YOSUA 2:9 - Allah Wene Fano Wene Hupla Inane

⁹ Lagasikhesik mel yagaisasikhe: ”At hineisena Tuhan nen o yoma hit hinenggiba fikhemo werek andi re, an nelu o. Afuni yoma mene abirengge hit hinoba inailo mondok werego.

YOSUA 2:9 ပူးပေါင်းရင်းမြစ်များ

KEJADIAN 35:5

Salfuluk, at Yakub agoromi inagainafuri inom inebe mondogat wilipluk wagu kwelek, it afuni o kota andoma mene nen muginarek wesinogoluk, Allah nen inebe mondogat inailo mene hilingfisasikhemo, it inebe selek wagaukwa.

2 SAMUEL 17:10

A'nogo ugun halok afuni Israel mene mondogaren he, Daud andi weim mondok aniniweak, nen agoromi tentara mene andi inailo mondok lek logolik, weim inomamerogo mondok yafarek, iluk agare'ma re, ap weim yafu inailo mondok lek mene olomene enu singa obabut hangge mene ogore, mondok inailoat asugun o.

2 RAJA-RAJA 5:15

A'nogo hilinglagaikhesik, agoromi inom wagaukwa mene mondogat inom inambotkwe Elisa oba wagaikhe. A'nogo wagaikhesik, mel yagatikhe: ”O kweangma yi awi ti awi Allah ebe pire welagarek lek. We, hit afuni Israel mene hineisena Allah fogerati lagep mene andi ami-amu negat welagarek andi an yogondagen arat futfigi o. Andi nen he, an nen onggo wokhesigin andi wanin o,” iluk yagatikhe.

2 RAJA-RAJA 7:6

Andi re Tuhan nen ap tentara Siria mene inoba, ap tentara esa hokho logalek misik, kuda ba inom kereta ba inom lagaluk afuni inoasuogeluk lagunem ineisok abolok ikherek hak inesanggo holuageluk hilinginafikhe andi nen, it inesanggoma a'nogo holhukwasik he, inendawimo nen mel anggasukwa: ”Afuni Israel mene inoe raja nen inom, afuni Het mene inoe raja nen inom, Mesir mene inoe raja nen inom, inagoromi tentara mondogaren nit ninoasuogeluk inayonggo fikhemo ninoasuogeluk weri'lagwi higi,” iluk anggasukwa.

NEHEMIA 6:16

A'nogo wanhugumo re it ap inunggulenu inap horok-horokwe andoma welagaukwa mene nen, a'nogo hilingito mene a'nogo faget holhukwasik he, ”Leget andi re Allah nen leberinafu kwelek wanha,” iluk, it mondogaren inelu agama re, it inenggali aga.

ESTER 8:17

Andi hakhogo re, it afuni Yahudi mene werekwe o kota ebe lombok inom, propinsi ba inom, o ekhema-ekhema inom omanogo surat raja nen enu salik loageluk wulafikhe mene a'nogo enu salik lagaukwama inesanggo holhukwa kwe omanogo re inagaiyek hokhorogo hilingitukwasik he seni isarik lagaukwa. A'nogo hilingitunem he afuni o andoma mene it Yahudi mene inoba inailo welagaukwa mene omanogo re nit hit Yahudi mene ninom asugun o, iluk it inoba sebesi wagaukwa.

AYUB 19:25

Oba nen he an telnabigin mene o pogoroba eluk werek mene andi re an nelu o. Hobuk wurep oba an lebe'neagaluk menlasigin werego.

MAZMUR 112:10

Ap weak hilingitarek mene nen ineilenggen haluk he ina'mage lagaluk, ina'makwe heren inaik kilit mati logogun. A'nogo hilingiti la'luk it inebe legasi logoin, iren inendawimo eberek logogun mene omanogo re mondok-mondogat legasi lagain.

MAZMUR 115:16

Pogot andi ebe eisewerek he nineisena Tuhan onggwarek welagarek. Meneat he kweang enek he, nit afuni eiserogo logouwageluk wo'nisasikhe.

KELUARAN 18:11

It afuni Mesir mene nen wonoget fakhikhi logolik hilingitu kwelek At Tuhan nen a'nogo hilingiti laga andiba re, it mene inanggembu ilahi omanogo mondok sebelek werek kwelek At Tuhan enek he mondok hokho mene werek iluk an yogondak futfikhi lagi o,” isikhe.

