YOSUA 6:19 - Allah Wene Fano Wene Hupla Inane

¹⁹ Andi nen, o mondok legetfisikhi logolik, we, yi mene ti mene perak mene inom, emas mene inom, tembaga mene inom, posie mene inom, mondogat andi nek he, nineisena Tuhan faget fisambik he, yi mene ti mene At mene welagarek oba omanogo feino o,” iluk yagaisasikhe.

YOSUA 6:19 ပူးပေါင်းရင်းမြစ်များ

2 SAMUEL 8:11

A'nogo wogosi wagaikhemo re at raja Daud en he wogosi wagaikhe mene omanogo wene kabogeti logolik hilingitu mene iluk Tuhan faget fesikhe. Andi nen he fena aren hun Hadadezer oba nen emas, perak telhikhe mene omanogo ogo, nen it inunggulenu amu mene aren mabenet fisasikhe kwe it inunggulenu Edom mene inom, Moab mene inom, Amon mene inom, Filistin mene inom, Amalek mene inom, omanogo nen telhikhe mene ogo, a'nogo nek hilingitikhe.

1RAJA-RAJA 14:26

A'nogo kwi wagaikhesik aren yi mene ti mene o Tuhan Awi wuri'mo werek mene inom, raja ailoba werek mene inom, raja Salomo nen weim kwe palengge emas meneba hilingitikhe mene omanogo inom, mondogat telasukwa.

1RAJA-RAJA 7:51

At raja Salomo nen Tuhan Awi a'nogo mondogat wut fesikhesik he, o andi elonggoma ambe yi mene ti mene fugu mene faget a'nogoba yi mene ti mene perak inom, emas inom ekhe amu-amungge at eisena Daud en wogetikhe mene omanogo inom fesikhe.

2 RAJA-RAJA 24:13

Wene a'nogo oan hilinglagi'lek werek kwelek At Tuhan nen, ”Yi'nogo hilinghinabugun,” iluk yagaisasikhe higithogo re, at Nebukadnezar en yi mene ti mene ap Salomo nen Tuhan Awi wuri'mo logouwageuk, ebe emas mene hilingitikhe mene omanogo mondogat inom, yi mene ti mene onggo hokho mene ekhe Allah awi wuri'mo a'nogo welagaikhe mene inom, Yoyakin aiba welagaikhe mene inom, wanhikhesik o Babel waluk lagaikhe.

1 TAWARIKH 18:11

Waluk wagaikhemo re at raja Daud a'nogo nen he abirengge omanogo wene kabogetuba omanogo hilingitu mene iluk Tuhan obaget fesikhe. Andi nen yi mene ti mene emas, perak inom, hun Hadadezer inom it inunggulenu amu mene inom mabenet fisasikhe mene, inunggulenu Edom inap, Moab inap, Amon inap, Filistin inap, Amalek inap, omanogo mene telhikhe mene omanogo re a'nogo nek Tuhan obaget fesikhe.

1 TAWARIKH 26:20

It inunggulenu Lewi mene a'nogoba nen ap fenakwe omanogo re o Tuhan Awi wuri'mo yi mene ti mene werek mene omanogo inom, afuni Allah obaget waluk fei laga lagaukwa mene omanogo inom, halhi logouwageluk welagaukwa.

1 TAWARIKH 26:26

At Selomit inom, it agaila'lak inom he hun raja Daud inom, it ineisok erokwe lombok faget kepala welagaukwa mene omanogo nen inom, it inunggulenu lombok faget melalinafu welagaukwa mene omanogo nen inom, it tentara inogogwi lego mene perwira omanogo inomen Tuhan obaget fei waga lagaukwa mene omanogo halhu mene re it andi welagaukwa.

1 TAWARIKH 26:27

Nen, iren waluk wogosi waga lagaukwa mene andi fena re iren weim yabi laluk telhi lagaukwangge omanogo inom, nen iren Tuhan Awi wuri'mo andoma amu enogo hilingitungge iluk fei waga lagaukwangge omanogo inom, halhi lagaukwa.

1 TAWARIKH 26:28

Lebekhogo re, at Salomit inom, at eisok erokwe mene inom he yi mene ti mene Tuhan Awi wuri'mo andoma nen amu enogo hilingitungge iluk fei waga lagaukwangge andoma inom, fena at Allah ane yagaisikhi lagaukwa mene nabi Samuel sebene nen at raja Saul en fei wagaikhe mene omanogo inom, Abner en inom, Ner en inom, hun Zeruya amlogo Yoab a'nogo nen fei loageluk wogeti lagaukwa mene fei waga lagaikhe mene inom omanogo halhi lagaukwa.

