YOSUA 5:13 - Allah Wene Fano Wene Hupla Inane

¹³ Inenggi ekhe sambul at Yosua o Yerikho horokhogo andoma logolik, ap ekhe karok lisogo waluk ka nen heat elokhoma menlagaikhesik mendek were'ma eilenggen hasikhe. A'nogo hasikhesik, oba horokhogo lagaikhesik he yi'nogo yagatikhe: ”Hat he, hebe nit werekwe mene a? At he, selei mene a,” iluk heinok wokhasikhemo, aren he,

YOSUA 5:13 ပူးပေါင်းရင်းမြစ်များ

KEJADIAN 18:1

Tuhan ebe Abraham elokhoma o Mamre e wesagayo iluk fogerati lagaukwa mene eroma andoma weinam asi wagaikhe. O andi sambul he, o mo aigen he at Abraham o sabu tenda mene wuri'mo kweba hurek logolik,

KEJADIAN 18:2

ot legeisogo eilenggen yethasikhe re, afuni inebe henagan mene elokhoma mendek were'ma yerisasikhe. A'nogo yerisasikhesik, awi tenda wuri'mo a'nogo nen wulifikhesik, uarek it inera'lu lagaikhesik he, eindep awi yakfesikhesik,

KEJADIAN 28:16

A'nogo yagatikhemo abi hasikhesik, at Yakub eluk agaikhesik he, mel isikhe: ”Neisena Tuhan ebe yoma werek higi,” an nonggot welagi mene yogondagen nelu aga yi,” iluk isikhe.

KEJADIAN 33:1

At Esau agoromi inebe 400 nen inom wagunem at Yakub en eilenggen isasikhesik at agoromi omanogo sumburogo it ekhe he Lea oba figik, it ekhe he Rahel oba figik, nen it ekhe agagwi heihe mene inebe pire aremnogo inoba figik, isikhe.

KEJADIAN 33:5

At Esau nen hemi inom, yenggerugwi inom omanogo isasikhesik heinok wokhikhi logolik, ”Hat hinom welagep oma sani?” iluk heinok wokhasikhe. Heinok wokhasikhemo at Yakub en yagati logolik, ”Allah endawinggen fano nen an nagainafuri oma wo'netikhemo re it oma re, an nagainafuri o,” iluk yagatikhe.

1 TAWARIKH 12:22

Linggene hundik-hundik ap inelokhe ket mene at Daud oba sebesuogeluk ekhe wagik, ekhe wagik ugu were'ma, at Daud agoromi weim yafu mene omanogo re esa mondok hokhorogo hilinglagaukwa.

1 TAWARIKH 21:27

A'nogo nasikhemo re, At Tuhan en ayonggo nikherek mene malaikat a'nogo yagati logolik he, henggarok awinggaba ambotkwe kwelakfakhan o, isikhemo, at malaikat a'nogo nen Tuhan nen isikhe mene a'nogo higithogo hilingitikhe.

1 TAWARIKH 21:30

Oba nen he, at Daud he malaikat Tuhan enggarok a'nogo faget ailo nen he, ambong serogo Allah ba ane masi lagi'legengge welagaikhe.

KELUARAN 23:23

Andi re, An nagot malaikat hit hinelokhoma ebekhalem wokhinarek laga logolik, hit it afuni Amori, Het, Feris, Kanaan, Hewi, Yebus, mene inawilokwe andoma wokhinarek lamo, An nen mondogat legetfisagain.

DANIEL 10:5

A'nogo mendek logolik nelokhe liagaisogo were'ma nen he ap misik ekhe asu re yo lenen eil sakhorek meneba ugungge labere'ma omban he emas ebe meneba pukhogo were'ma higi.

DANIEL 8:3

Nen i a'nogo aik oba re domba ai mene misik ekhe andimuk pire uan mene wulibi'mo, andimuk andem mene misik ekhe nek he ket mene re ebe uan-awan mene wilibik welaga higi.

ZAKHARIA 1:8

An neilenggen hugunem en he, malaikat ekhe kuda elokhe mep mene oroa'ma sagalirogo waga laga. Wagasik he, at a'nogo e murad salma fanggongma andoma kamo i wagunem higi. Nen, at ombo'ne re kuda fenakwe eil mep mene inom, elokhe yanggorek mene inom, mola mene inom miren mene hakhogo mendek were'ma higi.

BILANGAN 22:23

A'nogo mendek were'ma, wam keledai a'nogo nen malaikat a'nogo karok enggimo fisogo were'ma eilenggen yethasikhesik he, kwe kwanirogo yabukwe solu isikhe. A'nogo solu isikhemo, at Bileam en he, wam keledai a'nogo yei warogo waluk ebekhalem wulibi wagaikhe.

BILANGAN 22:31

A'nogo yagatikhemo, hobugen he, Bileam eilenggen mum welagaikhe a'nogo selek asuageluk Tuhan nen hilingfesikhemo, malaikat Tuhan karok fanghogo mendek welagaikhe mene a'nogo yethasikhesik, weak-weak kweangma pi wagaikhesik eindep awi yagaisogo fogeratikhe.

KISAH PARA RASUL 1:10

Higi'lek logolik, at Yesus ebe liakfugu kwelek ineilenggen pogoroba higit liabek were'ma aremnogoat, ap inebe pire inasu kut mene laberek mene inera'lu menlasi pi wagaukwa.

YOSUA 6:2

A'nogo hilingitu kwelek, At Tuhan nen Yosua yi'nogo yagatikhe: ”Yogondak An nen afuni o kota Yerikho mene mondogat inom, inawi wurik andi inom, inoe kain enupogot inom, at agoromi kabelek tentara inailo'lek mene mondogat inom, hat henggiba figi o.

WAHYU 1:13

Nen, esage andi elonggoma tulem abat ta'lagaikhe mene a'nogo elokhonggen hangge, su uan endakwe mene huli eisok oba pikhit laberek, nen amik enggen oba emas mene laberek.

HAKIM–HAKIM 13:11

A'nogo yagatikhemo, at Manoah weak-weagat agwe ombo'ne lagaikhe. Lagaikhesik, ap a'nogo mel yagatikhe: ”An nagwe wene yagasi wagen andi re haren a?” iluk heinok wokhasikhe. A'nogo yagatikhemo, aren he, ”Eberogoat. Anen aro,” iluk yagatikhe.

HAKIM–HAKIM 13:22

A'nogo hilingitukwasik, at Manoah nen agwe mel yagatikhe: ”Nit Allah nineilenggen hogo andi nen, ninebe eberogoat wa'lasugun higi,” iluk yagatikhe.