YOSUA 2:8 - Allah Wene Fano Wene Hupla Inane

⁸ A'nogo asi lagaukwama, it ap pire Israel mene ineil wani wagaukwa mene aremnogo nogo oan igi'lek were'ma, at he Rahab a'nogo it inoba henambo lagasikhe.

YOSUA 2:8 ပူးပေါင်းရင်းမြစ်များ

YOSUA 2:7

A'nogo yagaisasikhemo, it ap at kain enupogot Yerikho mene nen inayonggo fuluk lakfisasikhe mene aremnogo, o kota herakfuluk wulifukwa. A'nogo wulifukwasik leget enda'ma werek kwelek, leget pa'leget wurik ambe palek a'nogo kwe yagatukwa. It ap a'nogo nen ap pire ineil wanuogeluk wagaukwa mene aremnogo heraginabik, heraginabik, huli i Yordan palogo wulifarek huli asi lagaukwa.

YOSUA 2:9

Lagasikhesik mel yagaisasikhe: ”At hineisena Tuhan nen o yoma hit hinenggiba fikhemo werek andi re, an nelu o. Afuni yoma mene abirengge hit hinoba inailo mondok werego.

HAKIM–HAKIM 16:27

O andi elonggoma re ap mondok hokho-pokhorogo welagaukwa. Nen it ap Filistin mene inogogwi inalong werek inap inebe fuaben aremnogo ogore, o andomaat welagaukwa. Nen, o andi henambo re ap inebe 3.000 nen welagaukwa. A'nogo logolik it inebe mondogaren he at Simson kumuti logolik piliphogo pelafi lagaukwa.