YOSUA 24:14 - Allah Wene Fano Wene Hupla Inane

¹⁴ A'nogo yagaisasikhesik, at Yosua nen wene ekhe mel yagaisasikhe: ”Nineisena Tuhan nen a'nogo yaganisasikhe andi. Halok he, yogondak hiren he, at agaukhogo hilingiti logoino o. At amingmingengge a'luk, hinendawinggen misigat logolik, oba lombokhogo mondok logoino o. Ninombalak o Mesopotamia inom, Mesir inom, logolik hunogo mene faget, Nineisena ebe andiat, iluk oba himpirik logolik fogerati lagaukwa andi hangge, andi mene ekhe fogerati'lek, we, nineisena Tuhan amunek amingmingengge a'luk logoino o.

YOSUA 24:14 ပူးပေါင်းရင်းမြစ်များ

KEJADIAN 17:1

At Abram ebe umur 99 tahun oba, Tuhan elokhoma menlagaikhesik he, mel yagatikhe: ”An Allah nen yi mene ti mene elok hilingisigin enek a'nogo An aro. An nane hologo hilingiti logolik, nendawimo namolo anggigirek mene andiat hilingitu mondok logoino o.

KEJADIAN 35:2

A'nogo yagatikhemo at Yakub agagwi againafuri inom afuni at inom welagaukwa mene omanogo yagaisikhi logolik he, ”Nit he, o yoma nen o Betel lambik he andoma nen he Allah an enggin-fenggin hilingnafunem lebetnafik, yi kwe ti kwe lagunem fetnarek welagik, hilingnafi laga mene a'nogo obaget fogeratuba mezbah wusugun. A'nogo hilingisugun enggere kembu dewa ap pok hinailokwe ekhe werek mene andi mondogat pugunhogo wulakfisigik, hinebe Allah eilhanem wut palogo fakhigik, hinasu weak mene nonggolo fuluk ket mene ikhigik, hilingi'no o,” iluk yagaisasikhe.

2 RAJA-RAJA 20:3

”Yegei, Tuhan neisena, an nen Hat Hoba eberek logolik, nendawinggen hoba lakfuluk tiphogonek hilingitu welagi. An nen he Hat hendawimo anggegendek mene nek hilingiti lagi mene a'nogo ebethan o,” iluk samban isikhesik at Hizkia a'nogo le mondok filirogo agaikhe.

EZRA 9:11

it hamingmingengge nabi omanogo bene nen wo'nisegen mene omanogo herak fogosik hilingitu welagoma o. Kweang nit welagoba andi faget he iren yaganisikhi logolik, afuni mondogat unggut fena nen fenaba werek mene andoma weak mondok mene hilingitik, nalek falek mene nek hilingitik, hilingitunem he kweang andi pugun sek lego, iluk yaganisikhi lagaikha.

AYUB 1:1

O Us andoma ap ekhe enu Ayub welagaikhe. Ap andi ebe Allah ailorogo logolik, oba lombokhogo mondok welagaikhe. A'nogo logolik, wene oba mondok legengge, weak endebat iluk ogo ekhe hilingiti'lek, obabut higit mondok welagaikhe.

AYUB 28:28

At Allah nen afuni inoba ikhi logolik he, ”Inendawinggen kagalek mene andi wo'nisoageluk he, Allah andiat legeisogo fikhi logoni. Nen, futfikhi logouwogeluk he, weak mene andi agaiserogo yatma lakfuluk logoni,” iluk isikhe.

MAZMUR 111:10

Ap sa nen obabut hebelek mene logogin amolo halok he, aren Tuhan oba along anggaluk legeisogo fikhi logogin fano. Nen, afuni At ane hologo nek hilingitarek mene inoba re fanorogo wenggelharek mene wogisikherek. Inenggi mondok-mondok andoma re Tuhan nek fogerati logogun.

MAZMUR 119:1

It afuni nen Tuhan Awene melalek yi'nogo hilingi'no ti'nogo hilingi'no iluk palek werek mene a'nogoba nek hologo hilingiti logolik, inebeba weak mene ekhe hilingiti'lek werek mene andoma re inagaiyek hikhi logouwak.

MAZMUR 119:80

An nenggali asi nogoluk, Haren wene menfegen mene andiba nen an nen taganhogo hilingiti logogin lego.

MAZMUR 130:4

A'nogo meneat he afuni Hat hebe inailorogo, hawe a'ma logouwagaluk inaweak sebelogo leget fisugu mene andi nek he, Haren hamolo welagen andi.

MAZMUR 81:10

Hit hinanggele'ma andoma nen allah higit hilingfuluk fogeratu mene ekhe logoinogo o, allah hiren ogo mondok hinonggot mene andomaba apne wanhi logogubo.

YEHEZKIEL 20:18

Hebekhogo re, ap souge it inanggele'ma welagaukwa mene andoma inoba An nen yi'nogo komorinafigi, ”Hit wene melalek hinambu hinomba lagen melalhukwa mene andoma murok laga logou fugo. It inobabut waganogo hilingiti logolik, tugwi kembu fogerasugun oba hit hinonggwaregen hinebe emerogo fakha fugo iluk komorinafigi.