KELUARAN 23:27

Afuni inunggulenu lombok were'ma hit logoin oba andoma, it hinaselei mene andoma inoba An faget inailo hokho mene asuageluk hilingfisagain. An nen hit hinom weim palek mene andoma inafe nong-honget fisagain, An nen a'nogo hilingitunem it hinaselei mene andoma inambotkwe sugulogo heise logoin.

PENGKHOTBAH 8:12

Ap weak enek hilingitarek mene nen weak ero seratus nen hilingirik lagain meneba nen ogore at ebe eluk uanhogo werek. Oba nen he ap Allah faget inailo anggagarek mene halok he ineluk fano inagaiyekhogo nek logogun.

YESAYA 19:1

Mesir mene inoba hilingfisagain mene yagaisoageluk isikhe mene re yi. Tuhan o Mesir lageluk ohena weak-weak lagarek meneba weri'logo a'li yethani! O Mesir oba tugwi kembu werek mene omanogore At elokhoma inoak leigetik, nen afuni Mesir mene re inendawinggen eak agik hilingiri'lagwingge andi.

YESAYA 23:5

Ap Mesir mene nen ogore Tirus mondogat leget fisikhe o, iluk ugunem holhambik he youk lambik inoak leigesugun.

YEREMIA 27:5

”An Nomame Hokho meneba inom, nen Nalong welagi mameba inom pogot kweang inom, afuni inom, ineluk werek engge andoma mondogat elalhigi mene andoma re ap ekhe An nelokhoma fano hilingiri'lago halok he at andiat wogosigin o.

NAHUM 2:10

O Niniwe re mondogat wolelenggen tagalogo hilinglagama re, afuni inom, yi mene ti mene mondogat inom inane mondok tiring-terengsekma re, o andoma lei pirimhogo hilingik. It inailo nen inendawimo mondogat maben aga. Ineindep mondogat omame lek agasik inoak leigeri'lagwi. Afuni mondogat he inelokhe heiselogo ofuselogo hilingik.

BILANGAN 20:14

At Musa nen agoromi ekhe inayonggo fuluk o Kades andoma nen it afuni inunggulenu Edom mene inoe raja oba lakfisasikhemo lagaukwasik mel yagatukwa: ”Noe, nit ninebe re, hat hagaila'lak Israel mene ninom hundik welago a'nogo mene o. Hat he, nit ninoba enggin-fenggin hokhorogo aga laga andi helu o, noe.

BILANGAN 20:24

”Hat Harun he, An nen afuni Israel mene o wogisageluk wene warisasigiba andoma kwigin lego. Hit hemberegen i Meriba elesi wulibi wagaikheba andoma nen An nane sagalogo hilingitep a'nogo nen, hat wa'lasigin o.

MATIUS 20:15

an nonggwarek eiseweregen igin mene nenat igi andi elo'lek anggegen? An nonggwaregen nendawi fanorogo wogisigi andi nen hat wene palhen, iluk yagatikhe.

ULANGAN 11:25

O sili andoma abirenggeba re At hineisena Tuhan Allah nen a'nogo hilingisigin iluk abok yagahisikhe higithogo inailo aga logouwageluk youk kwelakfoumo ap misigen ogo ekhe inelokhe palu elo'lek logogin.

ULANGAN 2:25

O yogondak yi huli nen yi afuni ti afuni inunggulenu lombok welagaikharek mene nen inailot hinafi logouwageluk hilinghinobagagin, a'nogo hinobagaumore afuni nen hit faget inesanggo holhaluk he inailo nen inoak leigeti logogun, iluk yaganisasikhe a'nogo,’ iluk yagaisasikhe.

ULANGAN 28:10

A'nogo hilinghinobagaumo it afuni inunggulenu amu mene kweangma yoma werek mene nen, it yi re Tuhan againafuri mene werek iluk ineil alonghogo kwelakhisikhi logogun.

ULANGAN 32:8

At Lego Mondok welagarek mene nen, kweang sumburisikhi logolik, afuni inunggulenu lombok, inawi lombok wogisasikhe, Inunggulenu lombok faget, inomameba ferinarek logouwageluk aren againafuri Israel mene, inebe werek higithogo eisewerek fisasikhe.

