YOSUA 21:8 - Allah Wene Fano Wene Hupla Inane

⁸ A'nogo afuni Israel mene nen kota-kota omanogo inom kweang omanogo engga lei inom, helep enggen oba inenggi walhigik ap Lewi mene inoba Tuhan nen Musa bene nen wene melaletikhe mene higithogo sumburisasikhe.

YOSUA 21:8 ပူးပေါင်းရင်းမြစ်များ

KEJADIAN 49:5

Nen, hat Simeon hagot Lewi hemberek hinobabut he misigaro. Hinasikhe hinarige hinenggim were'ma, hinobabut he hinanini mene o.

KEJADIAN 49:7

Hina'mage lagaluk inailo asu mene hilingiti lagep andi nen Allah nen homan hinobagauwago. Hina'makwe het-periluk afuni ekhe hinendawirinafi'lek inoati lagep andi nen, Allah nen homan hinobagauwak. An nen hit o afuni Israel mene ekhe inailokwe pugulogo lakhinobagagik, O yi awi ti awi afuni inunggulenu lombok inoba pugulogo lakhinobagagik, igin o.

AMSAL 16:33

Furogo inelu asuageluk he afuni nen helebenggen oba walhugunem inelu agarek, oba nen he onggo furogo yagaisagarek mene re we Tuhan amu nenat yagaisikherek.

AMSAL 18:18

Obabut palengge hukhaluk enek he wene minggilasu hak mene a'nogo lek agarek, ap inomame werek mene inom agarek oba nen ogore oagengge walhaluk hilingitu halok enek he onggo elok pilingisogo leget fou hak.

BILANGAN 32:2

iren Musa inom imam Eleazar inom it Israel mene inoba inogogwi melalinafarek mene amu mene omanogo inom inambit lagaukwa. Lagaukwasik iren ikhi logolik he,

BILANGAN 33:54

Andi nen he, hiren helep enggen hangge hinenggi walhaluk hit hinunggulenu werek higithogo esa logalek welagep higit-higit hit eisewerek asubagaigen he sumburogo helano. It inunggulenu hokho mene inoba re hokhongge wogisigik, nen inunggulenu endep mene inoba re endebengge wogisigik ino.

BILANGAN 35:3

Kota-kota andoma re it ap Lewi mene logogun andi nen he, it inangge mene asigin. Engga o lei era'lukwe logogin mene andoma re iren tari'lagwi mene inom, kuli'lagwi mene inom faget.

YOSUA 18:6

Kweang huli sabiren warek andem ilirenggerogo fuluk an wo'nesu mo re, At Allah nen hit hinobaget ninggi'nogo enegenggerogo fikhe andi an nen ninelu asuageluk he helep enggen oba walhogo kwelakhagain o.

YOSUA 21:3

A'nogo isikhemo re, afuni Israel mene nen he Tuhan nen wene melalek a'nogo higithogo hilingitukwa. Kweang it inonggwaregen mene omanogo re, it ap Lewi mene inoba o kota-kota logogun kwe inom, nen engga lei inom wogisasukwa.

YOSUA 21:7

Inunggulenu akhogo Merari meneba ineisok erokwe mene omanogo re kota-kota ebe 12 nen mene wilayah inunggulenu Ruben mene inom, Gad mene inom, Zebulon mene inom inoba nen wogisasikhemo helasukwa.

YOSUA 21:9

It inunggulenu Lewi meneba nen inunggulenu akhogo Kehat mene a'nogo inomen imam-imam hun Harun ambisangma mene inom tak inaiba kota-kota helasukwa. It andiba re o kota 13 nen inom kweang engga lei inom wogisasikhe. It inunggulenu Yehuda inom, Simeon inomen he it inawi sili 9 nen helasukwa, o andem enu re: Libna, Yatir, Estemoa, Holon, Debir, Ain, Yuta, Bet-Semes, Arba inom o ebe enu re hun Enak eisena enubene salek welagaikhe. O kota andi re yogondak enu Hebron o ebe inagap telagarek awi Yehuda andom oba andoma welagaikhe. Yabu kwe inom o sili endep-endepkwe mene inom he, Kaleb hun Yefune amlogo a'nogo mene asuageluk wogotikhe. Unggulenu Benyamin meneba nen he iren o kota 4 en helasukwa, kota andem enu re: Gibeon, Geba, Anatot, Almon.