YOSUA 23:7 - Allah Wene Fano Wene Hupla Inane

⁷ A'nogo hilingiti logogun oba re, hiren ap inunggulenu hit hinanggelek kwe werek mene oma hinom, nanggelek hanggelek hilinglasugun lek. Hiren he it afuni andoma inanggembu dewa enu ikhi logogun legat, athe andi enu ba hombuk palhi logogun legat. Ekhe kembu ekhe alek mene andomaba hiren hinelokhe sagaum fogeratik, obaget hilingitik, ikhi logogun mondok legaro.

YOSUA 23:7 ပူးပေါင်းရင်းမြစ်များ

2 RAJA-RAJA 5:18

A'nogo meneat he, an nebe noe raja era'lu welagimo re, at ebe afuni Siria mene inandugwi kembu enu Irimon faget samban igiluk nemberek ninenggi senegaisogo lambik, nineindep awi yakfogoin halok, nineisena Tuhan nen an hilingisigin mene andi sagalogo legetfisikhi logouwago, noe,” iluk yagatikhe.

2 TAWARIKH 7:19

Oba nen he hat inom it afuni hagainafuri holhu mene andoma inom, An nawene melalek werek mene a'nogo sagalogo herakfuluk tugwi kembuba nen allah ap-ap hilingfuluk fogeratarek mene omanogoba fogerati logogun halok he,

MAZMUR 16:4

Afuni ekhe nen, tugwi kembu fogeratu werek mene andi re inendawimo heiselek mene ekhe inomat heisel aga logouwak. An he yi mene ti mene tugwi kembu faget waretu aple re nabit, nen it inenu hombuk palhu aple ogore nabirat.

KELUARAN 20:5

An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

KELUARAN 23:13

Yi wene ti wene An nen hit yagahisigi mene andoma mondogat fut feino. Hiren kembu ilah alek mene apne wanhi logou fuk, nen enu ugu aple ogore mondok wesa,” iluk yagaisasikhe.

KELUARAN 23:33

Hiren it inanggembu ilah andoma fogeratik, An neilhanem weak hilingitik, hilingitep hanogo re afuni andoma hit hinanggweang oba andoma logouwageluk ekhe herakfisa fuk. Nen hiren ambi it inanggembu andoma oba apne wanhi logogun halok he, hit hinebe warugu mene a'nogo webse'ma ke'nok ikhi logogun,” iluk yagaisasikhe.

AMSAL 4:14

It afuni inobabut weak hilingiri'lagwi mene nen hilingiri'lagwi andi hakhogo hilingisu fuk, nen it inobabut waganogo hilingisu fugat.

YEREMIA 12:16

Iren ambi inendawinggenma nen eberogoat iluk wene An nagainafuri nen An fogetnafi logolik hilingiri'lagwi mene a'nogo waniluk, iren An Tuhan neluk mondok welagi mene a'nogo nenuba hombuk palogo, attak iren An nagainafuri inoba yanggulinafi logolik Baal oba hombuk palini iluk yagaisikhi lagaukwa hak, An noba a'nogo hilingitu halok he, it andi ogo An nagainafuri mene inom sebere'ma it ogo inenggi werekhogo logogun.

YEREMIA 5:7

Tuhan nen ikhi logolik, ”Nenahalok An nen nagainafuri inaweak lek hilingisogo fisagain nogo? Iren he An oboget nealuk allah eberogo lek mene omanogo apne wili'lagwi andi. An nen it inamburu nunggu mene wogisugunem it inoba homorogo ninggi logolik meneat he, iren babi hilingitik, nen uang saburouwogeluk hesangge yanani hilingirik nikharek mene omanogo inambit lagik, hilingiri'lagwi andi.

HOSEA 2:17

Afuni nen tugwi kembu Baal andi enu ugu mene inonggorasuageluk he, An nen at oba Baal enu ikhi logou fugo, iluk yagasigin.

ZEFANYA 1:5

Afuni ekhe nen o tum oba lagaluk mo inom hesagalenggen inom apne wanugun iluk lagagarek mene andoma re An nen mondogat nenggi sabul horogo herakfisagain. Nen, ekhe it afuni nen An napne wanhik, tiphogo hilingiti logogin iluk inane hombuk palhik, ikhi logolik oba nen iren kembu dewa Milkom enu igisogo hombuk palharek mene andoma re An nen mondogat legetfisagain aro.

BILANGAN 32:38

Nebo inom, Baal-Meon inom, Sebam inom andoma wutukwa. O kota-kota ambotkwe wutukwa mene andoma re, iren enu amu mene salhukwa.

BILANGAN 33:55

Meneat he, afuni o kweang andiba werek mene andoma hiren pugulogo wulak fisogoin lek halok he, afuni o andoma logogun mene nen he hit hinoba eluk-elugengge ineilenggenma kugunem hilingitarek higit hilinghinafik, nen alok ineiso'ma kugunem hilingitarek higit enggin-fenggin hinoba figik ikhi logogun o. Iren he hit hinom weim yafi logogun.

1 KORINTUS 15:33

Afuni nen ikhi logolik: ”It ekhe inobabut weak mene hinom hunisugun halok he, hit hinobabut fano mene weak asigin o,” iluk agarek andi eberogoat iluk, hinonggwaregen hinebe lalagubo.

EFESUS 5:11

It o mum oba logolik he, fanorinabigin lek mene weak hilingiri'lagwi mene andi re, hinom lambukhogo hilingiti logogun lek. Athe, a'nogo hilingitunem fakhogo wenagisikhi logoino.

ULANGAN 10:20

Hiren he, nineisena Tuhan Allah agaugwerati logolik, At faget enek hilingiti logoino o. Hit hinebe At amu nek oba lombokhogo logolik, At enu nek hombuk palhi logoino o.

ULANGAN 6:13

At nineisena Tuhan Allah agaukhogo fogerati logolik, At faget enek hilingiti logoino. Nen, hombuk paluogeluk halok he, At enuba nek palhi logoino o.

ULANGAN 6:14

Afuni inunggulenu hunogoat mene o hit logogun oba andoma hinera'lukwe mene nen, Nineisena ebe andiat, iluk hunogo mene fogeratarek mene andi, hit ekhe fogerati logogubo.

YOSUA 23:12

Nen, hiren At oba tiphogo hilingiti'legengge ap inunggulenu hit hinanggelek kwe welagaikharek mene hinom agaum fagaumhogo hilingitik, nen hiren it hinom wok-wok agik, hilingiti logogun halok he,

YOSUA 23:8

Hiren o attagaren At obaget hilingiti lagep mene a'nogo re, yogondak huli nen ogo hinaberali agi'lek hineisena Tuhan oba tiphogo nek hilingitu mondok logogun.