YEHEZKIEL 23:3

It inebe tugum oba re o Mesir welagaukwa. Andoma nen, tugum nailorogo ap agap inonggot engge welagaukwangge a'nogore obokhogo herakfuluk he hesangge yanani hilingitu mene hilinglagaikha.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

IMAMAT 17:7

It afuni Israel mene halok he hundik-handik Tuhan oba himbirik logolik enek logogun. Nen, hiren we misigam iluk ogo ekhe yi wam ti wam nen yi mene ti mene yabumo warek mene munggwat jin-jin inafe hebelek logolik inanini mondok weak mene iluk inobaget wam warogo fisa fuk. Wene melalek yire fanorogo holfuluk higithogo hilingiti logolik enek logogun.

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.

LUKAS 8:15

Nen, kweang fanoma pisikhe andi ebe re, it afuni ekhe fano wene andi inesanggo holharesik he, inendawinggenma mondok furogo helagaresik herakfigi'lek fisogo logolik, enggen hokho iterek andi aro,” iluk yagaisasikhe.

KISAH PARA RASUL 9:31

A'nogo hilingitukwama hobugen he, it afuni Allah againafuri o propinsi Yudea mene inom, Galilea mene inom, Samaria mene inom, weagerinafi'lek fano liokhogo welagaukwa. Were'ma, Allah Areagun en leberisugunem inendawinggen wurik agik, Tuhan Allah oba inailorogo welagik, ikhi logolik he, inebe hokhorogo sik-pik ikhi lagaukwa.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

EFESUS 6:24

Hit he hinoe Yesus Kristus kobokhogo herakfigi'lek hinendawi hundik logogun mene halok hinebe mondogat he, hineisena Allah obabut fano a'nogo nen fethinarek logouwago.

ULANGAN 10:12

A'nogo yagaisasikhesik ekhe mel yagaisasikhe: ”Hit afuni Israel mene nerugwi nagaila'lak. Yogondak nineisena Tuhan nen he, Hiren yi'nogo hilingiti logoino, iluk yagahisili'logo mene andiat hilingiti logoino o. Nineisena Tuhan Allah agaugweratik, Aren, Yi'nogo hilingi'no, ti'nogo hilingi'no, iluk komotninabi'logo wene andi mondok higithogoat hiligitik ikhi logolik, hinebe hinendawinggen hinobabut misigat a'luk, nineisena Tuhan hinendawinggen mondok hundik logolik At faget hilingiti logoino o.

ULANGAN 18:13

Arigini'mo re hit hinendawinggenma nen hineisena Tuhan Allah oba tiphogo hilingiti logolik fogerati logoni.

ULANGAN 6:13

At nineisena Tuhan Allah agaukhogo fogerati logolik, At faget enek hilingiti logoino. Nen, hombuk paluogeluk halok he, At enuba nek palhi logoino o.

FILIPI 1:10

Hit a'nogo futfuluk hilingiti logogun halok, hinendawimo nen he: ”Yi fano hilingisu mene,” igik: ”Andi weak hilingisu lek mene,” igik, futfikhi logogun andi. A'nogo hilingisugun halok, Kristus wesigin andi sambul wene hinoba lekhogoat, fano tegelek were'ma wesigin andi.

YOSUA 24:2

Wagaukwama, at Yosua nen it mondogat mel yagaisasikhe: ”Nit afuni Israel mene nineisena Tuhan nen ikhe mene andi, hit hinesanggo fanorogo holino o. At nineisena Allah nen he mel yagahisikhe: Attagat hit hinombalak welagaukwa andem oba re, it inebe o i Efrat aik eliba andoma logolik, hunogoat mene faget, Nineisena ebe yiaro, iluk oba himbirik logolik fogerati lagaukwa. It ap andoma mene ekhe re, Abraham agot Nahor emberek ineisena enu Terah andi.

YOSUA 24:23

A'nogo yagatukwama, at Yosua nen he, mel yagaisasikhe: ”Halok he, hiren hunogoat mene afuni inunggulenu amu mene nen, Nineisena ebe andiat, iluk oba himbirik logolik fogeratarek mene hit fisogo welagep andi wulakfisano o. A'nogo wulakfisambik, hiren he, hinen-dawinggen nit afuni Israel mene nineisena Tuhan Allah oba himbiret fuluk oba lombokhogo logoino o,” iluk yagaisasikhe.

1 SAMUEL 12:14

Hit inom, hinoe raja yi inom, nineisena Tuhan Allah legeisogo fikhi logolik, At ebe agaukhogo hinebe At amingmingengge hilinglasimbik, aren komothinafikhe wene andi sagalogo herakfisigi'lek hologo hilingiti logogun halok he, hinendawimo hinagaiyek hikhi logogun o.

1 SAMUEL 12:24

Hit he, nineisena Tuhan agaukhogo, hinendawinggen misigat a'luk, hinebe at oba lombokhogo amingmingenggeat logolik, At faget enek hilingiti logoino o. Aren hit faget mondok hokhorogo hilingite mene andi eberek mondok logoino o.

1 SAMUEL 7:3

A'nogo yagati lagaukwama, at Samuel en he, mel yagaisasikhe: ”Hit nineisena Tuhan oba hinambotkwe wesimbik, hinendawinggen misik a'luk Arenek fogerati logogun halok he, afuni endakwe mene inandugwi kembu he mene enu Asytoret andi oba fogerati lagep mene andi herakfisaluk, hinebe nineisena Tuhan amuat wogo'no o. At faget enek hilingiti logogun halok, hit hinebe afuni Filistin mene nen fethinarek werek andi Aren telhinabigin o,” iluk yagaisasikhe.