YOSUA 23:16 - Allah Wene Fano Wene Hupla Inane

¹⁶ Hineisena Tuhan Allah nen wene melalek hiren hologo hilingiti logouwageluk yagahisikhe mene a'nogo sagalogo fuluk, hiren ambi tugwi kembu amu meneba obaget hilingisi lagik, kembu andoma apne wanhik, hilingisugun halok he, Tuhan anini hinoba fembik wene hinoba fagain o. Linggene misik oba nek hit hinebe mondogat o kweang fanoma hineisena Tuhan nen hit wokhisikheba oma nen legethinobagagin o,” iluk yagaisasikhe.

YOSUA 23:16 ပူးပေါင်းရင်းမြစ်များ

1RAJA-RAJA 14:15

Tuhan en it Israel mene wene inoba feigiluk werek andiba re, kem-kem i agumkwe wulibik logolik louk-lagengge hilingiterek hak hilingiri'lagwi andi. It afuni Israel mene nen kembu dewi Aserah a'nogo alik waganogo wuta andiba re Tuhan a'mage kwelafunem o kweang fanoma wogisasikheba yoma nen felelenghogo woginarek i Efrat abel fena fikhit a'lima hesangge-pesangge hilingfisa lagain o.

1RAJA-RAJA 9:6

A'nogo meneat he, hat hebe nen inom, haren tagomangge mene nen inom, An nebe hinambotma nobagaluk, An nen yi'nogo ti'nogo hilingiti logoino, iluk komothinafigi mene andi nane hologo hilingiti'lek herakfisaluk hunogo mene ekhe fogerati logogun halok,

1RAJA-RAJA 9:7

An nen hit nagainafuri Israel mene o wokhisasigiba yoma nen mugisogo wulakhinobagambik he, o An faget hilingitu mondok logogun oba nawi wurogo nobagegen mene yi, nebe welagi'lek herakfisaluk wulibigin o. A'nogo herakhinobagaumo re, afuni ekhe o yi awi ti awi nen hit Israel mene inendawimo seramet hinobagaluk, endo yakhinafi logogun o.

2 RAJA-RAJA 17:7

It afuni Israel mene re ineisena Tuhan Allah nen raja Mesir mene inenggimo nen fikhalogo wulakfisa wagik, o kweang andiba nen woginarek wulibi wagik, hilingitikhe mene a'nogoba weak hilingitukwama o Samaria a'nogo ap alek mene inenggiba agaikhe andi. Iren he kembu ilah amu mene fogerati logolik he,

2 RAJA-RAJA 24:20

It afuni Yerusalem welagaukwa mene inom, Yehuda welagaukwa mene inom, Tuhan a'mage inoba fikhi lagaikhe andi nen, Aren it faget ekhe ebeti lagaikhe lek andi.

YESAYA 24:5

Afuni nen Allah ane sagalogo fagarek andiba inom, nen iren At Tuhan inom wene mondok-mondok logogin mene faget watukwa mene a'nogo taganhogo hilingiri'lagwi andiba inom, andi nen iren wene melalek werek mene a'nogo taganet fili'lagwi andiba inom kweangma amben mondok weak mene sang igin.

YEREMIA 32:23

Oba nen he it o kweang yiba sebeli kwi wagaukwasik logolik, iren Hat hane ugu mene omanogo hologo hilingiti lagaukwa lek. Haren yagaisugu mene andoma mondogat he iren we misikhogo iluk ekhe hilingiti lagaukwa legat. Andiba re yogondak he Haren yi enggin ti enggin inoba lakfei waga lagen yi o.

YEREMIA 32:24

Ap Babel inaben he o kota sebeli kugun iluk leget pa'leget maserogo wanhasik he yogondak it pin kwili'lagwi. Weim en inom, sumburu ouwagen inom, ou amben weak meneba nen inom inoba foumo inomame legasumo re o kota yi it inenggiba asigiluk werek. Haren hane egen mene omanogo mondogat tiphogo nek hilinglarik lagunem yogondak Hat heilenggen enegat hikhi lagen andi o, neisena.

BILANGAN 33:56

Hiren it pugulogo wulak fisogoin lek halok he, An nen hit hinebe it faget hilingiri'lagwi iluk An Nane igi higithogo hinebe leget hinobagagin.” iluk yagaisano iluk wogetikhe.

ULANGAN 17:3

At awene melalek a'nogo inom sagalogo fuluk amu mene faget allah ap-ap hilingfuluk fogeratik, obaget hilingitik, hilingite halok inom, mo, tugi, hesagalenggen fogerate halok inom he,

ULANGAN 28:15

A'nogo yagaisasikhesik ekhe yagaisikhi logolik, ”Ariginik oba nen he, hiren hineisena Tuhan Allah ane hologo hilingiti'legengge, awene melalek inom, yi'nogo ti'nogo hilingi'no iluk yagahisikhe mene a'nogo inom tiphogo hilingiti'legengge hilingiti logogun halok he homan ugu mene hinoba asi waga logogin:

ULANGAN 6:15

At nineisena Tuhan Allah nit fetninarek mondok welagarek mene a'nogo obabut he, afuni ekhe nen, hunogoat mene faget, Nineisena ebe yiat, iluk agarek mene andi, inendawinggen oba himbiretfuluk fogerasu abit mondok anggikherek andi nen he, hiren, Nineisena ebe yiat, iluk hinendawinggen hunogoat meneba himbiretfuluk fogerati logogun halok, At nineisena Tuhan Allah a'mage endu higit hinoba fembik, hinebe mondok legethinabigin o.

HAKIM–HAKIM 2:20

A'nogo welagaukwa andi nen he, at Tuhan a'ma kwe het-perisikhesik he, mel isikhe: ”An nen it yi inombalak yagaisikhi logolik, wene An nen warogo woginafigi wene andi kofologo herakfanhi'lek ninom hundigat logouwok, iluk yagaisasigi. A'nogo yagaisasigimo ninom hundigat welagagu meneat he, it hobuk mene yi, wene warogo woginafigi mene andi kofologo herakfanhasik, An nen, yi'nogo hilingiti logoino, ti'nogo hilingiti logoino, iluk yagaisasigi wene andi sagalogo hilingiri'lagwi andi.

1 SAMUEL 12:25

A'nogo meneat he, hit inom, hinoe raja inom, weak enek hilingirik laga logogun halok he, hinebe wolelenggen tagalogo leget hinobagagin o,” iluk yagaisasikhe.