YOSUA 2:4 - Allah Wene Fano Wene Hupla Inane

^4-6 A'nogo yagasi lagaukwama, at he Rahab en, it ap ineil wanuogeluk wagaukwa mene aremnogo engga palogo henambo let fesikhe mene andomaba sebelogo hinak fisasikhesigat he, mel yagaisasikhe: ”Eberogoat ap andi an were'ma wagaikhasik o. A'nogo meneat he, ap inebe o koma mene he, an nonggoro. It he, o hubasigiluk ugu kwelegat o kota leget pa'leget ambe palekwe oan yagatfigi'lek werek kwelek arat wulifa o. It wulifunem an nen, hit koma louwogeluk, iluk heinok wanhi'lek. Ma re, mugisa logoin halok he, it oan lagunem elok fakfisa logoin anggikhi lagi o,” iluk yagaisasikhe.

YOSUA 2:4 ပူးပေါင်းရင်းမြစ်များ

2 RAJA-RAJA 6:19

A'nogo hilingisogo fesikhemo, at Elisa it inoba lagaikhesik he, mel yagaisasikhe: ”Hit he, ebekwe hinendawinggen nonghong ikhemo hilingiti lageba? O kota hiren herarik wagep mene andi re yi fuk. Amu mene hilingi'mo re, ap hiren herarik wagep mene andi oba wokhinarek lagen he, nombo'ne we'ni o,” iluk yagaisasikhesik he, it woginarek o Samaria pi wagaikhe.

KELUARAN 1:19

A'nogo yagaisasikhemo, iren yagati logolik, ”Nineisena. Hemi Ibrani mene andi hemi Mesir mene ninom higit le'ma re, it he inomame mondok hokho logolik inomalik serogo takhagarek andi nen, nit leberisogoin iluk lagu kwelek, inomalik arat takhugunem laga lago o,” iluk yagatukwa.

YAKOBUS 2:25

Andi hagat he, he Rahap yanani nikhi lagaikhe mene andi nen, afuni Israel mene nen it ap ineil wanuageluk lakfisa wagaukwa mene wagaukwama hinagaisogo woginafikhesik he, hobuk kwe amukwe nen ogalogo wulakfisasikhe andi. A'nogo hilingitikhe andiba nen, Allah nen he, ”Wene hoba mene korogo wokhigirik hambotkwe nemberek hunogo hobagagi o,” iluk yagatikheat andi.

YOSUA 2:3

A'nogo ugunem esanggo holhikhesik ap ekhe inayonggo fesikhesik he, Rahab oba lakfisikhi logolik wene yi'nogo yaga'no, isikhe: ”Ap haiba werek andi, o kota Yerikho yoma mondogat felelenghogo ineil fi-furogo penesuogeluk wagaikhasik werek andi nen he, inebe wulakfisa wesuago o,” iluk yagaisasikhemo yagasi lagaukwa.

YOSUA 6:17

Andi nen he, o kota Yerikho mondogat weagetfikhi logolik inebe inom, yi mene ti mene mondogat inom he, Allah faget fisa hak mondok legetfisano o. A'nogo meneat he, he Rahap yanani nikherek mene a'nogo nek he, aren ap niren ineil penesuageluk lakfisogo mene hinakfisikhe a'nogo nen he, at ebe inom, eisena agaisa inom, oe agot inom, inom enek he, ineluk herakfisano o.

YOSUA 6:25

A'nogo inoatukwa meneat he, he Rahab yanani nilik nikhi lagaikhe mene a'nogo ebe inom, afuni oe agot at mene mondogat inom, inom enek he, at Yosua nen ap inebe pire inayonggo fuluk, ineil wani wesuageluk o Yerikho lakfisa wagaikhe mene hinakfisasikhe andi nen he, ineluk telogo fisasukwa. (A'nogo fisasukwama, huli yogondagen afuni he Rahab en tagongge mene it afuni Israel were'ma welagaikharek.)