YOSUA 6:2 - Allah Wene Fano Wene Hupla Inane

² A'nogo hilingitu kwelek, At Tuhan nen Yosua yi'nogo yagatikhe: ”Yogondak An nen afuni o kota Yerikho mene mondogat inom, inawi wurik andi inom, inoe kain enupogot inom, at agoromi kabelek tentara inailo'lek mene mondogat inom, hat henggiba figi o.

YOSUA 6:2 ပူးပေါင်းရင်းမြစ်များ

2 SAMUEL 5:19

Werek kwelek, at Daud en eisena Tuhan oba mel yagatikhe: ”An nen ap Filistin mene andi inoasi lagain anggegen a? Haren he, an nen it inoasuagaluk nenggiba fagain a? Lega,” iluk heinok wokhasikhemo, Aren he, ”Inoasi lan o. An nen it inebe henggiba fagain o,” iluk yagatikhe.

NEHEMIA 9:24

Iren tagomangge mene nen afuni o Kanaan yoma mene mabenet fisaluk, inebe hat hagainafuri inawe a'ma logouwageluk hilinginafigin andi. Hat hagainafuri nen afuni Kanaan mene inunggulenu lombok inogogwi raja inom mondogat a'nogo hilinginabuagaluk homame wogisasigin andi.

DANIEL 2:21

Arenat ti sambul hibi asigin ti sambul salim asigin iluk inom, nen yi wene ti wene agarek oba asuageluk inom kagalogo fikherek oba hilinglagik, it ap inenu werek logouwageluk Aren liakfisigik, sebelfisigik, ikherek. Aren ogore afuni inendawinggen kagalek mene hilingfisigik, yi wene ti wene elok futfikhi logouwagaluk hilinginafik, ikherek.

DANIEL 2:44

A'nogo meneat he it ap andi raja menlasimbik afuni ferinarek logogun sambul andem he, Allah pogoroba mene andi nen ap ekhe Enupogot mondok-mondok logogin mene menfagain o. A'nogo menfoumo re afuni aren ferinarek were'ma, afuni inunggulenu ekhe nen at mabenet figik, ap raja andi obulu'mo ekhe menlagik, ikhi logogun mondok lego. A'nogo menfoumo logolik, aren ap ekhe raja a'luk afuni ferinarek logogun mene andi mondogat wulil tagalogo legetfisagain o.

DANIEL 4:17

Nit malaikat Allah onggwarek faget tegelek logolik, kagalek welago mene nen wene arat tekhogo ogo mene re andi. Nit a'nogo ogo andi re, it afuni o kweangma yi awi ti awi werek mene nen he, Allah Enupogot yi mene ti mene enggiba welagarek mene andi nen he, ap inenupogot logolik ferinarek logouwageluk wogisikheresik, hobuk waganogo ap ekhe inebe yenggerugwi elo'lek meneat he, inenupogot logouwagaluk wogisikheregat higi, iluk inelu asuageluk a'nogo ogo andi, iluk ugunem yethigi o.

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

DANIEL 5:18

At Allah Lego Mondok werek mene a'nogo nen hat heisena Nebukadnezar ebe kain enupogot logouwagaluk menfesikhesik afuni at enggiba ferinarek logouwagaluk wogotik, enu hokho were'ma fogerati logouwagaluk hilingisogo figik, isikhe andi.

ULANGAN 7:24

It hinaselei mene andi inogogwi kaindek inenupogot inebe hinenggiba hinobagaumo, hiren it inebe inoasumo re, inenu mondok hinonggot asumo eberek logogun mondok lego. It inebe mondogat hiren inoasugun andi. Ekhe misigat halok eluk logolik, hit hinoasigiluk weim abok ekhe igin mondok lego.

YOSUA 12:9

Raja-raja inomame leget fisasikhe mene, inebe abirengge lambulogo re 31 nen. Inebe andem he raja-raja o kota-kota yiba welagaukwa mene enu re yi: O Yerikho inom, o Ai (Betel horokhogo) andi mene inom, Yerusalem, Hebron, Yarmut, Lakhis, Eglon, Gezer, Debir, Geder, Horma, Arad, Libna, Adulam, Makeda, Betel, Tapuah, Hefer, Afek, Lasaron, Madon, Hazor, Simron-Meron, Akhsaf, Taanakh, Megido, Kedes, Yokneam (o Karmel oba andoma) inom, Dor (i aik oba welagaukwa mene) inom, Goyim (o Galileaba) andoma inom o Tirza inom oba welagaukwa inap inomame leget fisasikhe.

YOSUA 2:24

A'nogo yagatukwasik, hobuk at Yosua mel yagatukwa: ”Nineisena Tuhan nen o andoma mondogat eberogoat nit wo'nisagain o. Afuni o andoma mene mondogaren he ninoba inailo mondok werego,” iluk yagatukwa.

YOSUA 2:9

Lagasikhesik mel yagaisasikhe: ”At hineisena Tuhan nen o yoma hit hinenggiba fikhemo werek andi re, an nelu o. Afuni yoma mene abirengge hit hinoba inailo mondok werego.

YOSUA 20:1

A'nogo hilingitukwasik Tuhan nen Yosua mimingiti logolik he,

YOSUA 6:1

O kota Yerikho leget pa'leget wurik mene kwe ambe palekwe nen afuni Israel mene ku elo'lek asuagaluk kagalek mondok logolik, kwe mondok ti'mik-te'mekhogo yagati lagaukwa. A'nogo hilingiti logolik he, afuni ekhe o kota andi nen wulhik-kwigik ugun mondok lek, iluk wene palhukwa.

YOSUA 6:3

Andi nen he, hat hebe inom, hagoromi tentara inailo lek mene inom, hinebe higithogo erat fuluk hinenggi falfaligen logolik hinenggi misik sambul he misigam walinget hikhi logoino o.

YOSUA 8:1

Tuhan en Yosuaba ikhi logolik he, ”Hagoromi tentara mondogat andogerinabimbik he, it inom seberogo o Ai andoma lani. Lageluk halok he hailo legengge hendawinggen sebel fakhambik lano! An nen he hun raja o Ai mene andi enggimo nen halonget hobagaigeluk welagi. Andi nen he againafuri melalinabi'lago mene inom, awi kota andoma inom, at anggweang inom he haren telogo sebeligin.

HAKIM–HAKIM 11:21

Oba nen it afuni Israel mene ineisena Tuhan Allah nen he hun Sihon inom agoromi sikhe fisogo welagaukwa mene inom inenggiba nen inalonget fisasikhe. Arigin fisasikhemo re, afuni Israel mene nen kweang it afuni Amori mene inanggweang andoma mondogat it mene agaukwasik welagaukwa.

HAKIM–HAKIM 11:24

Oba nen yogondak yi re haren nekhengge helagain iluk ikhi lagen a? Kweang hat handugwi kembu enu Kamos nen hat wokhetemo andoma nek he hit hinangge hilingik logogin andi fano. Oba nen he nit nineisena Tuhan Allah nen nit ninobaget wo'nisikhe mene andoma re nirogo ninghogo fisogo logogun.