YOSUA 20:7 - Allah Wene Fano Wene Hupla Inane

⁷ Andi isikhemo re o kweang i Yordan ima barat fikhit andoma re o kota inagap telagarek oba logogin mene iluk, it afuni Israel mene nen fouget fesukwa mene re yi: o Kades, o Galilea Naftali mene inandom oba omanogo inom, Sikhem it Efraim mene inandom oba omanogo inom, Hebron Yehuda mene inandom oba omanogo fesukwa.

YOSUA 20:7 ပူးပေါင်းရင်းမြစ်များ

1RAJA-RAJA 12:1

Ap Israel inap abel utara fikhit welagaukwa mene mondogaren Rehabeam ebe raja logouwagaluk unggul sebelogo menfouwogoluk o Sikhem andoma andogotukwasik were'ma, at Rehabeam inoba lagaikhe.

1 TAWARIKH 6:76

O wilayah it inunggulenu Naftali meneba nen he: o Galilea nen o Kedes a'nogo inom, Hamon inom, Kiryataim inom, andoma helasukwa.

2 TAWARIKH 10:1

It afuni Israel mene abel utara fikhit welagaukwa mene a'nogo mondogaren he at Rehabeam raja menfogoin iluk kabogetukwama re at Rehabeam ebe o andoma lagaikhe.

BILANGAN 35:6

Ap Lewi mene faget he o kota wesa logogin iluk oba mene ebe 6 en hiren wogisamo re ap ekhe nen eranhogo legoba nen agaila'lak watfisaluk heise andoma laga logogun mene faget wogisogoin. Andi it ap Lewi mene inoba re o kota 42 nen amu mene inom,

LUKAS 1:39

Malaikat a'nogo lagaikhemo, at hele Maria enggi endebat ekhe welagaikhesigen, o Yudea pisikhesik o tomkwe fikhit andoma lagaikhesik he,

ULANGAN 19:9

o along pale'ma andi re ekhe inomat henagan minggilogo fagain. (O kweang andi re an nen wene yi'nogo hilingi'no ti'nogo hilingi'no iluk yogondak hit yagahisigi mene andi higithogo hilingitu halok inom, hit hineisena Tuhan Allah hinendawinggen hundik hilingiti logolik, At awene yagaisugu aple a'nogo higithogo hilingiti logolik logogun halok he, o kweang andi mondogat hit wokhisagain.)

ULANGAN 4:41

A'nogo yagaisasikhesik, at Musa nen i Yordan fena mo lagai wagarek fikhit omanogo o kota ebe henagan mene wenagaisogo fesikhe.

YOSUA 14:15

Attak o Hebron andi enu Arba ikhi lagaukwa. (Arba andi re it inunggulenu Enak inap inanggele'ma nen ap inobakhe hokhondek mene nek welagaukwa.) A'nogo hilingitukwa andiba re o kweang andiba weim youk legengge mondok fano liokhogo welagaikharek.

YOSUA 15:13

Tuhan nen wene melalogo Yosua yagatikhe mene higithogo re, it Yehuda mene inaiba o sili omanogo fena re at Kaleb hun Yefune amlogo unggulenu Yehuda mene a'nogoba wogetikhe. Nen ekhe re o Hebron kota hun Arba ap Enak eisena nen mene a'nogo wogetikhe.

YOSUA 19:35

O Kota-kota andoma nen leget maserogo waganek mene re: Zidim, Zer, Hamat, Rakat, Kineret,

YOSUA 19:36

Adama, Rama, Hazor,

YOSUA 19:37

Gedes, Edrei, En-Hazor

YOSUA 20:8

O i Yordan fena mo liabi wagarek fikhit kweang amik legoma ilingage leimo o Yerikho fena fikhit omanogo nen iren o kota inagap telagarek oba iluk he ya fesukwa: O kota Bezer wilayah Ruben mene omanogo inom, kota Ramot Gilead en wilayah Gad mene nen omanogo inom, o kota Golan o Basan nen wilayah Manasye meneba omanogoba inom enogo fesikhe.

YOSUA 24:1

At Yosua nen afuni Israel mene mondogat o Sikhem andogorogo fisasikhesik, inogogwi inaluendek inom, kaindek inom, ap wene inoba figik, kotik, agarek mene inom, ap tentara mene inogogwi kaindek inom, wesuagaluk yagaisasikhemo, Allah oba wagaukwa.

HAKIM–HAKIM 9:1

A'nogo hilingitu kwelek, inenggi ekhe sambul he, at Gideon amlogo Abimelekh o kota Sikhem at agaisawi, erugwi, amilak inoba lagaikhe. Lagaikhesik, it inom, afuni at mene ekhe inom, inoba yi'nogo yagaisasikhe: