YOSUA 23:10 - Allah Wene Fano Wene Hupla Inane

¹⁰ Hit hineisena Tuhan Allah a'nogo nen wene yagahisikhe mene higithogo re, Aren hit hinobaget weim yafunem he ap hit hinanggele'ma nen he ap mondok hokho-pokhorogo mabenet fisikhi logogun o.

YOSUA 23:10 ပူးပေါင်းရင်းမြစ်များ

ULANGAN 32:30

Ap ebe misigat mene nen, inebe seribu mene, ninggi'nogo nen mugisikhe, Ap inebe pire mene nen he, inebe sepuluh ribu mene, ninggi'nogo mugusogo wulakfisaga, Nineisena Tuhan nen, inebe onggo palogo woginafemo, Allah omame hokho a'nogo nen, inebe herakfisikhemo.

IMAMAT 26:8

Nen, hit hinebe fuaben oba nen he ap hinaselei mene inebe 100 nen mene inomame elok mabenet fisa hak logogin. Nen hit mene ap hinebe 100 nen oba nen he it inaselei mene inebe 10.000 nen mene elok mabenet fisa hak logogin.

ULANGAN 3:22

Tuhan Allah nen hat faget omamerogo hilingiti logoginmo re, haren it faget hailorinafi logou fuk.” iluk yagatigi a'nogo, iluk yagaisasikhe.

KELUARAN 14:14

Hiren ekhe hilingisugun mondok lego. We, nineisena Tuhan ebe ninebikhit asimbik inoasigiluk hilingisigin werek o,” iluk yagaisasikhe.

MAZMUR 35:1

Tuhan neisena, afuni ninom selerirogo noasuogeluk weri'lagwi mene andoma Hat hinom yabini o, nen it afuni ekhe an noasuogeluk weim kwi weri'lagwi mene andoma Haren inoasin o!

ULANGAN 20:4

Hit hineisena Tuhan Allah At hit hinom laga logolik lebethinafi logogin, Aren enek hit hinalong asuageluk hilinghinobagagin,’ iluk yagahisikhi logogun.

ROMA 8:31

Wene mondogat andi faget, niren ninggi'nogo ugun. Allah nit werekwe aga halok, sa nen lebeleget ninabigin nogo? Elo'lego.

MAZMUR 46:7

At Allah ane unggunggu ane hangge ugunem, afuni o kweangma welagaikharek mene re mondogat inoatik, yi afuni ti afuni inunggulenu lombok Allah ane inesanggo holimbik, inane hokhorogo sagalhik, o inogogwi inenupogoren ferinarek welagaikharekwe omanogo mondogat maben arik lagik, ugun.

YOSUA 23:3

Hit hinalisikhogo hineisena Tuhan Allah nen yi ekhe mene ti ekhe mene afuni inunggulenu mondogat yomaba hilingfisasikhe mene hiren mondogat hikhi lagep. Hit hinobaget hilingite mene re At hineisena Tuhan Allah amu nenat hilingite o.

1 SAMUEL 14:6

Were'ma andikwe louwogeluk laga logolik, at Yonatan nen he, agot alage mene a'nogoba mel yagatikhe: ”Nineisena Tuhan he ap inebe hokhorogo halok ogo, nen endebat halok ogo, elok inomamet fisa hagenego. Enggere Aren omame wo'nisagain anggikhi lagi hilingi'mo re, nit ap Filistin mene Allah ane inonggot mene inawi pos wuri'mo andoma louwogo,” iluk yagatikhe.

YOSUA 10:42

Afuni Israel mene ineisena Tuhan he, it inebikhit a'luk it inobaget weim yabik lagunem a'luk he, we misigam weim yabik lagu meneba re, at Yosua nen raja-raja andoma inomame legaphogo fisasikhesik o it inomame a'ma welagaukwa mene omanogo telogo helasikhe.

HAKIM–HAKIM 15:15

A'nogo tekhogo lagaikhemo hasukwasik, wam keledai misigat mene kerat wa'lagaikhe mene agaukwak oak heragaisogo wanhikhesik he, andiba afuni inebe 1.000 nen pinggi inoatikhe.

2 SAMUEL 23:8

At Daud agoromi kaindek weim tok inenggi pukweak welagaukwa mene andoma inenu re yi: Attak mene re Ishbaal o Hakhmoni agun andi it, ’Esa Henagan Triwira’ ikhi lagaukwa mene andi inoe melalinafu mene welagaikhe. At andi nen he enggi misik sambul ap inebe 800 nen mene inom weim yafikhe mene re, aren arige kabelek oba afuni andi inebe mondok felelenghogo inoatikhe.

HAKIM–HAKIM 3:31

Inoe wene melalinaferek mene ombo'ne menlagaikhe mene re Samgar hun Anat amlogo andi. Aren ogore amurururogo hilingitikhesik he it Israel inap telogo fisasikhe. Tomuk wam lembu silinarek laga lagaikhe meneba re, aren ap Filistin mene inebe 600 nen inoatikhe.

ULANGAN 20:3

’Yago nori Israel hinap hinesanggo holini, yogondak he hit weim kwelabi kugun enggere, hinendawinggen endebagik, hinailo agik, hinendawi suk-sak igik hilingisu fuk.

ULANGAN 28:7

It afuni hinaselei mene nen hinoasi kwi wagu halok he At hineisena Tuhan nen hit hinaselei mene andi mabenet fisikhi logogin. Iren higit-hagathogo erarogo fuluk tok kwelabi waga logogun oba nen he heise mondok telfol ikhi logogun.

ULANGAN 32:20

Herakfisasikhesik mel isikhe, Ap inunggulenu andi mene, inungguloak helep hangge, noba lomborogo werek lek, andi nen leberisa nabit, It a'nogo hilingiti logombik, elugun oba ninggi'nogo, hilinglasugun iluk neilenggen logogin.

YOSUA 23:11

Arigini'more, hit hineisena Tuhan Allahba henendawi hundik hilingitu mene faget eberek mondok lagoino.

YESAYA 30:17

Hit hinaselei mene misik ekhe nen mukhisugungge faget he, hit hinebe seribu mene heise longgo ugun, nen hinaselei mene inebe fuaben mene faget he hit hinebe mondogat heise longgo ugun aro. Hit hinebe esa hokhorogo omanogoba nen he we e misik bendera telogo fogoin mene a'nogo nek punu tukse'ma legoma andoma telik logogin.

ZAKHARIA 12:8

Inenggi andi sambul he, An nen afuni Yerusalem mene nawe a'ma fisaluk ferinarek logogin. Nen, inanggele'ma nen he, mondok inomame lek mene ogore, Daud omame welagaikhe hak hilingisogo fisagain. It inebe re malaikat An mene nen halinafunem hakhogo re, it he An nonggwaregen halinafunem, it Daud ambisangma mene nen halinafi logogun.

IMAMAT 26:7

Hiren ap hinaselei mene inomame elok mabenet fisikhi logogun.

1 TAWARIKH 5:20

It ap weim yafu aple inelu mondok welagaikhe inap andoma nen he, ”Allah nineisena, Haren lebetnisan o,” iluk kino yagatukwama, Allah nen he iren yagatukwa mene a'nogo higithogo esanggo holhikhesik he, it ap Hagri inap inom, it fena inebe misik sebe iluk inebikhit weim yabi kwi waga lagaukwa mene omanogo inom, inoba inomame leget fisasikhesik he, inalonget fisasikhe.