YOSUA 4:13 - Allah Wene Fano Wene Hupla Inane

¹³ Ap mondok weim yabugun mene re, inarige inasikhe helaluk inebe mondogat he, 40.000 nen wulibi wagaukwa. At nineisena Tuhan eilhanemat i palogo wulibi wagaukwasik, o Yerikho higithogo tonggoma andoma logali wagaukwa.

YOSUA 4:13 ပူးပေါင်းရင်းမြစ်များ

2 RAJA-RAJA 25:5

A'nogo lagaukwa meneat he, ap tentara Babel mene omanogo nen, ap raja Zedekia a'nogo mu'luk lagaukwasik, ebe o Yerikho tonggo enagoma andoma nen fakfei lagaukwama, agoromi tentara omanogo mondogat inoe herakfisaluk heise pugulhukwa.

KELUARAN 13:18

We, kwe lagokhogo o leimo afuni le'kwe nen i enu Gelagah mogo yenggelek fikhit andoma nen lagokhogo woginarek wagaikhe. Andi sambul he, afuni Israel mene o Mesir herakfuluk weim yabuogeluk hangge inasikhe inarige lik-loukhogo wulibi wagaukwa.

YEREMIA 39:5

Oba nen he tentara Babel mene nen it muginarek lagakhasik he Zedekia a'nogo o Yerikho tonggoma nen fakfesukwa. Andi nen iren he waluk raja Nebukadnezar ambit o Ribla nen daerah Hamat oba andoma were'ma wagaukwasik he at oba unggum enggin mene fesukwa.

YEREMIA 52:8

Oba nen tentara Babel mene nen he, raja Zedekia murok lagaukwasik he, o Yerikho tonggoma andoma nen senfei lagaukwa. At agoromi omanogo mondogat he, at a'nogo herakfisaluk heise lagaukwa.

BILANGAN 32:17

A'nogo wusimbik he, nit ninagaila'lak ninom weim yabi logoin nen weak-weak fik-foukhogo hilingisugun. Weim yabi kwikhi logolik andi re niren ninagaila'lak andi woginarek kwimbik o kweang it ninagaila'lak inaggweang mene asigin oba andi kwi logoin. Nit a'nogo nugu kwelek he nit ninagainafuri inom ninagagwi inom he yoma logogun. O kota leget haningisogo wagane'ma yoma re fano logogun, it afuni kwe yoma werek mene nen inoasi kwi wesugun lego.

EFESUS 6:11

At Iblis obabut lagoksek mene a'nogo nen weagethinabigeluk wagunem, weim yabuogeluk sing itarek hak, hit hinebe mendegat logouwogeluk he, at Allah nen yi mene ti mene wo'nisikherek mene andi mondogat hinagap oba laberogo logoino o.

ULANGAN 3:18

Aremnogo hulire an nen wene melalek yi yagahisasigi: ’Hit hineisena Tuhan Allah nen he hinanggweang i Yordan fena mo lagai wagarek fikhit ari hit hinebe logogun oba faget iluk wokhisasigi. Oba nen he hit mene ap sikhe fisogo mene re inasikhe harogo waluk i Yordan fena fikhit it hinagaila'lak Israel mene leberisouwogeluk inelokhoma kweang andi it tak sebeli laga logogun.

YOSUA 4:12

At Musa nen, ”Yi'nogo hilingi'no,” iluk yagaisasikhe higithogoat, it tentara afuni Israel mene faget weim yabugun mene inunggulenu Ruben mene inom, Gad mene inom, Manasye mene ekhe inom, it afuni Israel mene fena hobuget fisaluk attagat i palogo wulibi wagaukwa.

YOSUA 4:14

A'nogo wulibi wagaukwa andi sambul At nineisena Tuhan nen yi mene ti mene hilingiti logolik, it afuni Israel mene nen Yosua ap kain iluk inane agaukhogo yagati logouwageluk hilinginafikhe. A'nogo hilinginafikhemo, iren attak Musa agaukhogo yagati lagaukwa hak, hobuk at Yosua ebe eluk were'ma agaukhogo yagati lagaukwaat.

YOSUA 5:10

O Gilgal kweang tonggwe liok layokse'ma o Yerikho horokhogo andoma it afuni Israel mene o su mene wutfilik, elama faget logolik tugi andiba tanggal 14 oba hu'mokwe Allah nen telninafikhe iluk andi faget ebetikhi logolik seni Paskah nasukwa.

HAKIM–HAKIM 20:1

Andiba re afuni Israel mondogat mene o Dan abel utara fikhiren he o Bersyeba selatan fikhit oba nen, o Gilead mo liabi wagarek fikhit andoma nen he it inebe misik seberogo yonggo fesukwa mene a'nogo hologo o Mizpa Tuhan elokhoma andogotukwa.