YOSUA 3:16 - Allah Wene Fano Wene Hupla Inane

^16-17 aremnogoat, i waga lagaikhe mene a'nogo yaga'lagaikhesik mogo yenggelhikhe. A'nogo yagarogo yenggelhi logolik he, i a'nogo elesikwe higithogo yatkwe o Adam, o kota Sartan era'lu andoma huli yenggeli lagaikhe. A'nogo yagarogo yenggela-gaikhemo, i ambut laut yenggelek mondok welagare'ma pikherek mene firok isikhemo, afuni Israel mene i firokse'ma ial ebene nen, o kota Yerikho higit wulibi wagaukwa. It a'nogo wulibi wesuogoluk he, it ap imam peti Wene Warogo Allah nen wo'ninafikhe iluk hilingik a'nogo waluk i enggen tulem mendek mondok werek kwelek he, afuni Israel mene mondogat i palogo wulibi wagaukwa.

YOSUA 3:16 ပူးပေါင်းရင်းမြစ်များ

KEJADIAN 14:3

It ap kaindek inebe 5 nen andi inendawinggen misigat logolik, inagoromi tentara o Sidim tonggwe yogondak enu i Laut ambut lagarek lek yenggelek mondok welagare'ma, iluk agarek oba andoma andogotukwa.

1RAJA-RAJA 7:46

At raja nen yi mene ti mene hilingisuageluk yagaisasikhe mene andoma re waruk mene kabogetunem o Sukot en hilingi'luk Sartan Yordan tonggoma nen hilingi'luk tulem andoma nen hilingitukwa.

MAZMUR 114:3

I laut Gelagah a'nogo eilenggen hasikhesik he heise lagaikhe, i Yordan laga lagaikhe mene a'nogo repalfesikhe.

MAZMUR 114:5

Nena mene weregen hat i laut yi re heise laga lagen nogo? nen hat i Yordan yi re nenahalok lagi'lek kamo egen nogo?

MAZMUR 29:10

I fu lagarek mene ogore At Tuhan a'ma nek werek, At ebere Raja mondok-mondok faget lego mene logolik mendek werek.

MAZMUR 33:7

I laut yenggelek mene andi re misi'mo andogorogo fesikhe, i agum yagamakhogo yenggelek mene andi re Aren helage palogo yagat fesikhemo werek.

MAZMUR 66:6

I laut yenggelek welagaikhe mene a'nogo hebekhogore kweang iringik mene hakhogo hilinglagaikhemo re, nit ninombawi ineisok sebelik-sebelik palogo wulifukwa. Aren a'nogo hilingitikhe andiba re, niren ninagaiyegeti lago.

MAZMUR 74:15

Haren he i elesi wulakfigik, i lagu agai anggwe halogo latik, nen i lagu agai andi ebe hokho agai oba nen he Harenat firitoget figik egendek.

MAZMUR 77:19

Unggunggu ane supuk etunem he, eilabut yegelogo kweang abolok ikhi logolik he leigeterek.

MAZMUR 78:13

Aren he, i laut yenggelek a'nogo pelanghogo fena-fena maminget fesikhemo re, it omanogo selek wulifukwa. I a'nogo re helage palogo fugunem hakhogo fena-fena habunarogo menogo fesikhe.

KELUARAN 14:21

A'nogo werek kwelek, at Musa enggi i yenggelek a'nogo agum oba higit lakfei wagaikhemo, At Tuhan nen sogoi mo liabi wagarek higiren aninirogo lakfei wagaikhemo i yenggelek a'nogo healhikhe. O hup inukhogo sogoi a'nogo funha wagu mondok kamo isikhemo, i yenggelek a'nogo mondok healagaikhesik firokhogo kweang weinam agaikhe.

KELUARAN 14:22

A'nogo hilingiti logolik, i a'nogo pire minggil agaikhemo, afuni Israel mene i yenggelek a'nogo firok isikhesik poikwe maikwe habunarek werek kwelek ial ebene wulibi wagaukwa.

KELUARAN 14:29

A'nogo wa'lagaukwa meneat he, afuni Israel mene i yenggelek a'nogo firokhogo ponggwe manggwe habuna isikhemo ial ebene nen wulibi wagaukwa mene omanogo nek he, fano wulibi wagaukwama,

KELUARAN 15:8

I yenggelek a'nogo heleage futhegenmare, I habunarogo kat senghogo hilinglagasik, Kat senghogo helage palogo menlagama re, Ial oba elok wulibi wago.

YESAYA 50:2

An nen it inagainafuri wolinabi wagu sambul, nenahalok it An nagainafuri mene nen ap misigen iluk ogo ekhe onggo ili'lagwi lek? Iren anggikhi logolik An nen it inagap telinafik, lologo fisigik, hilingisu elo'legen iluk, inabolok lek werega? Ibi-eberogo nen he, An nen hilinglasuageluk ugunem he i laut firitok ikhi laga, nen i lagu agai mene omanogo terenghogo kweang iringik mene hilinglagunem, ikan mondogat wathigik lagunem fili a'luk amben mondok sang ikhi laga.

