YOSUA 24:23 - Allah Wene Fano Wene Hupla Inane

²³ A'nogo yagatukwama, at Yosua nen he, mel yagaisasikhe: ”Halok he, hiren hunogoat mene afuni inunggulenu amu mene nen, Nineisena ebe andiat, iluk oba himbirik logolik fogeratarek mene hit fisogo welagep andi wulakfisano o. A'nogo wulakfisambik, hiren he, hinen-dawinggen nit afuni Israel mene nineisena Tuhan Allah oba himbiret fuluk oba lombokhogo logoino o,” iluk yagaisasikhe.

YOSUA 24:23 ပူးပေါင်းရင်းမြစ်များ

1RAJA-RAJA 8:57

Tuhan Allah Haren endamat nit ninombalak herakfisigi'lek ferinarek mondok welagagin andi hak, yogondak nit a'nogoat fetninarek mondok logoino o, neisena.

1RAJA-RAJA 8:58

Nit Haren, Yi'nogo hilingiti logoino, iluk ninombalak yagaisasigin mene andi mondogat hane hologo logolik, Hat hendawimo hamolo mene nek hilingiti logouwageluk, ninobabut Hat hoba lombokhogo logolik hilingiti logogun mene hilingninobagakhi logoino o, neisena.

MAZMUR 119:36

An nenggi werek agu mene andi re we sebelek hak hilingik kwelek, Haren yi'nogo hilingiti logoino ti'nogo hilingiti logoino iluk komotninobagasigin mene andi nek hologo hilingiti logogin nen he, nendawimo omamet nobagain o.

MAZMUR 141:4

An nendawimo nen weak hilingisu mene hangge hilingnabi'lago mene andi re, an nelokhoma nen waganogo yatma lakfisikhi logoino. An it ap inobabut kwanirogo hilingiri'lagwi mene ninom sebe'luk, it inaseni isagoma ninom noageluk oboget nea fuk.

MAZMUR 81:10

Hit hinanggele'ma andoma nen allah higit hilingfuluk fogeratu mene ekhe logoinogo o, allah hiren ogo mondok hinonggot mene andomaba apne wanhi logogubo.

KELUARAN 20:23

Halok he hiren, emas mene ogo, perak mene ogo, An Tuhan nebe werek kwelek, amu mene hit hinonggwarek faget alik-alik hilingfuluk, apne wanhik, fogeratik, hilingisu fuk.

AMSAL 2:2

Inendawi wenggelagarek mene andoma eberek logolik he, furogo helu asuageluk ninghogo herati logoino.

HOSEA 14:8

It hobuk inambotkwe noba wesimbik, nawe a'ma logogun. Logolik, inebe gandum yabumo yago mene muli fano agarek andi hak hilinglagik, anggur fano mene yabumo yago welagarek andi hak hilinglagik, e anggur amusu o Libanon mene enu fano lagarek hak inenu yi awi ti awi wialarik lagik, ugun.

YOSUA 24:14

A'nogo yagaisasikhesik, at Yosua nen wene ekhe mel yagaisasikhe: ”Nineisena Tuhan nen a'nogo yaganisasikhe andi. Halok he, yogondak hiren he, at agaukhogo hilingiti logoino o. At amingmingengge a'luk, hinendawinggen misigat logolik, oba lombokhogo mondok logoino o. Ninombalak o Mesopotamia inom, Mesir inom, logolik hunogo mene faget, Nineisena ebe andiat, iluk oba himpirik logolik fogerati lagaukwa andi hangge, andi mene ekhe fogerati'lek, we, nineisena Tuhan amunek amingmingengge a'luk logoino o.