YOSUA 23:12 - Allah Wene Fano Wene Hupla Inane

¹² Nen, hiren At oba tiphogo hilingiti'legengge ap inunggulenu hit hinanggelek kwe welagaikharek mene hinom agaum fagaumhogo hilingitik, nen hiren it hinom wok-wok agik, hilingiti logogun halok he,

YOSUA 23:12 ပူးပေါင်းရင်းမြစ်များ

KEJADIAN 2:24

A'nogo hilingitikhe andi nen he, aben ineisena inagaisa herakfisaluk, inagagwi inom fano logolik, inebe pire meneat he, misik a'luk logouwago.

KEJADIAN 34:3

A'nogo nogosukwaba nen he, hele Dina andi faget endawinggen nasikhemo, abo a'nogo nen hele andi endawinggen noageluk ninghogo hilingitikhe.

1RAJA-RAJA 11:2

Tuhan nen it afuni Israel mene inoba yagaisikhi logolik, ”Hiren hemi inunggulenu amu mene hinom wok-wok asu fuk, it andi bene nen hit Israel mene kembu ilah amu mene fogerati logouwageluk hilinghinobagagun enggere,” iluk yagaisasikhe. Oba nen at Salomo nen he hemi endakwe mene andoma woginafikhe andi.

1RAJA-RAJA 11:4

at ebe yaman agaikhemo re it agagwi omanogo nen endawinggen kagalogo kembu ilah omanogo fogerati lagaikhe. Salomo eisena Daud he Tuhan Allahba endawinggen tipsek welagaikhe, oba nen he at amlogo Salomo re eisena higit welagaikhe lek.

MAZMUR 125:5

Oba nen he it afuni lalogo hilingitarek mene inom, it afuni kwanirogo hilingitarek mene inom At Tuhan nen unggum inoba fagain logouwak. It afuni Hat hagainafuri mene omanogo inebeba fanorogo nek logouwak!

MAZMUR 36:3

Aren anggikhi loglik he an enek he nalong werek nagun welagi anggikherek, andiba re aren aweak hilingiterek mene a'nogo oba ebeterek lek, nen at aweak faget abit anggikherek legat.

YESAYA 1:4

Hit he weak mondok hokhorogo hilingitu welagep andiba re weak anggele'ma kwegepsik welagep andi, hinobabut he nonghongsek logolik hinobaharo mondogat weak. Hiren hineisena Allah Horek Mondok werek mene a'nogo oba fogeratu logou mene a'nogo re hinambot woge'luk hineisena Tuhan a'nogo ninabit iluk herakfisasigip andiba re alomat lakhouwogeluk welagebo.

YEHEZKIEL 18:24

Oba nen he, ap fano meneba nen fano hilingiti lek engge weak hilingitu mene eroratik, ap kwanirogo hilingitarek mene nen ina'meilorogo hilingitarek mene omanogo hakhogo hilingitik, ikherek mene andi re eluk logogin anggegen? Lego! Aren obabut fanorogo hilingiti logogin mene aremnogo tem misik hogoluk ekhe ebet hagain lek. At andi re An noba tiphogo welagi'lek weak mene nek hilingiti logogin andiba re at ebe wa'lasigin.

ZEFANYA 1:6

It afuni an nambit wagi'legengge nen, An noba, ’Yi'nogo yaganisoageluk’ kino yaganeti legengge hilingitik, An nombo'ne lagi'legengge hera'nobagaluk lagik, agarek mene andoma re An nen mondogat legetfisagain o,” iluk yagaisasikhe.

MATIUS 12:45

hobuk ambotkwe wulibi lagaresik, munggwarengge ekhe inobabut at obabut hangge lek. Athe, inobabut mondok weak mene inebe 7 nen, inayonggo lagaresik, woginarek o a'nogo kwi wagaresik, ap andi endawimo kwagaresik welagaikharego. A'nogo kuluk were'ma re, ap andi attak he, obabut fano hak welagaikhe meneat he, hobuk obabut mondok weagat hilinglagarek. Andi hak he, hit afuni o yogondak ya hinobabut mondok weak hilingiti lagep mene yi a'nogoat hilingisugun o,” iluk yagaisasikhe.

YOHANES 6:66

Wene a'nogo ikhi lagaikhemo, at agoromi ane wanhi lagaukwa mene omanogo, inebe hokhorogoat ekhe Yesus herakfisaluk pugulhukwasik he, hobuk ombo'ne nikhi logouwogeluk, oba wagi'lek kamo isukwa.

ROMA 12:9

Hit hinendawinggen oba nenat afuni ekhe hinendawirogo logoino o. Weak mene hinabit mondok logolik he, fano mene hinenggi ninghogo fisogo logoino o.

ULANGAN 6:15

At nineisena Tuhan Allah nit fetninarek mondok welagarek mene a'nogo obabut he, afuni ekhe nen, hunogoat mene faget, Nineisena ebe yiat, iluk agarek mene andi, inendawinggen oba himbiretfuluk fogerasu abit mondok anggikherek andi nen he, hiren, Nineisena ebe yiat, iluk hinendawinggen hunogoat meneba himbiretfuluk fogerati logogun halok, At nineisena Tuhan Allah a'mage endu higit hinoba fembik, hinebe mondok legethinabigin o.

ULANGAN 7:3

Iren he, hit hinagainafuri nineisena Tuhan inom hundik mene kofologo herakfisaluk, iren, Nineisena ebe yiat, iluk, it mene fogerasuageluk yagaisikhi logoinogo nen, hiren it ina'logomi mene woginafik, iren hit hina'logomi mene woginafik, ikhi logogun mondok lego. Hiren, tugwi kembu andi fogerati logogun halok, nineisena Tuhan a'mage hokho mene lagambik he, hit hinebe weak-weagat legethinobagagin o.

YOSUA 23:11

Arigini'more, hit hineisena Tuhan Allahba henendawi hundik hilingitu mene faget eberek mondok lagoino.

1 YOHANES 2:9

Nen, ap sa nen, ”An nebe selek oba welagi,” iluk ikhi logoligat he, erugwi agaila'lak abit halok he, o fagearen pikhit yogondak ya, at ebe mum oba werego.

HAKIM–HAKIM 14:3

A'nogo yagaisasikhe meneat he, iren he, yi'nogo yagatukwa: ”Hemi nit ninonggwarek mene ogo? Ekhe nit ninunggulenu Israel mene ogo, elok woginabu meneat he it afuni Filistin mene inebe Tuhan inonggot mene inagainafuri woginabi lagain iluk ikhi lagen omare nenahalok?” iluk yagatukwa. A'nogo yagatukwama, at Simson nen he, eisena mel yagatikhe: ”A'nogo egen meneat he, an nagwe Filistin mene andiat namolo nen i'ne'nogen iluk yagaheti o,” iluk yagatikhe.

HAKIM–HAKIM 3:6

Afuni Israel mene nen he it inunggulenu lombok andoma mene inom nanggelek hanggelek inagagwi, inaguni wok-wok aga logolik he, it inom kembu dewa omanogo apne wanhi lagaukwa.