YOSUA 22:18 - Allah Wene Fano Wene Hupla Inane

¹⁸ Yogondak he hiren Tuhan hinambot wogosuogeluk hilingiti lagep ari ri! Hiren yogondak yiba Tuhan ane sagalogo hilingisugun halok he, hobit he Aren afuni Israel mene mondogat inoba wene fagain o.

YOSUA 22:18 ပူးပေါင်းရင်းမြစ်များ

2 SAMUEL 24:1

Tuhan nen it afuni Israel mene inoba a'mage lagakhi lagaikhesik, it inunggulenu andi mene inoba enggin mene lakfei wesigiluk at Daud a'nogo konogo hakhogo hilingitikhesik, At Tuhan nen wene at Daud oba yagati logolik he, ”It afuni Israel mene were'ma inom, Yehuda mene were'ma inom, inenu lisu palogo wenaginabin o,” iluk yagatikhe.

1RAJA-RAJA 9:6

A'nogo meneat he, hat hebe nen inom, haren tagomangge mene nen inom, An nebe hinambotma nobagaluk, An nen yi'nogo ti'nogo hilingiti logoino, iluk komothinafigi mene andi nane hologo hilingiti'lek herakfisaluk hunogo mene ekhe fogerati logogun halok,

2 RAJA-RAJA 17:21

Huginabi lagaikhemo, Tuhan nen inunggulenu Israel mene re Yehuda inap oba nen minggilogo fisasikhemo re, it Israel inaben at Yerobeam hun Nebat amlogo a'nogo raja logouwageluk menfesukwa. A'nogo menfesukwama nen he at Yerobeam en hilingiti lagaikheba afuni Israel mene nen Tuhan herakfisaluk weak hokhorogo hilingiti lagaukwa.

1 TAWARIKH 21:1

At Iblis nen he it afuni Israel mene alomarogo fisagain iluk endawimo anggasikhesik, andi nen he aren Daud endawimo kagalhi logolik he, ap inenu lisu palogo wenasuageluk hilingitikhe.

1 TAWARIKH 21:14

A'nogo isikhemo re, At Tuhan en ou mondok weak mene it afuni Israel mene inoba lakfei wagaikhemo re it inanggelekwe nen afuni inebe 70.000 nen wa'lagaukwa.

2 TAWARIKH 34:33

At raja Yosia nen he kembu mondok hebak inafe mene ekhe kwe ekhe kwe werek mene inom, it afuni Israel mene werek kwe welagaikhe mene inom, omanogo mondogat weak-beakhogo hilingfesikhe. A'nogo hilingfuluk he, aren he afuni holhu mene inoba yagaisikhi logolik he, it inambu-inomba ineisena Tuhan Allah andi obaget enek hilingiti logouwageluk yagaisasikhe. A'nogo yagaisasikhemo re at Yosia ebe eluk logolik oba re it afuni a'nogo re Tuhan oba tiphogo nek hilingiti lagaukwa.

IMAMAT 10:6

A'nogo hilingitukwasik at Musa nen Harun inom amlogomi inebe pire inenu Eleazar inom Itamar inom inoba yagaisikhi logolik, ”Hit hinendawi ou en hinesi salogo hinasu pelagi su igisogo fong wasu fuk. Hit a'nogo hilingisugun halok he hit hinomat wa'lasugun, nen it afuni Israel mene mondogat ogo Tuhan nen a'mage inoba fagainat. Oba nen he, it afuni Israel mene fenakwe nek he it andi Tuhan agandou en inoate mene andi faget fong wasuak.

BILANGAN 16:22

A'nogo isikheba nen, Musa Harun emberek inelokhe kweangma sagaumeti logolik mel isukwa, ”Allah nineisena, Haren enek ineluk welagaikharek mene andoma eluk logouwageluk wogisikhi lagen. Ap misigen weak hilingituba re Haren afuni mondogat inoba ha'mage fisa hak nogo?” isukwa.

