Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOSUA 3:1 - Allah Wene Fano Wene Hupla Inane

1 A'nogo yagatukwama, ohealekwe re, at Yosua ebe inom, it afuni Israel mene mondogat inom, huberat siakhogo ineluk a'luk he, o Sitim o su mene wutukwaba andoma herakfuluk i Yordan ima wagaukwa. Wagaukwasik, i palogo wulibi logoin oba oan asi wagi'legen nenangoti logolik o su mene andoma wutukwa.

အခန်းကိုကြည့်ပါ။ ကော်ပီ




YOSUA 3:1
16 ပူးပေါင်းရင်းမြစ်များ  

A'nogo yagatikhemo, hubet ohealegat siakhogo at Abraham en he, sumburu inom, iwak wam agap mene hilingik meneba elema hinago mene inom, ebekhalem noageluk Hagar wogetikhesik, eak a'nogo yaruk fesikhesik, ”Lani o,” iluk lakfisasikhe. A'nogo lakfisasikhemo, o andoma herakfisaluk he, o leimo enu Bersyeba andoma ya nogolik ta nogolik nikhi lagaukwa.


A'nogo yagatikhemo, ohealek huberat siakhogo, Abraham en Allah faget warogo nolesugun mene faget e wurogo anggo keledai amboroba homagaisogo fesikhe. A'nogo fesikhesik, amlogo inom, amingmingengge inebe pire inomat, o Allah nen yagatikheba a'nogo lagaukwa.


Haren yi'nogo hilingiti logoino ti'nogo hilingiti logoino iluk isigin mene andi hilingitu mene faget, an nen nenangotu welagi'lek weak-weakhogo nek hilingiti lagi.


”Hun Amon amlogo Yosia a'nogo nen o Yehuda ba oma melalinafu werek kwelek 13 tahun agaikheba nen pikhit yogondak huli 23 tahun welago mene arem oba re, Tuhan nen an noba wene yaganetunem he an nen ekhe herakfigi'lek yagahisugu mondok welagi o, oba nen he hiren futfikhi lagep lek andi.


Nen, ekhe re hiren ogo An namingmingengge nabi hundik-handik hinambit lakfisa waga lagi mene nen yagahisugu mene andoma holhi logogun fano. Oba nen he hiren it inane ugunem he hinesanggo holu hinabit mondok welagep.


An nen hundik-handik hit hinoba ugu welagiba nen, hiren holhu aple hinabit mondok welagep. Hit he weak mene andoma mondogat hilingiti logolik he, An nen wolhinafunem he hinane onggo igi'lek welagep andi.


Nagainafuri e. Hun raja Balak awi Moab mene a'nogo nen hinombawi weagetfisagain iluk hilingitikhemo nen ap Beor amlogo Biliam a'nogo nen onggo yagatikhe mene aremnogo eberek logoino. Nen, o Sitim o tenda meneba wuri'mo welagaukwasigen hobuk o Gilgal o tenda wusuogeluk tulem andoma waga logolik, hilingitukwa mene andi hinendawimo eberek logoino aro. A'nogo eberek logogun halok he, An nen telhinabigin iluk hilingiti lagi mene andi fut fogoin o,” iluk isikhe.


Inunggulenu Israel mene a'nogo o Sitim Tonggoma esanggo fikhit andoma werek kwelek, it ap Israel mene nen hemi o Moab mene inom pailak hilingitukwa.


A'nogo higirinafi lagaikhesik he, nogo isikhesik o wei igeluk ugu kwelek o wigik eluk a'luk wulifikhe. Wulifikhesik he, o leimo afuni le'ma lagaikhesik samban ikhi lagaikhe.


A'nogo yagatukwama, at Yosua nen o Sitim en ap inebe pire mene o Kanaan ineil penesi loageluk inayonggo fuluk wulakfisa wagaikhe. Ap inebe pire andem wulakfisa waga logolik, ”Hinebe hinagaisogo lambik, o Kanaan andoma ebe esin hangge re, o Yerikho andoma hineil fanorogo pene'no o,” iluk yagaisasikhemo ap aremnogo o kota a'nogo wulibi wagaukwasik, he yanani nilik nikhi lagaikhe mene enu Rahab aiba kwisukwasik welagaukwa.


A'nogo nogo isukwasik, ohealek hubet he at Yosua siakhogo eluk agaikhesik it ap imam inom, ap tentara omanogo inom, attak eratukwa higithogo hilingfesukwasik kota walinget hasukwa hakhogo walinget ha lagaukwaat. A'nogo walinget hikhi logolik, it ap tentara omanogo kwe wanhukwama re, it inombo'ne re it ap imam inambinggong lombok anethilik lagaukwama, it inombo'ne re, it ap imam Peti Wene Warogo Allah nen wo'ninafikhe iluk hilingik a'nogo waluk lagunem, it inombo'ne fem hobuk he, ap kagalek mene tentara inambotma lagaukwa. A'nogo laga logolik he, trompet ane futhilik lagukwa.


Linggene sabit meneba re, it inebe hubet mo oan liabi wagu kwelek ineluk agaukwasik inenggi 7 ba o kota a'nogo inebe logalek werek aremnogo higithogo maset hasukwa. Nen linggene sabit mene andiba nek he o kota a'nogo inenggi 7 nen maset hasukwa.


A'nogo yagatikhemo, ohealek hubet-habet he, Yosua nen afuni Israel mene a'nogo inunggulenu lombok inera'lukwe asi wesuageluk yagaisasukwama nen he, it inunggulenu Yehuda mene inoba agaikhe.


Ohealek hubet-habet he Yosua siakhogo menlagaikhesik ap esa logalek mene a'nogo kabogesi wesuageluk yagaisasikhe. Andi nen at Yosua inom it kaindek afuni Israel mene inogogwi omanogo inomen he, ap esa logalek a'nogo woginarek o Ai lagaukwa.


Andi isikhemo ohealek hubethogo re it a'nogo lagaukwasik o Gibea tenda sali lagaukwa.


A'nogo yagatikhemo, nogo uluk hobit hubet siakhogo eluk agaikhesik anggo domba ap ekhe serogo welagarek mene oba fuluk, sungge omanogo waluk he, eisena nen yagatikhe hagat lagaikhe. Lagaikhe re, ap Israel mene weim yabuogoluk ami'mit suphogo sinelogo kwisukwasik,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