YOSUA 24:12 - Allah Wene Fano Wene Hupla Inane

¹² A'nogo fisasigimo, hiren it inoasuogoluk lagunem he, An nen it inobabut nonghonget fisigik, inailo asuagaluk hilinginafik isigimo, afuni Amori mene inogogwi raja inebe pire andi hinoba nen heise lagaukwa andi. Hit hinenggarok inom, hinasikhe inom, werek andi nen hinomame agagip fuk. Lego.

YOSUA 24:12 ပူးပေါင်းရင်းမြစ်များ

MAZMUR 135:11

Ap Sihon Amori mene inoe raja a'nogo inom, hun Og o Basan mene inoe raja a'nogo inom, nen it raja-raja ekhe o Kanaan oba welagaukwa mene omanogo inom inoatikheat.

MAZMUR 80:10

Yabu tagalharek hak, it inebe mugisogo wulakfisasigindik, inobali'mo nit ninobagasiginmo re, e omanggen kweangma ninghogo pelakfuluk enggi talogo lagarek andi higit, nit o yi awi ti awi mondok sagarek welagorek andi o.

MAZMUR 80:9

It Hagainafuri andi re e anggur awi hangge o Mesir en waganogo fisa wagagin andi. A'nogo wo'ninarek wagagindik he, afuni inunggulenu hunogo mene ekhe were'ma, Haren mugusogo wulakfisasigindik he, nit ninebe o andoma e awi yatarek andi higit, ya'ninobagasigin andi.

KELUARAN 23:28

Hinaselei mene andoma An nen inendawinggen nong-honget fisagain. An nen hit hinaselei mene inanggele'ma andoma eluk-elugengge aik palinafarek mene inendawinggen nong-honget isoageluk lakfei wesigin. Hit loageluk he, An nen afuni inunggulenu Lewi mene inom, Kanaan mene inom, Het mene inom, andoma hit hinelokhoma nen mugisogo wulak fisagain.

KELUARAN 23:31

O andoma hit hinanggweang eise asumo logobagaigeluk An nen huli-huli watfesigi menere; I Laut Teberau nen pikhit I Laut Filistin oba nen o leimo afuni le'ma andoma nen i Efrat huliba andoma. Afuni kweang andiba werek mene andoma hiren mugisogo wulak fisoageluk An nen hit hinomame wokhisamo, hit hinebe kweang andi helikhi logolik andoma hiren it mugisogo wulaginabugun.

BILANGAN 21:31

A'nogo hilingitukwasik he, it afuni Israel mene a'nogo o afuni Amori nen meneba andoma femhogo welagaukwa.

BILANGAN 21:32

Andi nen, Musa nen ap lakfisikhi logolik o kota Yaezer andoma koma kwe nen inoasi kugun iluk kwe herasi loageluk lakfisasikhe. A'nogo hilingitukwasik it Israel mene nen he kota a'nogo inom nen fena kota endep-endebengge mene era'lukwe werek mene inom sebeli kwisukwasik he, afuni Amori mene o andoma werek mene omanogo mugusogo wulaginafukwa.

ULANGAN 31:4

Wokhinarek kumo At nineisena Tuhan nen, ap kaindek afuni Amori mene inogogwi inenupogot Sihon inom, Og inom, inebe mabenetfisambik inoati logolik, inawi inomat wulil tagalogo legetfisasikhe a'nogo hak, afuni inunggulenu andoma mene mondok wulil tagalogo legetfisagain aro.

ULANGAN 4:47

Iren o kweang at raja Sihon agun nen mene inom, raja Og awi Basan agun a'nogo nen mene inom, ap raja Amori mene misik amu mene i Yordan fena mo liabi wagarek fikhit andoma welagaikhe agun a'nogo nen mene fesukwa.

ULANGAN 7:20

Nineisena Tuhan nen a'nogo hilinginafunem inailo nen hesangge-pesangge pugulhi logolik, it ekhe hinagaiserogo hina'lasi logoin mene re inebe alomat lasugun aro.

YOSUA 2:10

At hineisena Tuhan nen hit hinebe o Mesir en wulibi wesuogeluk wagunem, hinelokhoma i laut enu Yobin yenggelek mene firokhogo fesikhe a'naga abok ninesanggo holhugu o. Nen, hiren afuni Amori mene inogogwi inenupogot inebe pire Sihon inom, Og inom, o i Yordan aik eliba mo yegelogo liabi wagarek higit a'lima nen inoatigip a'naga hinabok ninesanggo holhugu aro.