YOSUA 5:9 - Allah Wene Fano Wene Hupla Inane

⁹ Andem sambul he, Tuhan nen at Yosua wene ekhe mel yagatikhe: ”Hit afuni o Mesir mene nen inamingmingengge higit fethinarek were'ma re, hinenggali aga lagagip mene a'nogo yogondak arat legetfigi o,” iluk yagatikhe andi nen, o andoma enu Gilgal salhukwama huli yogondagen ugu mondok werek.

YOSUA 5:9 ပူးပေါင်းရင်းမြစ်များ

KEJADIAN 34:14

”Ap inagap inenggalimo mene palek lek mene inom nit ninagot andi lomboletu aplere ninenggali o.

2 SAMUEL 19:15

A'nogo isukwama, at Daud wesigiluk i Yordan aik oba wagaikhe. Wagaikhemo, afuni Yehuda mene Daud ebe wagunem wanhukwasik he, i Yordan palogo wulibi wagunem salmaginafik, yerinarek welagik, uogeluk o Gilgal arat lagaukwasik welagaukwa.

NEHEMIA 12:29

o Bet-Gilgal nen inom, Geba nen inom Asmawet mene inom, kabogesi wagaukwa.

MAZMUR 119:39

Hat hawene melalek andi re mondok fano mene hilingi'mo re, it afuni an sebelogo nobagali'lagwi mene inoba nailo welagi mene andi re yatma lakfisan o.

YEREMIA 9:25

Yethani! Afuni weagerinabigin oba arat horogasi waga o. Tuhan nen ikhi logolik, ”Yi afuni ti afuni mondogat inagap inenggalimo mene palek lek mene inom, nen afuni Israel mene inagap inenggalimo mene palu hak inendawinggen oba nen eberogo anggili'lagwi lek mene inom inebe mondogat wene inoba fagain oba arat asi waga andi nen he:

YEHEZKIEL 23:3

It inebe tugum oba re o Mesir welagaukwa. Andoma nen, tugum nailorogo ap agap inonggot engge welagaukwangge a'nogore obokhogo herakfuluk he hesangge yanani hilingitu mene hilinglagaikha.

YEHEZKIEL 23:8

Aren hundik-handik hambenan hilingirik nikhi logolik, o Mesir at ebe ap agap onggot were'ma nen attak-attak ap agap elu agaikheba omanogo nen hilingiti lagaikhe hak hilingiti laga. At ebe yenggerek oba nenat ap inom nogoikhemo re hambenan mene hilingisogo faga.

HOSEA 4:15

Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.

IMAMAT 24:14

”Ap andi waluk O Sabu Salek oba nen endakwe fikhit wulibi laluk he, it afuni nen Allah homan fugunem inesanggo holha mene halok he, ap andi eberogo weak hilingite iluk inelu asuageluk he, inebe lombogen inenggi ap andi unggul oba sebel fogoin. A'nogo sebel foumo it afuni Israel mene mondogaren helep hugoba nek wasumo wa'lasuak.

AMOS 5:5

Hit an faget hilingisuogoluk, o Bersyeba lagubo. Nen, afuni o Betel mene inebe lek asugun andi nen he, An hera'nabik, andoma la fugo. Nen, afuni o Gilgal mene inebe hele warogo woginarek logoin andi nen he, o Gilgal lagubaro,” iluk ikhe.

MIKHA 6:5

Nagainafuri e. Hun raja Balak awi Moab mene a'nogo nen hinombawi weagetfisagain iluk hilingitikhemo nen ap Beor amlogo Biliam a'nogo nen onggo yagatikhe mene aremnogo eberek logoino. Nen, o Sitim o tenda meneba wuri'mo welagaukwasigen hobuk o Gilgal o tenda wusuogeluk tulem andoma waga logolik, hilingitukwa mene andi hinendawimo eberek logoino aro. A'nogo eberek logogun halok he, An nen telhinabigin iluk hilingiti lagi mene andi fut fogoin o,” iluk isikhe.

ZEFANYA 2:8

Tuhan Omame Mondok Hokho Mene a'nogo nen ikhi logolik he, ”It afuni inunggulenu Moab mene inom, Amon mene inomen he An nagainafuri li'norinafi logolik pilibinabi'lagwi mene andoma An mondogat nesanggo holhi o. It An nagainafuri inanggweang omanogo teluogeluk he inane nen lalinafi lagaikha.

YOSUA 24:14

A'nogo yagaisasikhesik, at Yosua nen wene ekhe mel yagaisasikhe: ”Nineisena Tuhan nen a'nogo yaganisasikhe andi. Halok he, yogondak hiren he, at agaukhogo hilingiti logoino o. At amingmingengge a'luk, hinendawinggen misigat logolik, oba lombokhogo mondok logoino o. Ninombalak o Mesopotamia inom, Mesir inom, logolik hunogo mene faget, Nineisena ebe andiat, iluk oba himpirik logolik fogerati lagaukwa andi hangge, andi mene ekhe fogerati'lek, we, nineisena Tuhan amunek amingmingengge a'luk logoino o.

YOSUA 4:19

A'nogo hilingfesikhemo, it afuni Israel mene i aik yikwe wulibi wagaukwa andire, tugi iren attak wenati lagaukwa mene a'nogoba tanggal 10 ba wulibi wagaukwa. A'nogo wulibi wagaukwasik, inawi su mene o Gilgal o Yerikho abel mo liabi wagarek higit andoma wutukwa.

YOSUA 5:8

A'nogo arat palinafikhemo, inebe kwe wulifi'lek o su mene wuri'mo andoma mondok welagaukwasigen, inoumo arat agambut agaikhemo nen kwe wulifukwa.

1 SAMUEL 14:6

Were'ma andikwe louwogeluk laga logolik, at Yonatan nen he, agot alage mene a'nogoba mel yagatikhe: ”Nineisena Tuhan he ap inebe hokhorogo halok ogo, nen endebat halok ogo, elok inomamet fisa hagenego. Enggere Aren omame wo'nisagain anggikhi lagi hilingi'mo re, nit ap Filistin mene Allah ane inonggot mene inawi pos wuri'mo andoma louwogo,” iluk yagatikhe.

1 SAMUEL 17:26

A'nogo isukwama, at Daud en mel isikhe: ”Ap Filistin mene Allah ane onggot mene ari re, ailo lega? Allah eluk mondok welagarek mene againafuri tentara mene inoba ane asegen wogisili'lago ari re, nailo e,” iluk isikhesik, ap tentara mene at era'lu welagaukwa mene ekhe mel yagaisasikhe: ”Afuni Israel mene inenu weagerogo fili'lago mene andi eiloak leget figik, nen ap Filistin mene andi ebe watik, igin agun andi re nena mene wogosugun nogo?” iluk heinok wogisasikhe.

1 SAMUEL 17:36

A'nogo wati lagingge re, ap Filistin mene Allah ane onggot mene andi nen Allah eluk mondok welagarek mene againafuri tentara mene ane asegen wogisili'lago andi nen he, an hamingmingengge nen mene olomene a'nogo watirek hagat elok wasigin anggikhi lagi o.

1 SAMUEL 7:16

A'nogo ferinarek logolik, yi tahun ti tahun o Betel, Gilgal, Mizpa oba andoma eilenggen isilik laga lagaikhe. Laga logolik, afuni Israel mene yi wene ti wene minggilik awene inoba were'ma pilingisogo legetfisikhi lagaikhe.