YOSUA 23:3 - Allah Wene Fano Wene Hupla Inane

³ Hit hinalisikhogo hineisena Tuhan Allah nen yi ekhe mene ti ekhe mene afuni inunggulenu mondogat yomaba hilingfisasikhe mene hiren mondogat hikhi lagep. Hit hinobaget hilingite mene re At hineisena Tuhan Allah amu nenat hilingite o.

YOSUA 23:3 ပူးပေါင်းရင်းမြစ်များ

KELUARAN 14:14

Hiren ekhe hilingisugun mondok lego. We, nineisena Tuhan ebe ninebikhit asimbik inoasigiluk hilingisigin werek o,” iluk yagaisasikhe.

KELUARAN 19:4

”Hit he, An nen afuni Mesir mene inoba hilingfigirik, hit hinebe sue rajawali nen eagwi ogolabi amboloba woginarek lagarek andi hak, An nomame hokho meneba An noba yoma hinobagai wagi andi hineilenggen arat hegebo.

YEHEZKIEL 20:28

An nen it woginarek kweang mondogat wene warisasigiba omanogo wagagi. Mo re, iren punu-punu uan mene inom, e hokho mene wilibikwe inom hilik laga logolik omanogo fogerati logolik, obaget warogo erokwe andoma nolhi lagaukwa. Iren An nanini kwelaknafi lagaukwa andi re i anggur agai inom, kembu endawimo agaiyek hoageluk warogo noletungge inom, omanogo nolhi lagaukwa andiba na'mage lagasigi.

MALEAKHI 1:5

A'nogo ugunem, it afuni inunggulenu Israel mene nen ineilenggen nen tomok haluk he, iren mel ikhi logogun: ”Yago, Tuhan andi re, Omame Mondok Hokho mene o, nit afuni Israel mene inom it ekhe yatkwe welagaikharek mene inom mondogat he, At omame a'ma nek welago higi o,” iluk ikhi logogun.

ULANGAN 1:30

O Mesir en inom, o leikwe nen inom, hilingitunem hineilenggen hasigip a'nogo hakhogo hineisena Tuhan Allah nen hit hinobaget nomamerogo hilingiti logolik wokhinarek laga logogin.

ULANGAN 20:4

Hit hineisena Tuhan Allah At hit hinom laga logolik lebethinafi logogin, Aren enek hit hinalong asuageluk hilinghinobagagin,’ iluk yagahisikhi logogun.

ULANGAN 4:9

Hit hineluk logolik, wene hilinglagunem hineilenggen tomok hegep mene andi hinendawimo eberek mondok logoubagaigen he, wene yagahisigi mene andi fanorogo futfembik he, hinendawimo eberek mondok logoino o. A'nogo logolik he, hiren hinagainafuri inom, hinombalak inom, wene hilinglagaikhe a'nogo mene yagaisikhi logoino o.

ULANGAN 7:17

Hit hinendawimo nen he, afuni inunggulenu lombok andi inebe mondok hokhorogo werek andi nen he, niren mugisogo wulakfisogoin he elo'lek anggikhi lageba.

ULANGAN 7:24

It hinaselei mene andi inogogwi kaindek inenupogot inebe hinenggiba hinobagaumo, hiren it inebe inoasumo re, inenu mondok hinonggot asumo eberek logogun mondok lego. It inebe mondogat hiren inoasugun andi. Ekhe misigat halok eluk logolik, hit hinoasigiluk weim abok ekhe igin mondok lego.

YOSUA 10:14

At nineisena Tuhan nen afuni inendawimo inamolo mene inane hologo re, ebe afuni Israel werekwe agaikhesik weim yafunem, o inenggi misik sambul a'nogo hilingitikhe andi hangge re, o attak he a'nogo ekhe hilingitikhe lek, nen hobuk a'nogo ekhe hilinglasigin legat mene, we andi sambul hilinglagaikhe andiat.

YOSUA 10:42

Afuni Israel mene ineisena Tuhan he, it inebikhit a'luk it inobaget weim yabik lagunem a'luk he, we misigam weim yabik lagu meneba re, at Yosua nen raja-raja andoma inomame legaphogo fisasikhesik o it inomame a'ma welagaukwa mene omanogo telogo helasikhe.

YOSUA 23:10

Hit hineisena Tuhan Allah a'nogo nen wene yagahisikhe mene higithogo re, Aren hit hinobaget weim yafunem he ap hit hinanggele'ma nen he ap mondok hokho-pokhorogo mabenet fisikhi logogun o.