglagunem he, ap tentara Israel mene inebe mondogat inelokhe tukhum o kota a'nogo arat sebeli kwisukwa.

YOSUA 6:20 ပူးပေါင်းရင်းမြစ်များ

2 TAWARIKH 13:15

It Yehuda inap a'nogo re weim ami'mit sup isukwasik he, it a'nogo hun Abia nen woginarek he, At Allah nen Yerobeam inom, it Israel inap inom omanogo inomame leget fisasukwama re,

ZEFANYA 1:16

Lingge andi re trompet fut hugunem ane hangge it ap weim yafarek mene nen o kota leget pa'leget oba himbirogo wurikwe inom, helep esia'le uanhogo wurogo liabekwe inom, omanogo bene pin kwi lagunem he weim eindep ane mileti logogin.

IBRANI 11:30

It afuni Israel mene inendawinggen Allah oba a'nogo himbirik logolik, o Yerikho sili inenggi 6 hari nen walingethikhi lagaukwasik, ekheba walingetunem he, leget pa'leget waganek mene meisak lambuk isikhe.

YOSUA 6:5

A'nogo walinget hikhi logolik, hobuk he, it ap imam andi nen inambinggong ane palfigi'lek hundik ugu mondok logouwak. A'nogo ugu mondok were'ma ane hinesanggo holhep halok he, it hinagoromi tentara omanogo mondogat inane ami'mit unggunggu ane hak subuago. A'nogo ugunem he, leget pa'leget wurik mene andi mondogat erabisak meisak langguk igin o. A'nogo hilinglagunem he, hit hinebe mondogat hinelokhe tukhum o kota andi kwi lano o,” iluk yagatikhe.

1 SAMUEL 4:5

Peti andi a'nogo waluk laga lagaukwasik, o su mene wuri'mo fei lagaukwama re, ap Israel mene inane ami'mit hokhorogo sup isukwama kweang mondogat abolok leik isikhe.