YOSUA 20:3 - Allah Wene Fano Wene Hupla Inane

³ Ap ekhe wenggelek le'ma nen ap amu mene ekhe ebe pinggi watfuluk halok he, aben unggulmo wasugun iluk ina'mage lagaikherek mene andiba wasuogeluk ugunem at a'nogo heise o andoma kwi laga logogin halok, ap a'nogo agap telogo fakhikhi logogin.

YOSUA 20:3 ပူးပေါင်းရင်းမြစ်များ

2 SAMUEL 14:11

A'nogo yagatikhemo he a'nogo nen ekhe inom yagati logolik, ”An hamingmingengge nomalik wate mene andi faget ap ekhe nen an nen ogo unggulmo wasigin iluk hilingiti logolik, ap a'mage ekhe inom hokhorogo lagaluk an nomalik ekhe andi ogo wasinogore, noe haren heisena Tuhan Allah andiba samban in o,” iluk yagatikhe. A'nogo yagatikhemo at raja a'nogo nen yagati logolik he, ”Tuhan Eluk Mondok welagarek mene enuba hilingi'mo re, hat homalik oba yi'nogo ti'nogo we endebengge iluk ogo ekhe hilingfogoin mondok lego,” iluk yagatikhe.

BILANGAN 35:12

Nen, o kota-kota andem oba werek halok he, it ap warek fikhit a'nogo agaila'lagen unggulmo wasugun iluk murok wesugun oba nen he, o andi werek halok he, ap andi agap telek logogin. Andire ap haren waten iluk oba hikhibet hogoin mene a'nogo awene it unggum seberogo pilingitu inap were'ma omanogo oan pilingiti'lek logolik he ap andi ebe wasugun lek.

BILANGAN 35:19

It aben ap amu mene wat fagain mene a'nogo agaila'lak horokhogo mene nen he ap wene oba fuluk pinggi watu aple andi hilingisugun fano. Nen ap agailak ekhe nen ap ware a'nogo hinakfuluk halok he ap andi pinggi wasigin andi fano.

BILANGAN 35:22

Oba nen he, ap ekhe nen ap amu meneba endawimo wasigin iluk wenggelek le'ma nen ferekhogo wasigin halok he, ap andi ebe tung-tanghogo warogo hea, athe yei payuk oba tunghogo warogo fogoin halok he fano nek.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.

YOSUA 20:2

Wene yi'nogo afuni Israel mene inoba yagaisan, ”An nen Musa yagati logolik he, o kota inagap telhuba logogin mene faget hit yagahisoageluk yagatigi. Kota andem ebe re afuni nen inagap telek logouwageluk heise o andoma hina'lasi laga logogun. Yogondak he kota andem heragaisogo feni.

YOSUA 20:4

Aren he o kota andem misik ekheba heise kwi laga logogin halok he fano, nen aren o kota ebekhalem kwi lagaikharek oba nen wene heirogo tegetharek oba andoma laluk he, aren ap inogogwi melalinafarek mene andoma inoba wene hilinglagu mene a'nogo faget tindelogo yagaisikhi logogin. Yagaisugunem it ap melalinafu mene omanogo nen he at ebe o kota a'nogoba kwi loageluk yagasimbik he ebe werek oba faget obalik yagasugun.