BILANGAN 32:15

Hiren hebekhogo Tuhan hinambotma fuluk hilingiti logogun halok he, afuni inunggulenu Isarel mene ari oboget isamo o leimo aroma aninurogo leil wati logogun, andi re hiren hilingisugun oba it inebe legarik logoin ari!” iluk yagaisasikhe.

YOSUA 22:15

A'nogo lagaukwasik he it a'nogo inunggulenu Ruben, Gad, Manasye o Gilead werek mene inom were'ma omanogo asi lagaukwa.

YOSUA 22:16

Andi nen he afuni Tuhan againafuri omanogo inenuba re it inunggulenu Ruben, Gad, Manasye inom omanogo inoba ikhi logolik he, ”Nenahalok hiren Allah afuni Israel mene ineisenaba mondok weak mene yi hilingitep? Hiren helep mezbah hinamu wutep andiba re Tuhan awene sagalogo fegep andi o! Hiren he At awene melalek a'nogo higithogo hilingitep lek andi!

YOSUA 22:20

Akhan hun Zerah amlogo yi mene ti mene mondok legaphogo fugu mene a'nogo faget Tuhan nen wene melalogo yagaisasikhe mene holfuluk hilingitikhe lek oba ambisangma ninggi'nogo hilinglagaikhe nogo? Iluk wenggel hano! Afuni Israel mene mondogat wene inoba agaikhe! Andi hilinglagaikhe a'nogo re, we at Akhan amu weak hilingitikhe oba nen, wa'lagaukwa mene re at amu nek wa'lagaikhe nogo!” iluk yagaisasukwa.

YOSUA 7:1

Tuhan nen afuni Israel mene inoba komorinafi logolik yi mene ti mene o Yerikhoba nen mondogat hugul kugun mene andoma re, we misik iluk ogo ekhe wanugun lek iluk yagaisasikhe. Yagaisasikheba nen he wene melalek a'nogo tiphogo hilingitukwa lek. Ap misik ekhe enu re Akhan andi nen wene melalek andi sagalogo hilingitikheba Tuhan anini afuni Israel mene inoba fesikhe. (Hun Akhan andi eisena enure Karmi nen omba re hun Zabdi inunggulenu Yehuda meneba nen he unggulenu agaukhogo re Zerah mene welagaikhe.)

YOSUA 7:11

Afuni Israel mene weak hilingitama o. An nen wene melalfisikhi logolik, wene warek An inom it inom wat-wat agagu mene andi tiphogo hilingiti logouwageluk yagaisasigi, oba nen he, wene andi sagal faga! Nen yi mene ti mene wolelenggen tagalogo feino iluk igi mene omanogo iren he helaga. Helagasik weinam asinogo iluk he, it inasungge anggele'ma andoma hinagaisogo fakhaga o.

YOSUA 7:21

Yi mene ti mene niren teli kogo mene omanogo anggele'ma nen he su jubah misik mondok fano mene o Babylonia mene nen itukwa mene ekhe higi, andi nen perak he dua kilogram hak inom, nen emas eil misik setengah kilogram hak inom higi. A'nogo higirik he, nendawinggen ninggemo re, an nen wanhirik he, nawi sabumo kweang a'ma andoma hinakfigi. Nen no perak he mondok fem a'ma hakhogo figimo werego.” iluk isikhe.

1 SAMUEL 12:14

Hit inom, hinoe raja yi inom, nineisena Tuhan Allah legeisogo fikhi logolik, At ebe agaukhogo hinebe At amingmingengge hilinglasimbik, aren komothinafikhe wene andi sagalogo herakfisigi'lek hologo hilingiti logogun halok he, hinendawimo hinagaiyek hikhi logogun o.

1 SAMUEL 12:20

A'nogo yagatukwama, at Samuel en he, ”Hinailo agubo. Hiren weak a'nogo mondogat hilingitep meneat he, hinebe nineisena Tuhan herakfisaluk wulifi'lek hinendawinggen misigat a'luk, At faget enek hilingitu mondok logoino o.