IBRANI 11:31

A'nogo meisak lambuk ugunem, at he Rahab yanani nikhi lagaikhe mene andi ogo re, endawinggen eberogoat Allah oba himbiret fesikhesik, it ap Israel mene ineil wani wagaukwa mene inebe fano woginafikhe andi nen he, it afuni ekhe Allah ane wanugun inabit mene inebe mondok inoati logolik, at he andi nek he, wati'lek herakfesukwa andi.

YOSUA 2:11

Nit wene andi ninesanggo holhugusik he ninailo mondok agaikhe o. Nen, afuni nit mene inailo lek mene ekhe mondogat hit hinom yabugun he inailo mondok agaikhe o. Hit hineisena Tuhan Allah andi eberogoat yi mene ti mene kweangma mene pogoroba mene elok hilingisu hak enego.

YOSUA 2:24

A'nogo yagatukwasik, hobuk at Yosua mel yagatukwa: ”Nineisena Tuhan nen o andoma mondogat eberogoat nit wo'nisagain o. Afuni o andoma mene mondogaren he ninoba inailo mondok werego,” iluk yagatukwa.

YOSUA 2:8

A'nogo asi lagaukwama, it ap pire Israel mene ineil wani wagaukwa mene aremnogo nogo oan igi'lek were'ma, at he Rahab a'nogo it inoba henambo lagasikhe.

YOSUA 5:1

A'nogo hilinglagaikhemo, afuni nen he, ”Tuhan Allah againafuri Israel mene i palogo wulibi wesuageluk, i Yordan firitokhogo hilingfesikhemo, wulibi wagaikha o,” iluk ugunem afuni Amori mene inogogwi kaindek i Yordan aik yiba mo ubukhogo kwikherek higit welagaukwa mene inom, ap kaindek afuni Kanaan mene inogogwi i Laut Tengah era'lukwe welagaukwa mene mondogat inom, inesanggo holhukwasik he, afuni Israel mene inaleigen inailo agaukwasik, inoagelekwe lei'leik isikhe.

YOSUA 6:2

A'nogo hilingitu kwelek, At Tuhan nen Yosua yi'nogo yagatikhe: ”Yogondak An nen afuni o kota Yerikho mene mondogat inom, inawi wurik andi inom, inoe kain enupogot inom, at agoromi kabelek tentara inailo'lek mene mondogat inom, hat henggiba figi o.

YOSUA 9:10

nen, ekhe Tuhan nen raja Amori mene inebe pire o i Yordan ima nen mo ero fikhit andoma werek mene, hun Sihon raja Hesybon agun andi inom, hun Og raja Basan agun o Asytarot werek mene andi inom inoba hilingfisasikhe mene andoma holhosik wago o.

YOSUA 9:24

A'nogo yagaisasikhemo iren onggo ikhi logolik he, ”Nineisena, niren a'nogo hilingito andi re, nit ninesanggo holho re, Tuhan Allah hat nineisena nen apne wanhi lagen mene andi nen Musa at amingmingengge andi mimingiti logolik he, nineisena hat hebe nen o kweang yi sebeli kwi waga logolik afuni yoma werek mene mondogat inoatik, nen kweang yi abirengge nineisena hat wokhetik, hilingisuageluk mimingite mene andi faget ninesanggo holhosik he, nit ogo ninomat ninoasugun hea iluk ninailo nen a'nogo hilingito andi.

YOSUA 9:9

Heinok a'nogo wogisasikhemo re, iren onggo yi'nogo yagatukwa, ”Nineisena, nit wago re o mondogat yatma nen wago. Andi re niren holhunemen he, Tuhan Allah nineisugwi hiren apne wanhi lagep mene andi nen o Mesir oba elalinhogo hilingiri'lago aple andoma inom,

HAKIM–HAKIM 7:14

A'nogo yagatunem, at agailak a'nogo nen he, ”Eige! nailo e. Habi andi re, ap Yoas amlogo Gideon Israel mene a'nogo enggarok waluk pi wesigin mene faget hegen o. At Allah nen nit Midian mene ninagoromi tentara mondogat ninom at Gideon enggimo fikhemo hilingisigin mene faget hegen,” iluk yagatunem at Gideon esanggo holhikhe.