YOSUA 24:9 - Allah Wene Fano Wene Hupla Inane

⁹ A'nogo legetfisasigimo, ap kain Zipor amlogo afuni Moab mene inoe enupogot enu Balak en hit hinoasigiluk isikheat. A'nogo isikhesik, agoromi inayonggo fesikhesik he, ap Beor amlogo Bileam en hit homan hinobagauwagaluk ayonggo lakfisasikhe andi.

YOSUA 24:9 ပူးပေါင်းရင်းမြစ်များ

MIKHA 6:5

Nagainafuri e. Hun raja Balak awi Moab mene a'nogo nen hinombawi weagetfisagain iluk hilingitikhemo nen ap Beor amlogo Biliam a'nogo nen onggo yagatikhe mene aremnogo eberek logoino. Nen, o Sitim o tenda meneba wuri'mo welagaukwasigen hobuk o Gilgal o tenda wusuogeluk tulem andoma waga logolik, hilingitukwa mene andi hinendawimo eberek logoino aro. A'nogo eberek logogun halok he, An nen telhinabigin iluk hilingiti lagi mene andi fut fogoin o,” iluk isikhe.

BILANGAN 22:2

A'nogo wusi wagaukwasik were'ma, afuni ekhe nen he, ”Afuni Israel mene inebe mondok hokhorogo waga logolik, afuni Amori mene weak hilingfisaluk wagaikha o,” iluk isukwama, at ap kain afuni Moab mene inoe raja, enu Balak ap Sipor amlogo andi esanggo holhikhesik he, at ebe inom, afuni at agoromi mondogat inom, ina'manggen hokho mene lagaikhe.

HAKIM–HAKIM 11:17

Andem huli asi wagaukwasik he, iren ap raja o Edom meneba wene lakfei waga logolik at awilokwe anggweang andoma kwe nen logoin nen he, aren fano iluk yaganisoageluk kino aga. andi nen wene misik mene andi re iren ap raja Moab meneba ogo kino agaat, oba nen he aren anggweang kwe andoma nen lani iluk yagaisasikhe lek. Andiba re afuni Israel mene o Kades welagaukwa.

HAKIM–HAKIM 11:25

Haren anggikhi logolik he, at Balak hun Zipor amlogo raja Moab mene a'nogo re weak hangge, nen an enek he fano welagi iluk anggikhi logolik ikhi lagen a? At Balak en ane wurik agik, nit ninom weim yafik igi'lek.