YOSUA 6:17 - Allah Wene Fano Wene Hupla Inane

¹⁷ Andi nen he, o kota Yerikho mondogat weagetfikhi logolik inebe inom, yi mene ti mene mondogat inom he, Allah faget fisa hak mondok legetfisano o. A'nogo meneat he, he Rahap yanani nikherek mene a'nogo nek he, aren ap niren ineil penesuageluk lakfisogo mene hinakfisikhe a'nogo nen he, at ebe inom, eisena agaisa inom, oe agot inom, inom enek he, ineluk herakfisano o.

YOSUA 6:17 ပူးပေါင်းရင်းမြစ်များ

KEJADIAN 12:3

Afuni ekhe nen nauk inoba louget fagarek hak hat fanot hafa halok, An nen it andi fanorinafik, it ekhe nen homan hobagagun halok, An nen homan fisigik, ikhi logogin o. Nen, hat hoba halisikhogo afuni kweangma mene inunggulenu lombok, An nen fanorinabigin o,” iluk yagatikhe.

EZRA 10:8

linggene henagan arem oba nek ap misik ekhe wesigin lek mene andi re angge yi mene ti mene mondogat telaluk he at andi re afuni nit mene werek fuk anggogoin. Iluk he lisu palek a'nogo it holhu mene inogogwi melalinafarek inap omanogo nen enek it inenggi amusu cap fuluk lak fesukwa.

YESAYA 34:6

Tuhan enggarok andi bene re wam warogo senggelhunem higit inameben labulogo hilingi'mo re, inasei ebene tendelhigik laboksek logogin. Andi re Tuhan nen o Bozra ba andoma warogo fot fisigik, nen Edom kweang oba andoma ap inebe hokhorogo agum houwakhogo warogo liakfisamo hilingik logogin.

YEREMIA 46:10

Oba nen An Yeremia nane ikhi logolik he, ”O linggene yi re Tuhan Allah Mondok Lego logolik Omane Hokho welagarek mene a'nogo awi o. O linggene andi sambul he Aren aselei mene omanogo mondogat ambisangma inoba hilingfisagain o. At enggarogen he, it inebe ineiloak leget fisigik, inamep firokhogo ninggik umo re inoba homot lasigin o. Linggene yi sambul he Tuhan Omame Mondok Hokho mene a'nogo nen Aren warogo fikherek engge omanogo utara fikhit i Efrat aik oba omanogo warogo fikhemo werego.

YEHEZKIEL 39:17

Tuhan Lego Mondok welagarek mene a'nogo nen an noba ane ikhi logolik, ”Afuni wa'lagaikharek mene yi re, sue andoma mondogat inom, mene olomene anini mene inom, yi kwe ti kwe nen wesimbik it inobaget An nen warogo fouget figingge andoma ninggi logouwagen he wolinabin o. An nen seni it inobaget Israel inandom punukwe andoma fouget fisamo re, andoma iren eino mene ninggik, inagai re mep mene ninggik ikhi logogun.

IMAMAT 27:21

Tahun Inambotkwe Oak wogisagarek mene arat kwi lagunem, hobuk meneba re kweang andi mondok-mondok Tuhan mene asiginmo, it imam omanogo inenggiba fogoin fano.

MIKHA 4:13

Tuhan nen ikhi logolik, ”Hit afuni o Yerusalem welagep mene yi. It hinaselei mene andoma hineisogen alperelogo fisobagaigen he lani o. An nen wam sapi andimuk besi meneba inom, eisok a'lip tembaga meneba inom hilingik hak hilingisogo hinobagagin. Nen, hiren he afuni inunggulenu lombok inebe hokhorogo alperelogo inoatik, inangge yi mene ti mene onggo hokho mene hugul helasukwa mene andoma hiren wanimbik he, An hineisena Tuhan o kweangma yi awi ti awi mondogat faget welagirek mene a'nogo nobaget feino o,” iluk yagaisikhe.

MATIUS 25:40

an ap kain nenupogot andi nen he, it afuni omanogo mel yagaisagain: Hiren an nagoromi inenu lek mene ekhe were'ma a'nogo hilinginafi lagagip andi, anat hilingnafi lagagibo, iluk, eberogoat yagahisigi, iluk yagaisagain.

1 KORINTUS 16:22

At ekhe nen, ninoe Enupogot endawi hundik lek halok he, Allah nen at andi ebe homan fouwago. Mene re, ninoe Enupogot weak-weak eme o, u hak, Maranatha, iluk igi andi.

1 KORINTUS 2:7

Wene andi Allah endawimo kagalek wene hinago welagaikhe mene fakhogo yagaisogorek. Wene andi afuni kweangma mene inonggot meneat he, attak Allah nen yi mene ti mene elalhi'lek logolik he, arenat nit fanotninafunem ninendawimo agaiyek asuageluk endawimo anggasikhe mene hinagoat welagaikhe.