YEHEZKIEL 47:8

Wilibik were'ma at ane an noba ikhi logolik, ”I ari re o kweang yi kwe nen timur fikhit andoma wulibi lagaresik, i Yordan oba nen hiling-hiling he Laut Mati oba andoma kwelabi lagarego. Andi nen i ari Laut Mati ba kwelabi lagunem he i laut enduk eluge aik hangge mene andi agaumhogore i enduk fano mene hilinglagarego.

NAHUM 1:4

Aren he i laut agut palogore terenghogo potfisikherek. Yi agai ti agai lagarek mene andoma re Aren enek firitoget fikherek. Tom Karmel inom o Basan lei omanogo inom he lei mondok pirimhogo hilingfikheregat. Nen o Libanon oba owil-owilengge wilibik mene omanogo re mondogat saweret fikherek.

HABAKUK 3:8

Tuhan neisena, Hat ha'mage lagali'lago andi re i laut werek andi nen a? Athe, i lagu agai werek andoma nen wene palhendek nogo a? Kuda ba lagaluk weim wagaikharek andi hak Hat hebe ohenaba wagik, kuda nen kereta ba lisogo woginarek weim wagaikharek andi hak pogot muli meneba wagik, isigindik, hagainafuri inomamerinabi wagagin andi.

BILANGAN 34:3

Eil a'ma selatan fikhit huli-huli re o Zin leimo andoma nen hiling-hiling he o Edom huli andomaba. Mo lagai wagarek fikhiren hulire i Laut Mati wurepma selatan fikhit andoma nen he,

ULANGAN 1:1

Wene palek yi mondogat he, at Musa nen afuni Israel mene inom o leimo afuni le'ma o Yordan tonggwe andoma logolik yagaisasikhe mene lisu palek werek. O tonggwe andi re, i Yordan abel o mo liabi wagarek higit kota Paran liakhigik, nen kota Tofel inom, Laban inom, Hazerot inom, Di-Zahab inom, pelakhigik, tulem kota Suf horokhogo andoma.

ULANGAN 3:17

Nen it inaiba mo ubuk ikherek fikhit he mondok tinggi-tonggorogo hilingi'mo esanggo re i Yordan huliba nen ambolkwe re i Galilea yenggelek mene andi huliba, nen a'ma fikhit he i hokho mene Laut Mati huli, nen mo liabi wagarek fikhit he Tom Pisga helang alem kwe andoma huli wogisasikhe.

YOSUA 12:3

Andi nen o Yordan Tonggo mo lagai wagarek fikhit andoma inomat, nen i Galilea yenggele'ma andoma nen eila'ma selatan fikhit he o Bet-Yesimot i Laut Mati a'nogoba nen pikhit mo liabi wagarek huli andoma nen, hiling-hiling Tom Pisga a'ma andoma huliba.

YOSUA 15:2

i Laut Mati a'nogo wurepma selatan fikhiren he,

YOSUA 16:7

Andoma nen he huli walsek mene andi nen pelabek o Atarot en he Naharat huli nen pikhit o Yerikho walingisogo wurep kobokhogo re i Yordan huliba.

YOSUA 3:13

Hobuk it ap imam en Peti Wene Warogo Tuhan nen wo'ninafikhe iluk hilingik a'nogo waluk i Yordan ineisogen sebelhugunem he, i yaga'lasimbik firok igin o. A'nogo firok imbik he, i misi'mo yenggelasimbik logogin o,” iluk yagaisasikhe.

YOSUA 4:22

hiren he, O attak nit afuni Israel mene i Yordan yi firitok isikhemo ial pililirekwe wulibi wagagusik helep wurogo fesugu mene o.

YOSUA 5:1

A'nogo hilinglagaikhemo, afuni nen he, ”Tuhan Allah againafuri Israel mene i palogo wulibi wesuageluk, i Yordan firitokhogo hilingfesikhemo, wulibi wagaikha o,” iluk ugunem afuni Amori mene inogogwi kaindek i Yordan aik yiba mo ubukhogo kwikherek higit welagaukwa mene inom, ap kaindek afuni Kanaan mene inogogwi i Laut Tengah era'lukwe welagaukwa mene mondogat inom, inesanggo holhukwasik he, afuni Israel mene inaleigen inailo agaukwasik, inoagelekwe lei'leik isikhe.

HAKIM–HAKIM 7:22

A'nogo pugulhu kwelek, at Gideon ebe inom, agoromi trompet anethugu werek kwelek, At Tuhan nen selei mene it-it wat-wat asuageluk hilingfisasikhemo, karok oba wat-wat lagaukwa. A'nogo hilingitukwasik pugulogo o Zerera higit yatmaat o Bet-Sita inom, o kota Abel-Mehola o Tabat horokhogo andoma inom lagaukwa.