YOSUA 3:7 - Allah Wene Fano Wene Hupla Inane

⁷ A'nogo hilingitukwama, At Tuhan nen Yosua mel yagatikhe: ”An nen hat o yogondak yi huli nen hebe kain hilinghabigin o. A'nogo hilinghafunem, it afuni Israel mene mondogaren he, hat agaukhogo fogethafi logolik, An nen at Musa serogo mondok welagagi andi hak, hat setharek mondok logogin andi, futhobagagun o.

YOSUA 3:7 ပူးပေါင်းရင်းမြစ်များ

1 TAWARIKH 29:25

It afuni holhu mene mondogaren at raja Salomo a'nogo fogerati logolik, it raja attak logolik Israel inap melalinafi lagaukwa mene inom, iren raja alekwe welagaukwa mene inom, we endep harek kwelek at Salomo nek he mondok hunik agun werek iluk, fogerati logouwageluk Tuhan nen hilingisogo fesikhe.

2 TAWARIKH 1:1

Hun raja Daud amlogo Salomo a'nogo re, it kerajaan Israel oba omanogo raja mondok omame mene menlagaikhe. A'nogo menlagaikhemo re, eisena Tuhan Allah nen at ebeba fanot figik, at ebe mondok omame hokho mene logouwageluk hilingfigik isikhe.

AYUB 7:17

Nenahalok Haren afuni re esin mondok anggikhi lagen? Nen, nenahalok iren hilingiri'lagwi mene andoma Haren heil woginafu mondok welagen?

MAZMUR 18:35

An weim yabuageluk Arenat yanggulnaferek. Andiba re, an nasikhe tembaga mene wurik a'nogoba ninghogo lisuageluk aren nenggi nomamet fili'lago.

YOHANES 17:1

At Yesus nen wene a'nogo yagaisasikhesik he, at ot legeisogo eilenggen pogoroba liakhasikhesik he, mel isikhe: ”Neisena. An hilingnabugun a'nogo arat horogasi waga o. Haren attagat afuni ekhe wo'netigin mene halok inebe lombok an hamlogo nen hilinginabumo ineluk mondok logouwageluk afuni mondogat nenggiba fesigin andi nen he, hat hebe esinet hobagaigen, an hamlogo esinet nobagaime o, neisena.

FILIPI 1:20

An nendawimo nen he, wene Kristus faget ure nenggali agi'lek yagaisikhi logogin namolo. Halok, nenggali agi'lek yagaisikhi logogino, iluk, futfuluk nendawimo fano welagi. Hundik-handik fakhogoat yagaisigirek hak, yogondak a'nogoat yagaisagelugat welagi o. Nebe neluk logoumo fanoat. Nen, wa'lasumo fanoat. An a'nogo hilingnafu kwelek, nebe abirengge Kristus faget hilingiti lagi andiba re, afuni nen Kristus fogerasuagelugat welagi o.

YOSUA 1:17

Niren Musa nen yaganisugunem ane hologo mondok hilingiti lago andi hak, hat hane hologo hilingiti logogun aro. Nineisena Tuhan Allah nen Musa serogo mondok welagaikhe andi hak, harogo setharek mondok logouwago.

YOSUA 1:5

An nen attak Musa serogo mondok welagagi andi hak, hat herakhobagagi'lek setharek mondok logogin andi nen he, afuni ekhe nen hat mabenet hobagagun mondok lego.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

YOSUA 3:6

A'nogo yagaisasikhesik, it ap Allah eisewerek mene nen Peti a'nogo waluk he, afuni Israel mene inebe hokhorogo hobugetfisaluk attagat wesuagaluk yagaisasikhemo, iren at Yosua nen yagaisasikhe hagat hilingitukwa.

YOSUA 3:8

Ma re, haren it imam en, Peti Wene Warogo An nen wokhinafigi iluk hilingik andi waluk, i andi ima arat asi lagaikha halok he, ima pikhit kwimbik i era'lu mendek logouwagen yagaisano o,” iluk yagatikhe.

YOSUA 4:14

A'nogo wulibi wagaukwa andi sambul At nineisena Tuhan nen yi mene ti mene hilingiti logolik, it afuni Israel mene nen Yosua ap kain iluk inane agaukhogo yagati logouwageluk hilinginafikhe. A'nogo hilinginafikhemo, iren attak Musa agaukhogo yagati lagaukwa hak, hobuk at Yosua ebe eluk were'ma agaukhogo yagati lagaukwaat.