1 TAWARIKH 28:12

At Daud en he o sili enggen tulem wusugun iluk wenggelhikhe mene inom, ambe maserogo andoma faget inom, o gudang Tuhan Awiba andi elonggoma kwalek logogin mene faget inom, gudang yi mene ti mene Tuhan obaget waluk fei wagu mene logogin oba wusugun iluk wenggelhikhesik palogo fesikhe mene a'nogo ogo wogetikheat.

2 TAWARIKH 15:18

Emas, perak inom weim yafi logolik telhukwa mene omanogo re eisena nen mene inom, aren mene inom, Tuhan angge logouwageluk Tuhan Awi wuri'mo omanogo fei kwisikhe.

2 TAWARIKH 31:12

fuguba faget o Tuhan Awi wurik era'lukwe omanogo o gudang yi mene ti mene fugukwe wurik lagaukwa. A'nogo wurik lagaukwasik he ap Lewi mene misik ekhe enu re Kona andi nen halhi logouwageluk menfesikhesik he at agot Simei a'nogo re at lebethugu mene iluk fesikhe.

NEHEMIA 10:38

Oba nen he it ap imam hun Harun ambisangma mene nen niren nomolo mene iluk fugu mene omanogo andogotu halok he it ap Lewi mene ekhe ineisomarogo kabogesi laga logogun. A'nogo kabogeluk he it imam omanogo nen nomolo mene fugu mene omanogo re yi mene ti mene fuguba senggelekwe omanogo fei lagunem it ap Lewi inaben waluk he o TUHAN aiba omanogo fei laga logogun.

YEREMIA 38:11

Ma re at Ebed-Melekh en ap inebe henagan mene inayonggo fikhesik inom he o yi mene ti mene fagarek oba omanogo lagaikhasik kain mining mene ekhe wanhasik he iren heleba eiselogo an pogolema were'ma pelakneta.

IMAMAT 19:24

Tahun enggaminogo meneba enggen ite halok, An hineisena Tuhan hai warogo re, An faget nobagagun o.

MIKHA 4:13

Tuhan nen ikhi logolik, ”Hit afuni o Yerusalem welagep mene yi. It hinaselei mene andoma hineisogen alperelogo fisobagaigen he lani o. An nen wam sapi andimuk besi meneba inom, eisok a'lip tembaga meneba inom hilingik hak hilingisogo hinobagagin. Nen, hiren he afuni inunggulenu lombok inebe hokhorogo alperelogo inoatik, inangge yi mene ti mene onggo hokho mene hugul helasukwa mene andoma hiren wanimbik he, An hineisena Tuhan o kweangma yi awi ti awi mondogat faget welagirek mene a'nogo nobaget feino o,” iluk yagaisikhe.

BILANGAN 31:11

Andi mondogat hilingfuluk he, ap Israel mene nen inangge hugulengge wanhukwa mene omanogo inom, inebe hele warek woginafukwa mene omanogo inom, inanggo wanhukwa mene omanogo inom waluk he,

BILANGAN 31:12

Musa inom imam Eleazar inom, afuni Israel mene inom inambit waluk wagaukwa. Andem oba re it inebe o Moab tonggoma, i Yordan aik oba o kota Yerikho horokhogo andoma logolik hilingitukwa.

BILANGAN 31:22

Yi mene ti mene endu nen ninggerek lek mene emas, perak, tembaga inom, posie inom, timah kut mene inom, sing mene inom he endumo nolfembik horogo pugunesugun. Nen andi hilingfuluk he yi mene ti mene andoma emerek mene ekhe logoinogo re nekhengge iba sobalhu mene a'nogoba horogo pugunesugun. Nen amu mene fenakwe endu nen na hak mene andoma re iba sobalhi logolik hilingitarek mene a'nogoba horogo pugunesugun.

MATIUS 27:6

A'nogo hilingitikhemo, it ap kaindek Allah eisewerek mene omanogo nen uang perak mene 30 nen a'nogo wanhukwasik he, ”Uang yi ap amep onggo palagama Allah faget uang fagarek oba andoma fogoin mondok lego,” iluk isukwasik he,

MARKUS 12:41

Wene a'nogo yagaisasikhesik he, ap Yesus ebe hu'lagaikhesik hurek logolik, peti uang Allah faget elonggoma fisagarek mene teik fena were'ma re, afuni hokhorogo nen uang fuluk lagunem yerinarek welagaikhe. Afuni inenggi werek mene hokhorogo nen uang hokhorogoat filik lagaukwa.

YOSUA 7:11

Afuni Israel mene weak hilingitama o. An nen wene melalfisikhi logolik, wene warek An inom it inom wat-wat agagu mene andi tiphogo hilingiti logouwageluk yagaisasigi, oba nen he, wene andi sagal faga! Nen yi mene ti mene wolelenggen tagalogo feino iluk igi mene omanogo iren he helaga. Helagasik weinam asinogo iluk he, it inasungge anggele'ma andoma hinagaisogo fakhaga o.