YOSUA 18:16 - Allah Wene Fano Wene Hupla Inane

¹⁶ andem en pelabek he tom eroma andoma nen o Hinom tonggoma inom elokhe wutse'ma andoma nen o Refaim Tonggwe ambisangma nen utara fikhit andoma. Andi nen hiling-hiling huli warek andi pelabek andi abel a'ma selatan fikhit he o Hinom Tonggo kwe nen he o Yebus kweang oba tom-tom alokwe nen eil a'ma selatan fikhiren hiling-hiling he o En-Rogel oba andoma,

YOSUA 18:16 ပူးပေါင်းရင်းမြစ်များ

2 SAMUEL 17:17

A'nogo hilingitu kwelek andem sambul he, at Abyatar amlogo Yonatan inom, Zadok amlogo Ahimaas inom, emberek o kota kwi wagunem afuni nen ineilenggen isanogo iluk, wene waluk lagunem holuogoluk yerogo re, o kota Yerusalem esanggoma i enu En-Rogel elesimo horokhogo andoma hinago welagaukwa. Were'ma, wene at raja Daud yagasi logoin mene halok, hele yenggerek inamingmingengge mene ekhe nen yagaisa laga lagaikhe.

2 SAMUEL 5:18

Lagaikhesik werek kwelek, ap Filistin mene omanogo o Refaim tonggoma andoma asi wagaukwasik welagaukwa.

1RAJA-RAJA 1:9

At Andonia nen a'nogo tegelogo fesikhesik, inenggi ekhe sambul anggo domba inom, sapi ai mene inom, otholik mene inom, Allah faget warogo o helep enu ”Walo helep oba,” iluk agarek oba i elesi En-Rogel horokhogo andoma nolesigiluk, raja Daud againafuri ap fenakwe inom, Daud agoromi inunggulenu Yehuda mene at aiba welagaukwa mene inom, inayonggo fesikhemo lagaukwa.

2 RAJA-RAJA 23:10

Nen arenat o Hinom tonggoma wesama iluk fogerati lagaukwaba omanogo weagarogo seramet fisasikheat. A'nogo hilingisogo fesikhe andi nen, o andoma afuni inagainafuri tugwi kembu Molokh faget fisaluk warogo noleti lagaukwa mene a'nogo, lek agaikhe.

1 TAWARIKH 14:9

A'nogo wulibi lagu kwelek aremnogo re it Filistin inap he o Lembah Refaim omanogo asi wagaukwasik he tonggo a'nogo it mondogat telasukwa.

2 TAWARIKH 28:3

amben fanongge o Hinom Tonggoma andoma nolhik, hilingitikhe. It afuni Israel mene o Kanaan kwi laga logolik, afuni andoma welagaukwa mene At Tuhan nen mugusogo wulakfisasikhe mene omanogo nen inetokhogo, kembu faget inonggwarek inomalik warogo woge'luk fogerati lagaukwa hakhogo, onggwarek omalik warogo kembu faget noletik, hilingiti lagaikheat.

2 TAWARIKH 33:6

At onggwarek omalik meneba nen ogore nolengge nolhu mene iluk he o Lembah Hinom omanogo warogo noli lagaikhe. Nen ekhe nekherogoat he it ap hareise inaben hilingitarek mene omanogo hilingitik, heinogengge heinok wanhik, afuni wa'lagu mene inaheimeba yaganesuageluk heinok wani lagik, hilingiti lagaikhe. Aren a'nogo weak mondok hilingiti lagaikhe andi oba Tuhan a'mage kwelafi lagaikhe andi.

YESAYA 30:33

O attagenat raja Asyur mene ebe noligin oba re foukhogo fesikhemo werek. Obalik andi re eil uanhogo ma'limaba hilingi'mo elonggo wogole'ma re noligin mene eilem warogo liagaisogo fikhemo werek. Tuhan nen At onggwarek set meneba futhamo re i eil mep mene enu belerang meneba fisagaisogo kwelakfoumo re amulok kulunghogo uan-horok lagagin.

YEREMIA 19:11

Yaganetemo an nen ap omanogo inoba yagaisikhi logolik, Tuhan Omame Mondok Hokho mene a'nogo nen he yi'nogo ikhe, ”It inunggulenu yi mene inom o kota yi inom he iwak andi hak wolelenggen tagalogo lakfisamo re ambotkwe pugunesu re elo'lek logogin o. Nen it inebe warek salinafuba obalik legen he afuni nen it inebe warek he o Tofet oba andoma salinabi logoin.

YEREMIA 19:2

seberogo louwogen iluk hondoginarek he o Hinom fanggongma kwe enu Pintu Gerbang Beling iluk agarekwe andi nen lan o. Lambik andoma nen he Tuhan ane an noba yi'nogo ino iluk wene fikhe mene andi menfeino,” ikhe.

YEREMIA 19:6

Andiba re inenggi ekhe wesigin meneba obalik ya re o Tofet igik, athe o Hinom fanggongma igik ikhi logogun lego, athe Fanggong ap inungguloak leget fisagaregoba ikhi logogun.

YEREMIA 32:35

Iren he Baal faget mezbah o Hinom fanggongma wutasik he it inagainafuri re dewa Molok oba warogo wogeri'lagwi. A'nogo hilingiri'lagwi mene andoma re An nen inom yagaisasigi lek oba nen, nen An nendawimo nen wenggelhikhi logolik iren mondok hebak inafe mene andoma hilingisugun iluk afuni Yehuda mene weak mondok hilingiri'lagwi mene andi mel he wenggel hasigi lek oba nen hilingiri'lagwi,” iluk ikhe.

YOSUA 15:63

Kota Yerusalem andi ogo re it Yehuda nen meneba nen he. it Yehuda inap en he ap Yebus inap o andoma welagaukwa mene mugusogo wulak fisasukwa lek. Yogondak huli nen he it Yebus inap andoma re it Yehuda mene inom seberogo o kota andiba werek.

HAKIM–HAKIM 1:21

Unggulenu Benyamin mene nen ap unggulenu Yebus mene o kota Yerusalem en mugusogo wulak fisa elo'lekhogo hilinglagaikhe. Andiba re ap Yebus mene re ap Benyamin mene inom seberogo welagaikharek andi.

HAKIM–HAKIM 1:8

Ap Yehuda mene re o Yerusalem weim wulifi logolik he o kota andi endu oba fagaisogo afuni o andi mene inebe mondogat inoatukwa.

HAKIM–HAKIM 19:10

Oba nen ap Lewi mene a'nogo re andoma logou aple abiren he, at ebe inom agwe a'nogo inom amingmingengge a'nogo inom anggo keledai hu'lagungge pire aremnogo inom wilipluk wagaukwa. Wagaukwasik o arat hubasigiluk ugu kwelek aremnogo o Yebus (andi re Yerusalem agare'ma) aremnogo asi wagaukwa. Asi wagaukwasik he amingmingengge a'nogo nen eisenaba ikhi logolik he, ”Hunai, nit he ap Yebus mene inawi kota ba yoma nogo ikhuogo,” iluk yagatikhe.