YOSUA 4:5 - Allah Wene Fano Wene Hupla Inane

⁵ mel yagaisasikhe: ”Hit i Yordan ima enggen tulem kwimbik he, Peti Wene Warogo nineisena Tuhan Allah nen wo'ninafikhe iluk hilingik a'nogo were'ma elokhoma kwini o. Kwimbik he, nit afuni Israel mene ninunggulenu 12 nen welago higithogoat, hinebe lombok helep ebe misiktek 12 nenat waluk we'no o.

YOSUA 4:5 ပူးပေါင်းရင်းမြစ်များ

KEJADIAN 31:46

Menfesikhesik aren agoromi agaila'lak omanogo yagasikhi logolik, ”Helep ekhe kaboge'ni,” iluk yagaisasikhemo, it a'nogo helep kabogetukwa. Kabogetukwasik it inebe seberogo sumburu helep kabogetukwaba era'lu aremnogo nen nasukwa.

KELUARAN 24:4

A'nogo isukwama re, at Musa nen nineisena Tuhan nen, ”Yi'nogo hilingiti logoino, ti'nogo hilingiti logoino,” iluk yagatikhe mene andi mondogat lisu palhikhe. Palhikhesik ohealek hubet he, tom a'ma andoma wam yi mene ti mene Allah faget warogo endu noleti logogun oba obuluk ebe hilingiti logolik, eisok helep mene 12 nen hilingisogo menegeisogo fesikhe. Eisok andi ebe lombok he, afuni Israel mene inunggulenu werek higithogo hilingisogo fesikhe.

ULANGAN 27:2

Hit hinebe yogondak yi sambul i Yordan palogo o kweang At hineisena Tuhan Allah nen wokhisagain oba omanogo kwi lambik hiren helep miren mene hak menfuluk enegengge amusu kut meneba warogo feino.

ULANGAN 9:1

At Musa nen a'nogo yagaisasikhesik ekhe mel yagaisasikhe: ”Hit afuni Israel mene yi, nerugwi nagaila'lak. Hinesanggo fanorogo holini. O yogondak he, afuni inunggulenu hit hinom higit mondok lek. We, it inunggulenu hokhoat, nen, inomame mondok hokho mene inaiba sebeli kwimbik logouwogeluk i Yordan palogo wulibugun andi. It inaiba kota re, mondok hokhondek mene, leget helep oba mondok uan-awan pogoroba higit wurik werego.

YOSUA 22:10

It inunggulenu Ruben, Gad, Manasye mene fena o Kanaan oba oan logolik o Kelilot asi lagaukwasik, iren he mezbah misik ekhe hokho mene mondok fano mene i Yordan horokhogo andem wutukwa.

YOSUA 4:4

A'nogo yagatikhe andi hak, at Yosua nen inebe wenaginafikhesik, wolisasikhemo wagaukwama re,

YOSUA 4:6

Afuni nen inendawimo eberisagarek hak, helep andiba, nineisena Tuhan nen hilingite mene andi hit afuni Israel mene hinendawimo eberek logogun o. Hobuk hinagainafuri nen he, hiren helep yoma ebe ninggi'nogo mene faget hilingitigipmo werek iluk heinok wokhisugu halok,