GALATIA 3:10

Nen, Allah nen mel isikhemo lisu palogo fesukwa: ”Wene an nen komorinafigimo lisu palek werek andi mondogat afuni inesanggo holfuluk he, higithogo hilingitarek lek halok, inebe lombok homan inobagagin werego,” iluk isikhemo, lisu palogo fesukwa hak, it afuni ekhe nen wene Allah nen komotninafikhe wene a'nogo higithogo hilingisuogeluk, inendawinggen andiba himbiret fuluk welagaikharek mene halok, Allah nen homan inobagagin weregaro.

GALATIA 3:12

Afuni nen, wene Allah nen komotninafikhe wene a'nogo fisogo welagaikharek andi, ero faget he, lisu yi'nogo palek werek: ”Wene andi hologo logolik, higithogo hilingiti logogun mene halok hinebe lombok, wene andiba hineluk mondok logogun o,” iluk isikhemo, lisu palogo fesukwa andi. Mene re, inendawinggen Allah oba himbiret fagarek andi, hunogo aro.

ULANGAN 20:17

At hineisena Tuhan Allah nen melalhinafe hakhogo, hiren afuni Het inap inom, Amori inap inom, Kanaan, Feris, Hewi inap inom, Yebus inap inom, mondok felelenghogo inoa'no.

IBRANI 11:31

A'nogo meisak lambuk ugunem, at he Rahab yanani nikhi lagaikhe mene andi ogo re, endawinggen eberogoat Allah oba himbiret fesikhesik, it ap Israel mene ineil wani wagaukwa mene inebe fano woginafikhe andi nen he, it afuni ekhe Allah ane wanugun inabit mene inebe mondok inoati logolik, at he andi nek he, wati'lek herakfesukwa andi.

IBRANI 6:10

At Allah obabut he, weak hilingiterek mene fuk. At higithogo nek hilingiterek andi nen he, hiren at faget hilingiti logolik hinerugwi hinagaila'lak Allah againafuri mene ekhe hinendawi nen attak leberisigik, hobuk leberisigik, ikhi lagep mene andi, aren hit hinoba onggot asigin lego.

YAKOBUS 2:25

Andi hagat he, he Rahap yanani nikhi lagaikhe mene andi nen, afuni Israel mene nen it ap ineil wanuageluk lakfisa wagaukwa mene wagaukwama hinagaisogo woginafikhesik he, hobuk kwe amukwe nen ogalogo wulakfisasikhe andi. A'nogo hilingitikhe andiba nen, Allah nen he, ”Wene hoba mene korogo wokhigirik hambotkwe nemberek hunogo hobagagi o,” iluk yagatikheat andi.

YOSUA 2:1

A'nogo yagatukwama, at Yosua nen o Sitim en ap inebe pire mene o Kanaan ineil penesi loageluk inayonggo fuluk wulakfisa wagaikhe. Ap inebe pire andem wulakfisa waga logolik, ”Hinebe hinagaisogo lambik, o Kanaan andoma ebe esin hangge re, o Yerikho andoma hineil fanorogo pene'no o,” iluk yagaisasikhemo ap aremnogo o kota a'nogo wulibi wagaukwasik, he yanani nilik nikhi lagaikhe mene enu Rahab aiba kwisukwasik welagaukwa.

YOSUA 2:22

It ap inebe pire ineil penerik wagaukwa mene aremnogo o tomkwe andoma hina'lasi lagaukwasik werek kwelek, ap kain enupogot Yerikho mene agoromi inayonggo fuluk lakfisasikhemo inenggi henagan o kota endakwe andoma heraginafukwa menere inebe legen he, inambotkwe sugulogo o Yerikho wagaukwa.

YOSUA 7:1

Tuhan nen afuni Israel mene inoba komorinafi logolik yi mene ti mene o Yerikhoba nen mondogat hugul kugun mene andoma re, we misik iluk ogo ekhe wanugun lek iluk yagaisasikhe. Yagaisasikheba nen he wene melalek a'nogo tiphogo hilingitukwa lek. Ap misik ekhe enu re Akhan andi nen wene melalek andi sagalogo hilingitikheba Tuhan anini afuni Israel mene inoba fesikhe. (Hun Akhan andi eisena enure Karmi nen omba re hun Zabdi inunggulenu Yehuda meneba nen he unggulenu agaukhogo re Zerah mene welagaikhe.)

1 SAMUEL 15:3

Halok he, afuni Amalek mene were'ma weim lambik, inebe inom, yi mene ti mene inom, ekhe herakfigi'lek mondok legetfisano o. Afuni mondogat ap inom, hemi inom, yenggerugwi inom, omalik inom, inanggo sapi, domba, unta, keledai inom, mondogat wulil tagalogo legetfisano o,” iluk yagatikhe.

1 SAMUEL 15:6

A'nogo salek logolik, afuni Keni mene faget wene mel iluk warogo lakfesikhe: ”Endamat hit hinombalagen afuni Israel mene o Mesir en wagunem, ninagaila'lak, iluk fano hilinginafukwa andi nen he, an nen afuni Amalek mene wulil tagalogo legetfisikhi logolik, hit hinom hinoasi nogo nen he, afuni Amalek mene herakfisaluk heise weak-weak wulibino o,” iluk wene warogo lakfisasikhemo yagaisasukwama re, heise wulifukwa.