YOSUA 21:1 - Allah Wene Fano Wene Hupla Inane

^1-2 Linggene misik sambul he it inunggulenu Lewi meneba nen ineisok erokwe mene inogogwi omanogo ap mene nek o Silo Kanaan kweang oba kwi lagaukwasik ap imam Eleazar were'ma ambit lagaukwa. Lagaukwasik ap Yosua hun Nun amlogo a'nogo inom, nen ap inunggulenu Israel mene ap mene nek omanogo mondogat inom, inambit lagaukwa. Lagaukwasik iren ikhi logolik he, ”At Musa bene nen, Tuhan nen melalfikhi logolik he, nit ap Lewi ninap yi ninawi o kota-kota ninebe were'ma inom, nen engga lei o kota andoma horok-horokwe nit ninanggo faget inom, wo'nisoageluk melalfisano,” iluk yagatikhe.

YOSUA 21:1 ပူးပေါင်းရင်းမြစ်များ

KEJADIAN 49:7

Hina'mage lagaluk inailo asu mene hilingiti lagep andi nen Allah nen homan hinobagauwago. Hina'makwe het-periluk afuni ekhe hinendawirinafi'lek inoati lagep andi nen, Allah nen homan hinobagauwak. An nen hit o afuni Israel mene ekhe inailokwe pugulogo lakhinobagagik, O yi awi ti awi afuni inunggulenu lombok inoba pugulogo lakhinobagagik, igin o.

KELUARAN 6:14

Simeon againafuri abengge inebe falfaligen welagaukwa, inenu re: Yemuel, Yamin, Ohad, Yakhin, Zohar inom. Nen, ap he Kanaan mene andi nen he Saul tatikhe. It andem he afuni inunggulenu Simeon oba nen inambu-inomba mene welagaukwa.

KELUARAN 6:25

Harun, Musa inom andemen afuni Israel mene o Mesir en woginarek wulibi wesuageluk Tuhan nen inayonggo fesikhe.

BILANGAN 35:1

O Moab tonggoma i Yordan aik oba kota Yerikho horokhogo andoma nen he Tuhan ane Musaba yagati logolik, mel isikhe:

BILANGAN 35:8

Kota-kota it ap Lewi mene inobaget wilayah it afuni Israel mene inunggulenu lombok omanogo inoba logogin mene andi re. O kota ebe hilingik aple inom he, wilayah andi hokho aple inom hilingik higithogo logogin,” iluk yagaisasikhe.

YOSUA 14:1

Ombo'ne yi re kweang o Kanaan oba i Yordan ima nen mo ubuk ikherek fikhit a'nogo it afuni Israel mene inanggele'ma nen ninggi'nogo sumbuthukwa iluk pilingisogo palek werek yi. Kweang andi sumburogo afuni Israel mene inoba wogisasikhe mene re imam Eleazar inom, Yosua hun Nun amlogo a'nogo inom, it inunggulenu Israel mene oba nen ineisok erokwe mene faget inogogwi kaindek welagaukwa mene omanogo inomen sumburisasukwa.

YOSUA 17:4

It inebe re imam Eliezer inom, Yosua hun Nun amlogo a'nogo inom, it inogogwi melalinafu mene inoba lagaukwasik yagaisikhi logolik he, ”Tuhan nen Musa oba ikhi logolik nirogo ninagaila'lak ap amu mene nen kweang helaga andi hakhogo ambineat sumbut nisamo helogoin o,” iluk yagatukwa. Andi re, Tuhan Awene melalek higithogo helime hun Zelafehad againafuri andem he kweang it inerugwi inomat lambulogo wogisani o.

YOSUA 19:51

A'nogo at imam Eliazar, Yosua hun Nun amlogo a'nogo inom, it inunggulenu Israel mene nen it ineisok erokwe lombok inogogwi kaindek welagaukwa omanogo inom he, Tuhan nen wene yi'nogo hilingi'no iluk yagaisasikhe higithogo kweang a'nogo inenggi helebenggen oba walhigik sumbutukwa. Andi re iren o Silo Tuhan awi lelunggulmo nen sumbutukwa. A'nogo sumburik laga lagaukwasik he kweang a'nogo mondogat elugun warogo sumbuthukwa andi.