YOSUA 23:1 - Allah Wene Fano Wene Hupla Inane

¹ Lingge aninurogo omanogo Tuhan afuni Israel mene ineisena a'nogo nen fano liokhogo ferinarek were'ma re, inaselei mene nen ekhe weagerinafi'legengge werek kwelek enek welagaukwa. Andem sambul he Yosua ebe arat yaman agaikhe.

YOSUA 23:1 ပူးပေါင်းရင်းမြစ်များ

1RAJA-RAJA 1:1

At raja Daud ebe arat yaman agaikhemo, selimut ambumeak meneba salogo fikhi lagaukwa meneat he, oba sogoi awi kwalogo nek welagaikhe.

1 TAWARIKH 23:25

At Daud en ikhi logolik he, ”It afuni Israel mene ineisena Tuhan Allah a'nogo nen At againafuri inoba inailo legengge logouwageluk hilingfikhesik, At ebe ogo mondok-mondok o Yerusalem logogin.

1 TAWARIKH 27:1

O kerajaan Israel oba andoma yi wene ti wene pemerintah inoba afe halhu mene faget he it ap ineisok erokwe higit-higit inogogwi welagaukwa mene omanogo inom, it inunggulenu lombok faget melalinafu mene omanogo inom, it sikhe fisogo mene inogogwi lego mene perwira omanogo inomen, halhi lagaukwa. Tahun hundik-hundik tugi misik inukhogo ap logalek misik ekhe inoe kepala melalinafu mene misik ekhe nen woginarek hobugalep yabu hilingiti lagaukwa. Esa logalek andoma hundomok he ap inebe 24.000 nen higik welagaukwa. It esa logalek andoma tugi hundik-hundik fololhunem yabu hilingitu mondok welagaukwa mene a'nogo inogogwi kepala inenu re yi: Tugi misik oba re: Yasobam hun Zabdiel amlogo (At ebere it inunggulenu Yehuda meneba re hun Pere unggulenu a'nogoba nen) melalinafi lagaikhe. Tugi pire meneba re: Dodai, hun Ahohi ambisangmangge a'nogo. Nen at a'ma owakil hakhogore Miklot welagaikhe. Tugi henaganek meneba re: Benaya amlogo a'nogo; at he it ’Esa 30’, ikhi lagaukwa mene andi melalinafu mene welagaikhe. Nen, at a'ma owakil he at amlogo Amizabad a'nogo welagaikhe. Tugi enggaminogonek meneba re: Asael hun Yoab agailak a'nogo. (Nen, at obali'mo re at amlogo Zebaja a'nogo welagaikhe.) Tugi fuabenggeba re: Samhut hun Yizrah ambisangma mene a'nogo welagaikhe. Tugi falfalik enggeba re: Ira hun Ikes amlogo o kota Tekoa mene a'nogo welagaikhe. Tugi sabit enggeba re: Heles, hun Efraim ambisangma mene o kota Penoli mene a'nogo welagaikhe. Tugi sirek meneba re: Sibkhai awi kota o Husa mene a'nogo, (at ebere it inunggulenu Yehuda meneba nen he unggulenu Zerah mene) welagaikhe. Tugi sogo meneba re: Abiezer, o kota Anatot wilayah it inunggulenu Benyamin meneba omanogo mene welagaikhe. Tugi nomolo meneba re: Maharai, hun Serah ambisangma mene o kota Netofa mene andi welagaikhe. Tugi nalonggop meneba re: Benaya, o kota Piraton it wilayah Efraim oba mene andi welagaikhe. Tugi nesanggo meneba re: Heldai, hun Otniel ambisangma Mene o kota Netofa mene andi welagaikhe.

2 TAWARIKH 14:1

At raja Abia a'nogo wa'lagaikhemo o kota Daud aiba it ap raja salinafi lagaukwaba omanogo salfesukwa, at obali'mo re at amlogo Asa a'nogo raja menlagaikhe. At Asa menlagaikhesik melalinafi lagaikheba andem he o afuni Yehuda mene were'ma andoma 10 tahun andiba yi wene ti wene legengge we liok-layokhogo mondok welagaukwa.

2 TAWARIKH 14:5

Aren he kembu wutuba obalik omanogo inom, inanggembu obaget amben fanongge iluk nolhi lagaukwa kwe omanogo inom, o Yehudaba omanogo nen mondok waganogo wulakfisasikhe. A'nogo hilingitikhemo re o kerajaan Yehuda ba andoma aren melalinafi lagaikheba andem he youk mondok legengge welagaukwa,

2 TAWARIKH 20:30

Andiba re, at Tuhan en Yosafat oba aren melalinafukwe omanogo mondogat ap youk mondok legengge fanorogo logouwageluk hilingfisasikhemo re, at Yosafat a'nogo weim abok legengge melalinafu welagaikhe.

MAZMUR 46:9

At Tuhan nen elalin mene o kweangma yoma hilingiterek mene andi kwelakha we'ni!

YESAYA 63:14

Afuni nen wam sapi engga noagaluk o leimo waluk lagaikharek hak, At Tuhan enu seralhi logouwageluk, it againafuri omanogo o set walogoin oba woginarek wagaikhe andi.

ULANGAN 31:2

”An yogondak nebe umur 120 tahun arat hilinglagimo re, an nen hit wokhinaregat lagain he, elo'lek aga o. Nen, at nineisena Tuhan nen ogore, hat i Yordan palogo wulibi lagain mondok lego, iluk yaganete, andi nen he, elo'lego.

YOSUA 11:23

Andi nen kweang andi mondogat at Yosua nen he Tuhan nen wene melalogo Musaba yagatikhe higithogo sebelhikhesik he aren it afuni Israel mene inanggweang asuageluk wogisasikhe. O kweang andi sumbutukwasik he, it inunggulenu lombok he misiktek higik helasukwa, it Israel inap a'nogo weim yafu aple mondogat yafukwasik he inanggweang oba omanogo inailo legengge fano liokhogo mondok welagaukwa.

YOSUA 13:1

A'nogo hilingitukwasigen he, at Yosua ebe arat yaman agaikhe. Tuhan nen Yosua oba ikhi logolik he, ”Yosua! Hat hebere mondogat yaman agen, oba nen he o kota fena telugun kwe mene re hokho-pokhorogo werek andi:

YOSUA 21:44

A'nogo hilingitukwama re Tuhan nen it inambu-inomba inoba wene warisasikhe mene higithogo kweang andiba re At Tuhan nen omame a'ma ferinarek were'ma re inailo legengge inambong serogo welagaukwa. It inaselei mene misik iluk ogo it inom weim kagalasu hak mene ekhe hilingiti lagaukwa mondok lek, andi re Tuhan nen it inoba inalonget fisasikhemo a'luk hilingiti lagaukwa.

YOSUA 22:4

Arigini'more, hit hineisena Tuhan Allah nen wene wathisikhe higithogo re, it hinagaila'lak Israel inap amu mene andoma inoba re hambukhogo logouwageluk hilingisogo fisani o. Ma re, yogondak hit hinebe wilayah hiren mene i Yordan fena mo liabi wagarek fikhit attak Musa nen wokhisasikheba omanogo lani.

1 SAMUEL 12:2

Yethani, an nebe alageba nen pikhit yogondak huli fethinarek logolik, nagainafuri taginafi mene arat inalue agaikhasik hinom welagep yi. Andi nen he, an yogondak arat yaman agarik, nesi helel mondogat wulife andi, o yogondak huli nen he, ap an nen menfigi mene yi nen fethinarek logogin o.