YOSUA 2:7 - Allah Wene Fano Wene Hupla Inane

⁷ A'nogo yagaisasikhemo, it ap at kain enupogot Yerikho mene nen inayonggo fuluk lakfisasikhe mene aremnogo, o kota herakfuluk wulifukwa. A'nogo wulifukwasik leget enda'ma werek kwelek, leget pa'leget wurik ambe palek a'nogo kwe yagatukwa. It ap a'nogo nen ap pire ineil wanuogeluk wagaukwa mene aremnogo heraginabik, heraginabik, huli i Yordan palogo wulifarek huli asi lagaukwa.

YOSUA 2:7 ပူးပေါင်းရင်းမြစ်များ

KISAH PARA RASUL 5:23

”O afuni inenggi hele warek fisagarek oba a'nogo, kwe ninghogo yagarek werek kwelek, hele warek mene inebe wulibinogo iluk, ap kweba kagalek welagaikharek mene omanogo inebe were'ma lago. Lagosik, ninebe kogo menere, it ap hele warek omanogo inebe mondok le'ma isogo,” iluk yagaisasukwa.

YOSUA 2:8

A'nogo asi lagaukwama, it ap pire Israel mene ineil wani wagaukwa mene aremnogo nogo oan igi'lek were'ma, at he Rahab a'nogo it inoba henambo lagasikhe.

HAKIM–HAKIM 12:5

Ap Gilead inap weim yafarek mene omanogo re, ap Efraim mene heise lagunem kwe palinabugun iluk i palogo wulibi lagaikharekwe omanogo menlarik lagaukwa. A'nogo menlarik lagaukwama re, afuni Efraim mene heise laga logolik i palogo logoin iluk inelut fugunem aremnogo re, afuni Gilead mene nen heinok wogisikhi logolik he, ”Hat ap Efraim mene a?” iluk heinok wogisugunemen, aren ikhi logolik, ”Lego,”

HAKIM–HAKIM 3:28

Pi wagaukwasik aren it inoba ikhi logolik, ”Tuhan nen hit hinaselei mene ap Moab mene a'nogo hit hinobaget inomame leget fisikhe enggere, an nombo'ne we'ni o,” iluk yagaisasikhe. Andi isikhemo re, it Israel mene a'nogo at Ehud en helagerogo re tom oba nen pi wagaukwasik, iren he ap Moab mene nen i Yordan palogo wulifarek oba a'nogo sebelhukwa. It inaselei mene a'nogo re ap misik iluk ogo ekhe polokhogo wulibi loageluk herakfisasukwa lek.