YOSUA 23:9 - Allah Wene Fano Wene Hupla Inane

⁹ Afuni inunggulenu inomame hokhoat mene omanogo re, At Tuhan nen hit faget mugusogo wulak fisasikhe, it mene andoma nen ap misigen ogo hit hinom weim yabugun mene ekhe werek lego.

YOSUA 23:9 ပူးပေါင်းရင်းမြစ်များ

1RAJA-RAJA 21:26

At Ahab he, tugwi kembu inabit mene, afuni Amori mene Tuhan nen it Israel mene o Kanaan woginarek kwi waga logolik, mugusogo wulakfisasikhe mene omanogo nen hilingiti lagaukwa hak, mondok weak hilingiti lagaikhe andi.

2 TAWARIKH 20:7

Nit nineisena Allah re we Hat hamu nek welagen. Hat hagainafuri inunggulenu Israel mene o kweang yomaba wagunem aremnogo re, Haren afuni o yoma welagaukwa mene omanogo mugusogo wulakfisasigin. A'nogo wulakfisasigindik he o kweang yi at Abraham Hat hare a'nogo ambisangma mene hundik-handik mondok-mondogat andoma it inangge a'luk logouwageluk wogisasigin.

KELUARAN 23:23

Andi re, An nagot malaikat hit hinelokhoma ebekhalem wokhinarek laga logolik, hit it afuni Amori, Het, Feris, Kanaan, Hewi, Yebus, mene inawilokwe andoma wokhinarek lamo, An nen mondogat legetfisagain.

KELUARAN 23:30

An nen it inebe minggilhigik endep-endep wulaginafunem he, hit hinebe kweang andiba higithogo logogun.

KISAH PARA RASUL 7:45

A'nogo wurik nikhi lagaukwasik, iren tagongge mene Yosua inomen o su mene wurik andi meisalogo waluk he, afuni nit ninaiba yoma were'ma Allah nen mugisogo wulakfisasikhemo inanggweang sebeli kwi wagaikhasik, o su mene andi wusi kwi wagaukwa. Wusi kwi wagaukwa andi sambul o su mene andiat wurik welagaikhesik he, huli Daud eluk welagaikhe andi huli wurik welagaikhe.

ULANGAN 11:23

Hiren a'nogo hilingiti logogun halok At hineisena Tuhan nen it inunggulenu inap mondogat omanogo hit hineilhanem mugusogo wulaginafunem, hit hinebe it afuni inunggulenu hit hak mene re lek, we ap inebe mondok hokho mene re inomame werek inap andi inanggweang oba logogun.

ULANGAN 7:24

It hinaselei mene andi inogogwi kaindek inenupogot inebe hinenggiba hinobagaumo, hiren it inebe inoasumo re, inenu mondok hinonggot asumo eberek logogun mondok lego. It inebe mondogat hiren inoasugun andi. Ekhe misigat halok eluk logolik, hit hinoasigiluk weim abok ekhe igin mondok lego.

YOSUA 1:5

An nen attak Musa serogo mondok welagagi andi hak, hat herakhobagagi'lek setharek mondok logogin andi nen he, afuni ekhe nen hat mabenet hobagagun mondok lego.

YOSUA 15:14

At Enak andi ambisangma mene re ap Sesai inap inom, Ahiman inap inom, Talmai inap inom welagaukwa mene, at Kaleb en he it ap andoma mondogat o Hebron nen mugusogo wulak fisasikhe.

YOSUA 23:5

Hiren ambi afuni inunggulenu andi mene hinom weim yabi logoin halok he, At Tuhan Allah hit hineisena a'nogo nen wene warek hit hinoba yagahisikhe hakhogo re, afuni andoma wirigi warogo liak inabugun, nen hiren it inoarik logoin halok he it inebe hit faget inailo nen heise logoin o.

YOSUA 23:8

Hiren o attagaren At obaget hilingiti lagep mene a'nogo re, yogondak huli nen ogo hinaberali agi'lek hineisena Tuhan oba tiphogo nek hilingitu mondok logogun.

YOSUA 24:18

Nen, hobuk nit o yoma kwi wagunem, Tuhan nen it afuni inunggulenu Amori mene yoma welagaukwa mene mondogat mugusogo wulakfisasikhe andi. Halok he, nit nineisena Tuhan Allah Ebe At amuat andi nen he, nit At amingmingengge logogun o,” iluk yagatukwa.